Հայոց ցեղասպանության զոհերի հիշատակի օր

Ապրիլի 23, 2020

Օրվա խորհուրդ

Մեծ Եղեռնի զոհերի հիշատակի օրը նշվում է ամեն տարի ապրիլի 24-ին: 1915-ի այդ օրը թուրքական իշխանությունները Կ. Պոլսում ձերբակալել և աքսորել են հայ մտավորականների մի մեծ խմբի։

Ցեղասպանության զոհերի հիշատակի օրն առաջին անգամ պետական մակարդակով նշվել է 1965-ի ապրիլի 24-ին՝ Մեծ եղեռնի 50-ամյա տարելիցին։

1988-ի նոյեմբերի 22-ին ՀԽՍՀ Գերագույն խորհուրդը ընդունել է 1915-ի Հայոց ցեղասպանությունը դատապարտող օրենք, որով ապրիլի 24-ը հայտարարվել է Մեծ Եղեռնի զոհերի հիշատակի օր և համարվել ոչ աշխատանքային օր։

«Ինչպես և ամեն տարի, այս տարի նույնպես ոգեկոչելու ենք Հայոց ցեղասպանության նահատակների հիշատակը, բայց նոր կորոնավիրուսի տարածմամբ պայմանավորված, դա կանենք` մնալով տանը»․ ֆեյսբուքի էջում գրում է ՀՀ ԿԳՄՍ նախարար պարոն Ա․Հարությունյանը և իրազեկումը մեծացնելու համար կոչ է անում դիտել և տարածել հետևյալ տեսանյութը․
https://www.facebook.com/armgovernment/videos/633215530742400/։

ՀՀ-ում հայտարարված արտակարգ իրավիճակի պայմաններում Հայոց ցեղասպանության 105-րդ տարելիցի միջոցառումների մասին կարելի է տեղեկանալ  ՀՀ կառավարության ֆեյսբուքի էջում՝
https://www.facebook.com/armgovernment/photos/a.465404970149239/3027920383897672/?type=3&theater։