ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Քոլեջների և ուսումնարանների ընդունելության և պետական որակավորման 2020-2021 ուս.տարվա կարգը

Մայիսի 23, 2020
Պաշտոնական

ՀՀ կրթության, գիտության, մշակույթի և սպորտի նախարար Արայիկ Հարությունյանի հրամանով հաստատվել է 2020-2021 ուսումնական տարվա նախնական արհեստագործական և միջին մասնագիտական կրթական ծրագրեր իրականացնող հաստատություններում առկա ուսուցմամբ ընդունելության և պետական ամփոփիչ ստուգման կարգը (կցվում է): Կատարված ընթացակարգային փոփոխությունները հիմնականում պայմանավորված են արտակարգ իրավիճակի ռեժիմով:

Ընդունելություն

• Հաստատություններն ընդունելությունն իրականացնում են 2020-2021 ուսումնական տարվա համար հատկացված` նախնական մասնագիտական (արհեստագործական) և միջին մասնագիտական կրթական ծրագրով առկա (ստացիոնար) ուսուցմամբ անվճար և վճարովի տեղերին համապատասխան:
• Առկա (ստացիոնար) ուսուցման մրցույթին մասնակցելու համար դիմորդների փաստաթղթերն ընդունվում են Էլեկտրոնային եղանակով` ընդունելության հայտարարության հրապարակման օրվանից մինչև օգոստոսի 17-ը:
• Ոլորտային՝ արվեստի, առողջապահության և սպորտի մասնագիտություններով փաստաթղթերն ընդունվում են սկսած հայտարարության հրապարակման օրվանից և ավարտվում ուսումնական հաստատության սահմանած ընդունելության քննության օրվանից 2 օր առաջ:
• Բացի ոլորտային մասնագիտություններից, որոնց համար նախատեսված է քննություն, մնացած բոլոր մասնագիտությունների համար ընդունելության մրցույթն անցկացվում է հիմք ընդունելով հիմնական կրթության վկայականի, միջնակարգ կրթության ատեստատի, մասնագիտական կրթության դիպլոմի ներդիրի գնահատականները:
• Ոլորտային մասնագիտություններով ընդունելության քննություններն անցկացնում են քննական հանձնաժողովները` համաձայն տնօրենի հաստատած ժամանակացույցի՝ օգոստոսի 5-ից 15-ն ընկած ժամանակահատվածում:
• Դիմորդը ոլորտային մասնագիտության ընդունելության համար հանձնում է մեկ քննություն` ՀՀ կրթության և գիտության նախարարի 2012 թվականի ապրիլի 5-ի N 254-Ն հրամանի համաձայն: Մրցույթն իրականացվում է քննությունից ստացած գնահատականների հիման վրա: Հավասար գնահատականների դեպքում առավելությունը տրվում է հիմնական կրթության վկայականի, միջնակարգ կրթության ատեստատի, մասնագիտական կրթության դիպլոմի ներդիրի գնահատականների առավել բարձր միջին թվաբանական ունեցող դիմորդին:
• Քննությունները կազմակերպվում են յուրաքանչյուր քննական խմբում`ընդգրկելով մինչև 20 դիմորդ: Բանավոր քննության դեպքում քննասենյակում միաժամանակ կարող է գտնվել ոչ ավելի, քան 5 դիմորդ` պահպանելով սոցիալական հեռավորությունը՝ ապահովելով սանիտարահիգիենիկ պայմանները:
• Միջին մասնագիտական կրթական ծրագրի դիմորդն ուսումնական հաստատության հաշվեհամարին իր անվամբ փոխանցում է 1000 դրամ և փաստաթղթերը էլեկտրոնային եղանակով ներկայացնելու ժամանակ տրամադրում նաև փոխանցված գումարի կտրոնը:

