ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հրազդանի Վիլյամ Սարոյանի անվան հ.11 հիմնական դպրոցի անգլերենի երիտասարդ և խոստումնալից ուսուցչուհի Ռեբեկա Թադևոսյանը վերջերս դիմել է Շրի Լանկայի ESOL քոլեջի տնօրինությանը՝ քոլեջում ժամանակավորապես անգլերեն դասավանդելու նպատակով:
Շրի Լանկայի քոլեջը գործում է Քեմբրիջ քոլեջի հաստատած կրթական ստանդարտներին համապատասխան:
Քոլեջի շրջանավարտները հանձնելով Cambridge English քննությունը, իրավունք և հնարավորություն են ստանում աշխատելու անգլիախոս երկրներում կամ տեղական արտասահմանյան կազմակերպություններում:
Տեղի ունեցած առցանց հարցազրույցը հնարավորություն է տվել քոլեջի ղեկավարությանը համոզվելու, որ Ռեբեկա Թադևոսյանը խորապես և գերազանց է տիրապետում անգլերենին, ունի մասնագիտական հարուստ գիտելիքներ, որոնք կարող են օգտակար լինել իրենց քոլեջի ուսանողներին և ուսուցիչներին:
Քոլեջի տնօրինության հրավերը չի ուշանում:
2016թ. հոկտեմբերի 15-ից մինչև նոյեմբերի 15-ը Ռեբեկա Թադևոսյանը Շրի Լանկայի քոլեջում ամեն օր քոլեջի ղեկավարության առաջարկած թեմաներով սեմինար պարապմունքներ է անցկացրել ուսուցիչների համար, դասավանդել քոլեջի 2000 ուսանողների:
Ծրագրի ավարտին Ռեբեկա Թադևոսյանը քոլեջի ղեկավարության կողմից ստացել է քոլեջներում դասավանդելու իրավունք-վկայական և երաշխավորագիր- գնահատագիր:
Ռեբեկա Թադևոսյանը նաև թարգմանիչ է: Նա թարգմանել է Քորի տեն Բումի «Ապաստարան» գիրքը, որի համար նա Նոր Ջուղայի Ս.Ա. Վանքի «Ս. Ներսես Շնորհալի» գրադարանի կողմից արժանացել է գրավոր շնորհակալության:
Շնորհավորում ենք Ռեբեկա Թադևոսյանին և ցանկանում նորանոր հաջողություններ:
Մ. Զաքարյան
