ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հայոց բանակի կազմավորման 28-ամյակին նվիրված «Խաղաղության արծիվներ» խորագրով միջոցառում

Փետրվարի 3, 2020
Լուրեր կազմակերպություններից

«Իմ կենացը մի՛ խմեք, այլ իմ գո՛րծը շարունակեցեք»:
Մոնթե Մելքոնյան

Հունվարի 31-ին Գյումրու թիվ 4 արհեստագործական պետական ուսումնարանը «Ընտանիք» մանկապատանեկան ստեղծագործական կենտրոնի հետ համատեղ կազմակերպել էր Հայոց բանակի կազմավորման 28-ամյակին և ՀՀ ազգային հերոս, լեգենդար հրամանատար Մոնթե Մելքոնյանին նվիրված «Խաղաղության արծիվներ» խորագրով միջոցառում։

Հանդիսության պատվավոր հյուրերն էին Գյումրու կայազորի N զորամասի հրամանատարական կազմը, մարզպետարանի զորահավաքային նախապատրաստության բաժնի ներկայացուցիչներ, ժամկետային զինծառայողների ծնողներ, արձակուրդում գտնվող ուսումնարանի զինծառայող սաներ։

Միջոցառման նպատակն էր արժևորել Հայոց բանակի դերը՝ որպես պետականության և անկախության պահպանման երաշխիք, նպաստել դեռահասների հայրենասիրական դաստիարակությանը, կարևորել հայրենիքի պաշպանության սրբազան գործը:

Ցերեկույթն ազդարարվեց ՀՀ պետական դրոշի հանդիսավոր ներսբերմամբ՝  զորամասի փողային նվագախմբի նվագակցությամբ:

Միջոցառման հանդիսավոր մասում Գյումրու թիվ 4 արհեստագործական պետական ուսումնարանի տնօրեն Քնարիկ Ահարոնյանը շնորհավորեց Հայկական բանակի կազմավորման 28-ամյակը: Օրվա առիթով շնորհակալագիր հանձնվեց Գյումրու կայազորի N զորամասին, ի դեմս հրամանատար գնդապետ Մասիս Հովսեփյանի` ուսումնական հաստատության հետ համագործակցելու, պատանիների ռազմահայրենասիրական դաստիարակությանը նպաստելու համար: Պարգևատրվեցին նաև կրթօջախների ժամկետային զինծառայող սաները` հաստատության պատիվը բարձր պահելու, օրինակելի զինվորական կարգապահության և մասնագիտական պատրաստվածության համար:

Միջոցառման երկրորդ մասում հնչեցին հզոր և մարտունակ հայկական բանակին նվիրված բազմաթիվ շնորհավորանքներ, ներկայացվեց զինված ուժերի դերն ու կարևորությունը, ազատագրական պայքարի գաղափարական ջահակիր Մոնթե Մելքոնյանի հերոսական կերպարը` որպես հաղթանակների ու հաջողությունների անվիճելի գրավական։ Սաները հանդես եկան ոգեշունչ պարերի, հայրենասիրական երգերի խրոխտ կատարումներով:

«Բանակում ծառայելը մեծ պարտք է, իսկ հայոց հաղթանակած բանակում ծառայելը` պատասխանատվություն ու պատիվ».-ահա այս պատրաստակամությամբ հայրենիքի պաշտպանության սուրբ գործը շարունակող ապագա զինվոր-սաները խոստացան հետևել հերոս մարտիկների օրինակին՝ աննահանջ պայքարել ազգի ու հայրենի սահմանների խաղաղության և անվտանգության համար:

Երկու կրթամշակութային հաստատություններում հասակ առնող փոքրիկ «Մոնթեները» ծաղիկներ նվիրեցին ծառայության մեջ գտնվող սաների ծնողներին և երախտագիտության խոսքն հղեցին նրանց, որ ծնել ու սնել են քաջարի հայորդիներ, ովքեր ծառայում են հայրենիքին անմնացորդ նվիրումով ու վեհությամբ:

Միջոցառումը եզրափակվեց կենտրոնի պարարվեստի խմբակի սաների հաղթական «Բերդ» պարով` որպես Հայոց բանակի անսասանության և հայ ժողովրդի միասնության խորհրդանիշ:

Հ․Սարգսյան

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…