Պետական ամփոփիչ ստուգում

• 2019-2020 ուսումնական տարվա պետական ամփոփիչ ստուգման անցկացման նպատակով ուսումնական հաստատություններում յուրաքանչյուր մասնագիտության գծով ձևավորվում են պետական որակավորող հանձնաժողովներ:
• Մինչև մայիսի 25-ը նշանակվում են ուսանողների փոխադրական և ավարտական ստուգարքները և կիսամյակային գնահատականները` հաշվի առնելով մինչև մարտի 13-ը տվյալ առարկայից (մոդուլից) դասամատյաններում առկա գնահատականները: 2020 թվականի մարտի 13-ից հետո հեռավար կամ առցանց (Էլեկտրոնային) եղանակով դասավանդման արդյունքները դասամատյաններում չեն լրացվում:
• Եթե ուսանողը մինչև մարտի 13-ը ստացել է գնահատական, որը ավելի ցածր է քան նախորդ կիսամյակում ստացած գնահատականը, ապա նշանակվում է նախորդ կիսամյակի տվյալ առարկայի (մոդուլի) գնահատականը:
• Եթե ուսանողը մինչև 2020 թվականի մարտի 13-ը չի ստացել տվյալ առարկայից (մոդուլից) գնահատական, ապա նշանակվում է նախորդ կիսամյակի գնահատականը:
• Եթե փոխադրական կուրսի ուսանողը առարկան (մոդուլը) անցել է միայն երկրորդ կիսամյակում և չունի գնահատական, սակայն մասնակցել է հեռավար կամ առցանց դասերին, ապա 2020 թվականի սեպտեմբերի առաջին երկու շաբաթների ընթացքում ուսումնական հաստատության կողմից կազմակերպվում է տվյալ առարկայի (մոդուլի) ամփոփում, որի արդյունքում ուսանողը գնահատվում է:
• Եթե փոխադրական կուրսի ուսանողը առարկան (մոդուլ) անցել է միայն երկրորդ կիսամյակում, սակայն չունի գնահատական ու չի մասնակցել հեռավար կամ առցանց դասերին, ապա 2020 թվականի սեպտեմբեր ամսվա ընթացքում ուսումնական հաստատությունը ուսանողի համար սահմանում է տվյալ առարկայի (մոդուլի) ուսումնառության անհատական գրաֆիկ:
• Հանրակրթական առարկաների քննական գնահատականները նշանակվում են կիսամյակային գնահատականների միջին թվաբանականով:
• Ուսումնական և արտադրական պրակտիկաների գնահատականները նշանակվում են տվյալ առարկայի տեսական մասից ուսանողի ստացած գնահատականի հիման վրա, իսկ նախաավարտական պրակտիկաներինը` ուսումնական և արտադրական պրակտիկաներից ստացած գնահատականների միջին թվաբանականով:
• Պետական որակավորող հանձնաժողովը` պետական ամփոփիչ ստուգումն ուսումնական հաստատությունում կազմակերպում է ուսանողների ստուգարքները և կիսամյակային գնահատականները նշանակելուց հետո, բայց ուչ ուշ քան մինչև 2020 թվականի մայիսի 30-ը:
• Մինչև պետական քննությունների սկիզբը պետական որակավորող հանձնաժողովին ներկայացվում են շրջանավարտների ուսումնառության ողջ ընթացքում ստացած գնահատականների (դիպլոմի ներդիրում անցկացվող) վերաբերյալ ամփոփաթերթերը:
• Մինչև 2020 թվականի հունիսի 5-ը շրջանավարտին է տրամադրվում ավարտական փաստաթուղթը` դիպլոմը (ներդիրով)` պահպանելով սանիտարահիգիենիկ պայմանները և սոցիալական հեռավորությունը:

  • Изучение новой лексики русского языка и методы ее введения в словарный запас учащихся

    Основная цель этой работы-формирование активного и расширение потенциального словарного запаса.

