Հառավար դաս

Նոյեմբերի 14, 2016

Դպրոցական անցուդարձ

Գյուղական դպրոցների զարգացման ծրագրի շրջանակներում 2016թ. նոյեմբերի 11-ին  ՀՀ չորս և ԼՂՀ  մեկ  դպրոցներում կազմակերպվել է հերթական հեռավար տեսադասը: Այս անգամ կապ է հաստատվել  ՀՀ  Սյունիքի մարզի Շաքիի, Լոռու մարզի Լեռնապատի, Տավուշի մարզի Բերդավանի   միջնակարգ դպրոցների, ինչպես նաև ԼՂՀ Մարտակերտի շրջանի Մատաղիսի  դպրոցի հետ:  Հեռավար դասը իրականացվել է  Հայաստանի կրթական ցանցի ընձեռած տեխնոլոգիական հնարավորություններով:

Դասը կազմակերպվել է  Երևանի թիվ 198  ավագ դպրոցում «Հասարակագիտություն» առարկայից, որը վարել է նույն  դպրոցի ուսուցչուհի  Լիլիթ Գրիգորյանը:

Մինչև դասի սկսվելը մասնակից դպրոցների աշակերտները ներկայացել և ողջունել են միմյանց: Հեռավար դասին մասնակցում էին 10-րդ դասարանի աշակերտները: Ընտրված թեման շատ արդիական էր: Դասի նպատակն էր աշակերտներին ծանոթացնել ՄԱԿ-ի կողմից առանձնացված աշխարհի 17 խնդիրներներին: Յուրաքանչյուր դպրոցի մասնակցող դասարան բաժանվեց  երկու խմբի և յուրաքանչյուր խումբ ստացավ  երկու խնդիր: Շաքիի միջնակարգ դպրոցի աշակերտներին հանձնարարվեց  հերևյալ խնդիրները՝

1. Հասնել գենդերային հավասարության և զորացնել բոլոր կանանց ու աղջիկներին:

2. Ապահովել հասանելիություն և կայուն ձեվով կառավարել ջուրն ու սանիտարական  պայմանները  բոլորի  համար:

Խմբերը քննարկեցին  իրենց  խնդիրները  և որոշեցին այն քայլերը, որ անհրաժեշտ է ձեռնարկել իրավիճակը բարելավելու համար: Այդ առաջադրանքը կատարելու համար աշակերտները ստացան  20  րոպե ժամանակ: Նրանք գրառեցին խմբի առաջարկությունները և դրա լուծման ուղիները, այնուհետև  ներկայացրեցին  բոլոր դպրոցներին:

Վերջում խմբերը համեմատեցին իրենց որոշումներն ու  ՄԱԿ-ի որոշումները և ներկայացրեցին  իրենց վերաբերմունքն ու կարծիքները: 

 

Սյունիքի մարզի Շաքիի միջնակարգ դպրոցի ուսուցչուհիներ` Ա.Առաքելյան և Ս.Գրիգորյան