Վանաձորի ծովակալ Իսակովի անվան թիվ 23 հիմնական դպրոցում կրկին տոնական տրամադրություն էր 6-րդ «բ» դասարանում (ուսուցիչ Տ. Ջուլհակյան) կազմակերպվել էր «Ոսկեղենիկ մեր մայրենին» խորագրով բաց դաս – միջոցառում նվիրված մայրենիի օրվան:
Միջոցառման նպատակն էր սովորողների մեջ դաստիարակել հայրենասիրություն, զարգացնել գեղեցիկ հայերենով հաղորդակցվելու հմտություն, մայրենի լեզվի գեղեցկությունն ու ճկունությունը նկատելու, պահպանելու կարողություն:
Դասարանում թագավորում էր մաքրամաքուր հայերենը, սովորողների շրթունքներից հնչում էին հայեցի, անաղարտ ու մեսրոպաշունչ բառեր:
Դասն ավարտվեց վեցերորդցիների երդման հուզիչ արարողությամբ, նրանք ամենայն պատասխանատվությամբ երդվեցին անաղարտ ու մաքուր պահել հայերենը, սերունդներին ավանդել առավել ճոխ ու գեղեցիկ, առնական ու մաքուր հայերեն: