Հույսերով լի առավոտ

Սեպտեմբերի 1, 2016

Դպրոցական անցուդարձ

Գիտելիքի գրի և դպրության տոնը մեծ խանդավառությամբ նշվեց Կապանի հ.5 հիմնական դպրոցում:

«Բարի առավոտն» օրհնություն դարձած` հնչել է բոլոր մարդկանց շուրթերից...

-Ողջու՜յն սեպտեմբերի 1... Բարի վերադարձ սիրելի սաներ, ուսուցիչներ...,- այս խոսքերով մեկնարկվեց 2016-2017 ուստարին: 

Դպրոցի բակը ողողված էր տոնական տրամադրությամբ: 
- Թող այս բարին որպես հուռութք, զարդարի առաջին օրն աշնանային... Սիրելի առաջին դասարանցիներ, դուք ոտք եք դնում մի դպրոց, որն ունի 55 ամյա պատմություն և այդ պատմության էջերը հարուստ են ձեռքբերումներով: Դուք կլինեք 55-րդ տարվա փառավոր էջի խոսուն վկաները,- բացման և ընդունելության խոսքն այսպես ավարտեց դպրոցի տնօրեն Սիրանուշ Հարությունյանը: 

Հանդիսավոր արարողակարգում հնչեցին ամենայն Հայոց Կաթողիկոս Տեր-տեր Գարեգին Բ-ի, ՀՀ Սյունիքի մարզպետ Սուրիկ Խաչատրյանի, Կապանի քաղաքապետ Աշոտ Հայրապետյանի շնորհավորական ուղերձները:
Միջոցառումն իրենց ներկայությամբ պատվել էին ՀՀ Սյունիքի մարզպետարանի կրթության, մշակույթի և սպորտի վարչության կրթության բաժնի գլխավոր մասնագետ Երջանիկ Սարգսյանը, քաղաքապետարանի ծրագրերի և արտաքին կապերի աշխատող Անի Մելիքյանը, ՀՀ արտակարգ իրավիճակների նախարարության Սյունիքի մարզի փրկարար վարչության պետ, փրկարար ծառայության փոխգնդապետ Բագրատ Զաքարյանը, N զորամասի հետախուզական վաշտի հրամանատար կապիտան Արթուր Հակոբի Զուռնաչյանը, աշխատանքային և պատերազմի վետերաններ: 
Վերջում համերգային ծրագրով հանդես եկան դպրոցի սաները և առաջին զանգի ղողանջների ներքո ազդարարվեց դասարանների դպրոցամուտը: 

Կապանի 5 հիմնական դպրոց