8 հիանալի վեբ գործիքներ՝ տեսադասեր ստեղծելու համար

Հունվարի 31, 2020

ՏՀՏ նորություններ

Հարգելի ուսուցիչներ, Educatorstechnology կայքը ներկայացնում է վեբ գործիքներ, որոնք կարող եք օգտագործել տեսադասեր ստեղծելու համար: Տեսադասի բնույթը պայմանավորված է դասի նպատակով, որի համար ստեղծվում է այն. դա կարող է լինել բացատրական տեսանյութ, քայլ առ քայլ ձեռնարկ, ակնարկ, ցուցադրություն, ձայնագրված տեսանյութերի ներկայացում և այլն: Տեսադասերը իդեալական են ինչպես շրջված դասարանում, այնպես էլ գրեթե ցանկացած ուսումնական իրավիճակում  կիրառվելու համար: Այն գործիքները, որոնք կներկայացվեն ձեզ, պարզ ու հեշտ են օգտագործման համար և որևէ կիրառական ծրագրի տեղադրում չեն պահանջում:

YouTube Video Editor

YouTube Video Editor-ը ներառում է բոլոր հնարքները, որոնք անհրաժեշտ են գրավիչ տեսադասեր ստեղծելու համար: Դուք կարող եք օգտագործել դրանք տեսանյութերը կտրելու, հիպերհղումներ, պատկերազարդ տեքստեր ձայնաերիզներ և մի քանի այլ մուլտիմեդիա նյութեր ավելացնելու համար: Որպեսզի կարողանաք օգտագործել YouTube Video Editor, դուք պետք է Google ձեր հաշվի միջոցով մուտք գործեք ձեր ալիք: Ուղեցույցը՝ https://www.educatorstechnology.com/2015/11/5-annotation-tips-for-teachers.html։

Snagit

Snagit-ը պարզ միջոց է բարդ գործընթացը բացատրելու նպատակով սքրինշոթեր, տեսանյութեր ստեղծելու, մանրամասն արձագանքներ տրամադրելու կամ կարևոր տեղեկություններ փոխանակելու համար ... Նկարահանեք այն պատկերը կամ տեսանյութը, ինչ տեսնում եք ձեր համակարգչի էկրանին: Ձայնագրեք Skype զանգերը կամ Google Hangouts-ը: Ճանապարհորդելու ընթացքում տեսաձայնագրեք հանդիպումներ և հարցազրույցներ, որոնք կարող եք ավելի ուշ դիտել ու դիտել:

Camtasia

Սա ևս մեկ հիանալի գործիք է, որը կարող եք օգտագործել ձեր էկրանի տեսանյութը ձայնագրելու համար: Camtasia- ն ունի զարգացած տեսախմբագիր, որը հնարավորություն է տալիս ստեղծել մասնագիտական տեսանյութեր. դուք կարող եք ավելացնել շարժում, երաժշտություն, անցումներ կամ նույնիսկ ներառել ձեր խցիկի կադրերը և այն վերածել հրահանգներ պարունակող տեղեկատու-տեսանյութի:

Explain Everything

Նրանց համար, ովքեր օգտագործում են Chromebook-ը, Explain Everything-ը հիանալի գործիք է տեսադասեր ստեղծելու համար: Այն առաջարկում է ձեզ ինտերակտիվ էկրան՝ սլայդներ ստեղծելու, ցանկացած գույնով նկարելու, տեքստային, ձայնային ֆայլեր, պատկերներ և տեսանյութեր ավելացնելու հնարավորություն՝ հիանալի տեսաձեռնարկներ մշակելու համար:

Playposit

Playpoist-ը (նախկին Educannon) ևս մեկ հիանալի գործիք է, որն օգտագործվում է տեսադասեր ստեղծելու համար: Այն թույլ է տալիս ավելացնել ձեր տեսանյութերին հարցումների լայն տեսականի: Այդ հարցերից յուրաքանչյուրը որոշակի պահի կապվելու է տեսանյութի հետ, ինչը սովորողների ուշադրությունը կգրավի մինչև տեսանյութի ավարտը: Կարող եք ավելացնել աղյուսակներ, պատկերներ, ձայնագրություններ, հղումներ և նույնիսկ ներառել կոդավորումներ:

EDpuzzle

Եթե դուք դասարանում օգտագործում եք տեսանյութեր, ապա EDpuzzle-ի օգտագործումը պարտադիր է: Վերցրեք ցանկացած տեսանյութ YouTube-ից, Khan Academy-ից, Learn Zillion-ից և այն EDpuzzle-ի օգնությամբ կատարյալ դարձրեք ձեր դասի և առավել գրավիչ՝ ձեր ուսանողների համար: Ցանկացած տեսանյութ դարձրեք իսկական դաս՝ այն դարձնելով անհատական, գործուն և արդյունավետ, բացի այդ, ստացեք ձեր ուսանողների մասին այնպիսի տվյալներ, որոնք կօգնեն ձեզ ճշտել, արդյո՞ք նրանք իսկապես հասկանում են դասը:

VideoAnt

VideoAnt-ը շարժական և աշխատասեղանի սարքերի համար վեբ-համառոտագրման գործիք է: Համացանցում տեղադրված տեսանյութերին համառոտագրություններ կամ մեկնաբանություններ ավելացնելու համար օգտագործեք VideoAnt-ը: VideoAnt-ի համառոտագրություններով տեսահոլովակները կոչվում են «Մրջյուններ»:

Screencast-O-Matic

Screencast-O-Matic-ը անվճար է և հեշտ՝ էկրանի ձայնագրությունն օգտագործելու համար: Մեկ կտտոցով կարող եք սկսել ձայնագրել ձեր էկրանն ու ձեր զննարկիչն անմիջապես Windows-ում, Mac-ում, Linux-ում և դրա համար չի պահանջում որևէ ծրագրի տեղադրում:

Նյութի աղբյուրը. Educatorstechnology