2020 թ․ հունվարի 29-ին և 30-ին Կապանի N 5 հիմնական դպրոցի դահլիճում հայրենասիրության համազարկ էր, թնդում էր բանակաշինության պաթետիկ խոսքը, ժապավենի պես անցնում էր հայոց բանակի տարեգրությունը և ներկայացվում էր հայ զինվորի անպարտելի կերպարը: Բեմը վեր էր ածվել իսկական զորամասի, իսկական պատերազմի դաշտի և իսկական հաղթության բերկրանքի հոգեցունց ճարճատյունի հաջորդական միացման: Անթաքույց է, որ աշակերտների հոգուն հարազատ են դարձել մեր հայրենասիրական երգ ու պարը, մեր ազգային բանակի նիստուկացը: Ամեն ինչ այնքան սրտանց էր և այնպես ոգեղեն, որ դժվար էր գնահատել, որն է բեմում առաջնային` լիրիկան, թե՞ զինվորական մարտական ոգին: 4-րդ «բ» դասարանախումբը`դասվար Անահիտ Ալթունյանի հետ ապացուցեցին, որ հայրենասիրությունը ձևավորվում է հենց տարրական դպրոցում, իսկ 8-րդ «ա» դասարանախումբը` հայոց լեզվի և գրականության ուսուցչուհի Ծովինար Ղազարյանի ծրագրով ընդգծեց, որ հայրենասիրությունը փոխանցվում է մոր կաթի հետ, ձևավորվում մոր ծնկներին:
- Թե՛ առաջինը, թե՛ երկրորդը ճիշտ է ու կարևոր, քանի որ հայ ժողովուրդը դրանում համոզվել է երիցս ու հպարտացել հատկապես Արցախյան պատերազմի հաղթական ելքով,- ահա այսպես բնութագրեց միջոցառումները դպրոցի զինղեկ, փոխգնդապետ Գարիկ Ներսեսյանն իր պաշտոնական խոսքում, քաջալերեց աշակերտներին Հայկական բանակի 28-րդ տարեդարձին նվիրված գեղեցիկ միջոցառման ու հայրենասիրության դրսևորման համար, հորդորեց լավ սովորել ու բարձր գիտելիքներով զինվորագրվել փառապանծ բանակին:
Միջոցառումներին ներկա էին Կապանի «Երկրապահ» կամավորականների միության նախագահ Սուրիկ Հովսեփյանը,Կապանի «Ազատամարտ» կոմիտեի նախագահ Խորեն Հարությունյանը, բանակի սպաներ, վետերաններ, 97-րդ բրիգադի դեսանտագրոհային գումարտակի վետերաններ, մի շարք պատերազմի վետերաններ ու հաշմանդամներ, զինկոմիսարիատից սպաներ: Դպրոցի տնօրեն Սիրանուշ Հարությունյանն իր խոսքի մեջ հարգանքի խոնարհում ուղղեց պատերազմում զոհված հայորդիներին, նրանց հարազատներին, շնորհակալություն հայտնեց ելույթ ունեցող աշակերտներին, նրանց ուսուցիչներին, օրվա խորհրդի,նկատմամբ հարգանք ցուցաբերած ներկա գտնվողներին և, ի դեմս դպրոցի շրջանավարտ նորակոչիկ զինվորների, խաղաղ երկինք մաղթեց բոլոր զինծառայողներին:
Օրվա խորհուրդն ու բովանդակությունը պատեհ էր ՆԶՊ առարկայի օլիմպիադայից տարածքային փուլի շեմը հաղթահարած և մարզային փուլին մասնակցելու և իրավունք ձեռք բերած 9-րդ «բ» դասարանի աշակերտուհի Նոննա Գագիկ Ավանեսյանին և 8-րդ «բ» դասարանի աշակետուհի Մարիամ Սևադայի Աբգարյանին, ՀՀ պաշտպանության նախարարության Սյունիքի մարզի զինվորական կոմիսար, գնդապետ Ա. Մանուչարյանի կողմից տրված պատվոգրերով պարգևատրելու և արարողակարգային պաշտոնականությունն առավել ոգևորեց ներկաներին:
Կապանի N 5 հիմնական դպրոց
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