«Արմաթ» ինժեներական լաբորատորիան սկսեց գործել

Մարտի 12, 2020

Դպրոցական անցուդարձ

ՀՀ Գեղարքունիքի մարզի Լճաշեն գյուղի Աշոտ Տեր-Գրիգորյանի անվան միջնակարգ դպրոցում  «Արմաթ» ինժեներական լաբորատորիան սկսեց  գործել 2020 թվականի փետրվարից, որն ամբողջությամբ փոխել է դպրոցի մթնոլորտը: Խմբակը բացվել է ՀՀ կրթության, գիտության, մշակույթի և սպորտի նախարարության  ֆինանսավորմամբ:

52 սան խմբակ է հաճախում ծնողների իմացությամբ: Ուսումնական գործընթացն իրականացվում է տեսական և գործնական պարապմունքների միջոցով: Խմբասենյակում առկա է դասընթացի կազմակերպման և իրականացման համար անհրաժեշտ պարագաներ՝  աշակերտական սեղան, աթոռ, պահարան, գրատախտակ, «ՍեՌոբ» ռոբոտ, Եռաչափ Տպիչ, Համակարգչային կառավարվող շաղափային CNC հաստոց «Arduino Mega», «Arduino pro-mini» և այլ միկրոկոնտրոլլերային հարթակներ, դետալներ, համակարգիչ, լազերային տպիչ, տեսապրոյեկտոր, աշխատանքային տետրեր և գրիչներ:

Դասընթացի ընթացքում խմբակի սաները ծանոթանում են Scratch (Աղվես) ծրագրին, որով ստեղծում են անիմացիաներ և տարատեսակ խաղեր, աշխատում են «Կրիա» ծրագրով, ծանոթանում են ռոբոտների կոնստրուկտիվ առանձնահատկություններին, ռոբոտի աշխատանքի հնարավորություններին, ռոբոտի թվային ձայնային և թվայնացման հիմունքներին, հետագայում  կկարողանան ինքնուրույն տալ պարզ տեխնիկական լուծումներ, ստեղծել ռեալ գործող ինքնաշեն ռոբոտներ, ծրագրավորել ռոբոտը LabView, Scratch ծրագրային փաթեթների միջոցով, C++ կամ այլ ծրագրավորման լեզուներով, կսովորեն ռոբոտների աշխատանքային ծրագրեր, ռոբոտների հետ շփման գրաֆիկական ինտերֆեյսներ, ինչպես կատարել մի քանի գործողություն միանգամից, զուգահեռ ծրագրավորման մեթոդներ, նրանց շրջանում կզարգանան թիմային աշխատանքի հմտություններ:  

Պատրաստելով և ծրագրավորելով տարբեր ռոբոտներ՝ աշակերտները կստանան գիտելիքների մեծ պաշար: 
Տարվա ընթացքում կատարված աշխատանքների արդյունքները ներկայացնելու նպատակով կազմակերպվում են հաշվետու ցուցահանդեսներ:  Խմբակի սաները կմասնակցեն նաև մարզային և հանրապետական մրցաշարերի:
Դպրոցի տնօրենը Աիդա Մուրադյանը,  ուսուցիչներն և աշակերտներն անչափ ուրախ են, որ դպրոցում գործելու է ինժեներական լաբորատորիա, քանի որ լաբորատորիայի խմբակում ընդգրկված աշակերտները կտիրապետեն ռոբոտաշինությանը։ Նրանք, մեկ քայլ անելով, կարող են դառնալ երիտասարդ ՏՏ մասնագետներ և մտնել աշխատաշուկա. չէ՞ որ 21-րդ դարը տեխնոլոգիական գիտելիքների ժամանակաշրջան է, նշում է տնօրենը, իսկ լաբորատորիայում կրթվելը անհրաժեշտ է ապագա ծրագրավորողին, ինժեներին, ինչպես նաև նախասիրություններ ունեցող ցանկացած երեխայի։

Խմբակավար՝ Փիրուզա Ոսկանյան