Գերմանիայում դպրոցներն իրականում չեն փակվել. ի շնորհիվ Իթվինինգի՝ նրանք պարզապես փոխել են իրենց գտնվելու վայրը

Ապրիլի 13, 2020

Դպրոցական անցուդարձ

Ուսուցչի դերը իր խնամքի տակ գտնվող աշակերտներին կրթելն է: Սակայն ի՞նչ է պատահում, երբ այս գործընթացն այլևս հնարավոր չի լինում իրականացնել:

Այս աննախադեպ ժամանաաշրջանոմ՝ փակ դպրոցների և սոցիալական մեկուսացման, ուսուցիչները բազմաթիվ դերեր են ստանձնում: Նրանք ունակ են կառուցել ջերմ միջավայր տանը, նրանք կրթում և դաստիարակում են աշակերտներին, դառնում են ընդօրինակման առարկա, կարողանում են լսել և հասկանալ խնդիրները:

Սա այն է, ինչ անում են Գերմանիայի երկու դեսպանները: Ստեֆեն Թոփլերը և Ռեբեկա Ռադանտը մեզ հետ կիսվում են իրենց փորձով, թե ինչպես են կազմակերպում իրենց և իրենց աշակերտների կյանքը Իթվինինգի միջոցով:

Իթվինինգի դեսպան Ռեբեկա Ռադանտն ունի 9 տարվա աշխատանքային փորձ և ապրում է Գերմանիայի Ռոստոկի Հանսեատիկ քաղաքում, որը Գերմանիայի Բալթյան ափի մեծությամբ երրորդ քաղաքն է: Սանիցի հանրակրթական դպրոցը Ռոստոկի մերձակայքում գտնվող գյուղական համայնքի ժամանակակից դպրոց է, որտեղ ներկայումս սովորում են 13 - 19 տարեկան 453 աշակերտներ և 46 ուսուցիչ / պրակտիկանտ: Մենք խթանում ենք Իթվինինգի տարածումը մեր դպրոցում և արժանացել ենք «Իթվինինգի դպրոց» հավաստագրին 2020 - 2021թթ համար:

Սրանք բոլորիս համար դժվարին ժամանակներ են՝ հատկապես, երբ տանը փոքր երեխաներ ունեք: Ամուսինս չի կարող տնից աշխատել, այնպես որ օրվա ընթացքում ես տանը մենակ եմ մնում մեր 3 երեխաների հետ: Սովորաբար ես դպրոցի աշխատանքներն անում եմ առավոտյան կամ երեկոյան, երբ նրանք քնած են: Օրվա ընթացքում մենք փորձում ենք ստեղծել սովորական առօրյա՝ տնային գործեր անել, քայլել դրսում, խաղեր խաղալ, բայց նաև ֆիլմեր դիտել, ինչը ինձ ժամանակ է տալիս առցանց հանդիպելու իմ աշակերտների հետ կամ առցանց դասընթացներ ունենալ:

Իթվինինգն ուսուցման և դասավանդման նոր մոտեցում է և իմ ուսումնական գործընթացը շատ է փոխել դեպի լավը: Այն ավելի աշակերտակենտրոն է: Այն թույլ է տալիս զարգացնել 21 դարի կարողությունները, ինչպիսիք են՝ ստեղծագործ մոտեցումը, քննադատական մտածողությունը և ՏՀՏ գիտելիքները:

Իթվինինգն այժմ հեշտացնում է աշակերտներին առաջադրանքներ տալը, և դա օգնում է ինձ՝ որպես ուսուցիչ, աջակցել նրանց, քանի որ ես կարող եմ նրանց միանգամից պատասխանել: Օրինակ ՝ հիմա իմ աշակերտները միջազգային խմբերում աշխատում են փոդքասթերի վրա: Իթվինինգում ես կարող եմ իմ աշակերտներիս տալ այնպիսի ստեղծագործական առաջադրանքներ, ինչպիսիք են տեսագրություններ ձայնագրելը, թվային պաստառների ձևավորումը, ինտերակտիվ շնորհանդեսների ստեղծումը, բլոգեր գրելը կամ փոդքասթեր ձայնագրելը և այլն:

Նրանք կարող են ազատ տնօրինել իրենց ժամանակը և կախված չեն գրաֆիկից: Նրանք Իթվինինգում կապվում են իրենց խմբի անդամների հետ և միասին գրում են իրենց տեքստերը համատեղ փաստաթղթերում: Կարծում եմ, որ նրանք իսկապես հաճույքով են ինքնուրույն աշխատում, համագործակցում և միմյանց հետ կապի մեջ մնում, քանի որ արգելվում է հանդիպել ֆիզիկապես:

