Ինքնակառավարումը սիրո տոնայնություն է

Փետրվարի 14, 2020

Փետրվարի 14-ին իրականություն դարձավ Կապանի N 5 հիմնական դպրոցի աշակերտական խորհրդի ամենասիրած նախագիծը` ինքնակառավարումը: Ավանդույթ դարձած ամենամյա այս գործընթացը սովորաբար համընկեցվում է որևէ նշանավոր օրվա հետ: Այս անգամ աշակերտները նախընտրեցին «Սիրո տոնը» որպեսզի, ինչպես իրենք են մեկնաբանել, ընդգծեն իրենց սիրո արտահայտությունն առ ուսուցիչ և առ մանկավարժություն:

- Մեր դպրոցում ինքնավարության սկզբունքների պահպանումը և կարծիքի ազատ արտահայտման հնարավորությունները կացութաձև է,- ասաց Բելան և օրվա ժապավենը կտրեց սիրո թռուցկահանդեսով:

Յուրաքանչյուրն անցավ պաշտոնային իր պարտականություններին. դռնապահից մինչև դպրոցի տնօրեն, բուժքույրից մինչև զինղեկ ամենայն լրջությամբ գործի անցան: Օրն անցավ ռեժիմի և նախատեսված պլանի համաձայն: Ուշագրավ էր, որ աշակերտները լիարժեք պատրաստվել էին դասերին, որի պատճառով համատարած կարգապահություն էր, ներդաշնակ մթնոլորտ, հաստիքային ուսուցիչների ժպիտներ:

Դասերից հետո կայացավ մանկավարժական խորհրդի լիակազմ նիստ, որտեղ ինքնավարները ներկայացրին կատարված աշխատանքները, որն իրապես մասնագիտական կողմնորոշման գործուն մոտիվացիա էր:

Օրվա սերն ու ուրախությունը բազմապատկեց 9-րդ «բ» դասարանի աշակերտուհի Նոննա Ավանեսյանի հաղթական լուրը, որը ստացվել էր ՆԶՊ առարկայից մարզային օլիմպիադայում պատվավոր 2-րդ տեղ գրավելու և «Մեղու – հայերենը բոլորի համար» մրցույթում հատուկ մրցանակ ստանալու առիթով: Այո, օրը տոնական էր և հանդիսավորության պակաս չզգացվեց: Դպրոցի ուսմասվար Ալինա Մկրտչյանը և տբնօրեն Սիրանուշ Հարությունյանը բարձր գնահատեցին սաների աշխատանքային, ստեղծագործական ընդունակությունները, նրանց կազմակերպական ձիրքը, և հարգանքն ու սերը ուսուցչի մասնագիտության նկատմամբ:

Կապանի N 5 հիմնական դպրոց