Սիրված տոն` ինքնաբուխ նվիրատվություն

Փետրվարի 19, 2020

Դպրոցական անցուդարձ

Գիրք նվիրելու օրը տոն է բոլորի համար, քանի որ գիրքը լավագույն նվերն է` ցանկացած տոնին: Կապանի N 5 hհմնական դպրոցի 2-րդ «բ» դասարանում բարի առավոտի հայացքներն ուղղված էին օդում կախված գրքերին:

- Ի՞նչ օր է այսօր, երեխանե´ր,- դպրոցի տնօրեն Սիրանուշ Հարությունյանի հարցին խումբը պատասխանեց.

- Ամենայն հայոց բանաստեղծ Հովհաննես Թումանյանի ծննդյան օրը:

Խանդավառված դասվարը` Արևիկ Հայրապետյանն ինքնաբավ հպարտությամբ լցվեց. Տոնը նպաստեց, որ գրքի նկատմամբ աշխույժ վիճակ ստեղծվի: Այնուհետև սկսեցին փոխադարձ գիրք-նվիրատվությունը և հաստատեցին որ այդ մշակույթը ներթափանցել է հասարակություն, որ գիրքն ինչքան էլ ապրանք լինի, հոգևոր և մշակութային արժեք է, որ օդում կախված լինելու խորհուրդը` օդի չափ անհրաժեշտության ընդգծումն է, որ գրքի նկատմամբ դարեդար մեզ փոխանցված սերն ու պաշտանմունքը ժառանգել է նաև նոր սերունդը:

Կապանի N 5 հիմնական դպրոց