Դասը սկսելու շատ լավ միջոց է փոքրիկ հարցում կամ քննարկում կազմակերպելը Mentimeter-ի կամ Answergardenճի միջոցով: Դուք նաև կարող եք խաղ կազմակերպել Kahoot -ի միջոցով՝ քերականությունը կամ տեքստի յուրացումը ստուգելու համար: Առցանց հանդիպումների համար ես նաև օգտագործում եմ Zoom և Etherpad գործիքները:

Իհարկե, եթե ձեր աշակերտները ծանոթ չեն այն հարթայներին, որոնցով դուք ցանկանում եք աշխատել, կարող եք տեսանյութ պատրաստել կամ ձայնագրել ձեր էկրանի աշխատանքը՝ նրանց ցույց տալու համար: Ես փորձում եմ ամեն կերպ մոտիվացնել իմ աշակերտներին: Եթե նրանք չեն աշխատում, առաջարկում եմ իմ իգնությունը և լսում նրանց:

Շատ օգտակար է լսել նար Եվրոպայի այլ դպրոցներում աշխատող ուսուցիչների փորձը և տեսնել, թե ինչպես են նրանք աշխատում այս իրավիճակում:
Բոլոր նրանց համար, ովքեր մինչ այժմ չեն օգտագործել Իթվինինգը, ապա ժամանակն արդեն եկել է:

Ստեֆեն Թոփլերը Իթվինինգի դեսպան է, ով ունի 18 տարվա դասավանդման փորձ և ապրում է Կասելում՝ մի քաղաք, որը հայտնի է ժամանակակից արվեստի Documenta ցուցահանդեսներով: Freie Schule Kassel-ը գյուղական համայնքում գտնվող փոքրիկ դպրոց է՝ աշակերտների հանդեպ մեծ նվիրումով, ծնողների ներգրավվածությամբ և կայուն զարգացման հանդեպ մեծ ուշադրությամբ:

Ամեն օր, քանի որ դպրոցները փակ են, ես օգտվում եմ «Կորոնային նվիրված Թվինսփեյսից»՝ https://twinspace.etwinning.net/112468, իմ 4-րդ դասարանի աշակերտների համար, որտեղ կան տարբեր առարկաներից թեմաներ՝ մաթեմատիկա, ֆիզկոիլտուրա, երաժշտություն, լեզուներ և այլն: Այս առաջադրանքներն ուղեկցվում են նաև տեսանյութերով, տեսադասերով և զանգերով:

Մեր 3-րդ և 4-րդ դասարանի աշակերտները մասնակցում են Adobe Connect -ի միջոցով տեսադասերին, որը շատ լավ է աշխատում:

Ինչպես նաև ես իմ ֆրանսերենի դասերը տալիս եմ Microsoft Teams-ի միջոցով շաբաթական երեք անգամ, տալիս եմ առաջադրանքներ, լսում պատասխանները և ստուգում բառապաշարը MS Forms թեստի միջոցով:

Վերջերս մենք սկսել ենք «հրապարակել» ամսագիր մեր դպրոցի ուսուցիչների, աշակերտների և շնողների համար, որը վերաբերում է մեր դպրոցական կյանքին: Այս ամսագիրը գտնվում է մեր Թվինսփեյսում:

Մենք դիտարկել ենք ներկա ճգնաժամը՝ որպես մարտահրավեր և նորարարության հնարավորություն, և մշակել ենք ոչ միայն գործիքներ մեր դասարանի, այլև ամբողջ դպրոցի համար: Մենք օգտագործել ենք թվային գործիքների մի ամբողջ նոր շարք, ինչպիսին է TwinSpace- ը ամենօրյա ուսուցման համար:

Ես ծնողներին ուղարկում եմ թարմացումներ այն մասին, թե ինչ եմ պատրաստվում անել երեխաների հետ: Նոր գործիքների առկայության դեպքում ես ծնողներին ուղարկում եմ մուտքի տվյալները և խնդրում եմ, որպեսզի օգնեն իրենց երեխաներին գտնել դրանք: Մտադրությունն այն է, որպեսզի երեխաները կարողանան առանց ծնողների ներկայության նաև աշխատել:

Նյութի աղբյուրը. https://www.etwinning.net/