  • Ինֆորմացիայի ներկայացման ձևերը ու հատկությունները

  • Հանրահաշիվ և մաթեմատիկական անալիզի տարրեր 10

    ÷  ընդհանրացնել  և  ամբողջացնել  անկյան  և  թվի  սինուսի  ու  կոսինուսի,  թվային  ֆունկցիաների,  նրանց  որոշ  հատկությունների,  գրաֆիկների  ձևափոխությունների  մասին  ձեռք  բերած  գիտելիքները, ÷ համակարգել  սինուս  և  կոսինուս  ֆունկցիաների  մասին  գիտելիքները  և  մեկնաբանել  դրանց  հատկությունները  գրաֆիկորեն,   ÷ ձևավորել  ֆունկցիաների  ուսումնասիրության  ընթացքում  նրանց  գրաֆիկների  ներգրավման  կարողություններ, ÷ զարգացնել   առաջադրանքերը  կատարելիս  ձեռք  բերած  գիտելիքները  կիրառելու  հմտություններ, ÷ ցույց  տալ    սինուսի և  կոսինուսի  օրենքներով  նկարագրվող  առօրյա  երևույթների  օրինակներ  և  կարևորել  այդ  ֆունկցիաների  կիրառական  նշանակությունը, ÷  հիմք  ստեղծել  ֆիզիկայի  դասընթացում  ներդաշնակ  տատանումների  վերաբերյալ  թեման   ուսումնասիրելու  համար:

  • Ֆունկցիա: Ֆունկցիայի գրաֆիկ: Ֆունկցիայի գրաֆիկի ձևափոխություններ:

    Ողջո'ւյն, սիրելի' աշակերտներ: Սկսում ենք նոր դասընթաց Մուդլ համակարգում: Այն բաղկացած է հետևյալ թեմաներից` <<Թվային ֆունկցիա>> և <<Ֆունկցիայի գրաֆիկի ձևափոխույունները>>: Դասընթացը կտևի մինչև ուսումնական տարվա վերջ: Հուսով եմ, որ այն կլինի հետաքրքիր, մատչելի և օգտակար:Դասընթացավար` Երևանի 105 ավագ դպրոցի մաթեմատիկայի ուսուցչուհի Շ. Քոլյան:

  • ԿՈՄԻՏԱՍ ՍՔԱՆՉԵԼԱԳՈՐԾ 4 ԺԱՄ

  • Seasons and weather

    Դասի գլխավոր նպատակը սովորողների կողմից նոր նյութի յուրացումն է:Կծանոթանանք տարվա եղանակներին, կսովորենք նոր բառեր:Կներմուծենք  տարվա եղանակների և օրվա եղանակին առնչվող բառապաշար  Կզարգացնենք պարզ նախադասություններով և կառույցներով տարվա և օրվա եղանակները նկարագրելու կարողություններ Կձևավորենք  օրվա/շաբաթվա եղանակի տեսության վերաբերյալ բանավոր տեղեկատվության ընկալման հմտությունները Կզարգացնենք օրվա եղանակի մասին տեղեկատվություն փոխանակելու կարողություններ Կձևավորենք տարվա և օրվա եղանակին համապատասխան հագուստ կրելու կարևորության գիտակցություն

  • Եռանկյունաչափության ներածություն, եռանկյունաչափական նույնություններ

    Եռանկյունաչափական ֆունկցիաներ` էլեմենտար ֆունկցիաներ են, որոնք պատմականորեն առաջացել են ուղղանկյուն եռանկյունների ուսումնասիրման ժամանակ և արտահայտում են եռանկյան էջերի կախվածությունը սուր անկյուններից և ներքնաձիգից։ Այս ֆունկցիաները լայն տարածում են գտել գիտության ամենատարբեր բնագավառներում, ինչի արդյունքում ընդլայնվել է եռանկյունաչափական ֆունկցիաների սահմանումը։Գիտությունը, որն ուսումնասիրում է եռանկյունաչափական ֆունկցիաները, կոչվում է եռանկյունաչափություն։

  • Հայաստանի Աշխարհագրություն 9-րդ դասարան

  • ՏՀՏ գործիքների կիրառումը ուսումնական գործընթացում

  • Էլեկտրոլիտային դիսոցում

    Ջրում լուծելիս կամ հալելիս էլեկտրոլիտի տրոհումն իոնների անվանում են էլեկտրոլիտային դիսոցում: