«Տերևաթափ» ցուցադրական դաս Զովաբերի միջնակարգ դպրոցի երրորդ դասարանում

Նոյեմբերի 17, 2016

Դպրոցական անցուդարձ

Աշնանային մեղմ երաժշտության հնչյունների ներքո սկսվեց երրորդ դասարանի ցուցադրական դասը: Կատարվեց տնային աշխատանքների ստուգում: Երեխաները «Հրաշք» տետրում հորինել էին բանաստեղծություններ, գրել էին աքրոստիկոս «Տերև» բառի տառերով, նկարել էին տերևներ, տարվա եղանակները, տերևից պատրաստել էին ծառեր, ծաղիկներ և այլն:

Այնուհետև ուսուցչի կողմից հորինված «Չորս քույրիկները» փոքրիկ պատմության ընթերցումից հետո կատարվեց քննարկումներ: Աշակերտները գտան, թե ովքե՞ր էին քույրիկները, ի՞նչ էր նրանց անունները, համապատասխանեցրին նկարների հետ և փաքցրեցին գրատախտակին:

«Տերև» դասը հանձնարարված էր անգիր անել: Կատարվեց դասի հարցում դասարանի բոլոր աշակերտներին, ընթացքում եղան թարմացուցիչ երեք դադարներ՝ «Իմաստության ծառ», «Աշնան ամիսները», «Հանելուկ տատիկի այցելություն», որոնք նպատակաուղղված էին բուն թեմային, բայց այն կատարվում էր խաղի մրցույթի եղանակով:

Դասի ընթացքում կիրառվեց մտագրոհ և քառաբաժանում մեթոդները: Նոր նյութի անցումը կատարվեց զույգային խաղ – մրցույթի միջոցով. «Հավաքել քանդված բառը»-ով ավելի  արագ կհավաքի: Հավաքվեց տերևաթափ բառը: Բառը ենթարկեցին  բառակազմական վերլուծության: Նվագարկիչով լսեցին «Տերևաթափ» երգը և ընթացքում կատարեցին պարային շարժումներ:

Ուսուցչի կողմից ընթերցվեց նոր նյութը, քննարկվեց ուղղագրություն և բացատրություն ներկայացնող բոլոր բառերը: Դասը հանձնարավեց սովորել կարդալ և պատմել: Կրկնեցին հոմանիշ և հականիշ բառերը, օգտագործեցին «Առածանիի» ծառը:   Փոխակերպումը հանձնարարվեց տնային աշխատանք:

 Դասի ավարտին ուսուցիչը կարդաց իր հորինած «Վերջին տերևը» պատմությունը և նմանատիպ աշխատանք հանձնարարվեց կատարել «Հրաշք» տետրերում: Կապ ստեղծվեց հին ու նոր դասերի միջև, ապահովելով դասի թե՛ դաստիարակչական և թե՛ միջառարկայական կապերը:

Դասվար՝ Ս. Սահակյան