ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ամանորի առիթով տոմսեր նվիրեք ձեր մտերիմներին. Արայիկ Հարությունյանի կոչն ուսանողներին

Դեկտեմբերի 25, 2019
Պաշտոնական

Վ. Բրյուսովի անվան պետական լեզվահասարակագիտական համալսարանում տեղի է ունեցել «Լավագույն ուսանող» մրցույթի այս տարվա  հաղթողների պարգևատրման արարողությունը:

«Լավագույն ուսանող» մրցույթում հաղթող ճանաչված բարձր առաջադիմությամբ ուսանողները, համաձայն ՀՀ կրթության, գիտության, մշակույթի և սպորտի նախարարի հրամանի, պարգևատրվել են հավաստագրերով և ՀՀ պետական բյուջեից հատկացված անվանական դրամական կրթաթոշակներով: Պարգևներն հանձնել է ԿԳՄՍ նախարար Արայիկ Հարությունյանը: Շնորհավորելով հաղթողներին` նախարարը նշել է, որ ուսանողները կրթության քաղաքականության մշակման ասպարեզում շարունակում են մնալ նախարարության ամենակարևոր գործընկերներց մեկը. «Առաջիկա մեկ տարվա ընթացքում մենք ձեր կարիքն ավելի շատ ենք ունենալու,  որովհետև բարձրագույն կրթության և գիտության մասին օրինագծի քննարկումներն առաջիկայում շարունակվելու են ուսանողների ակտիվ մասնակցությամբ: Չենք ուզում ասել, որ նախագիծն անթերի է, բայց  փորձել ենք լուծում տալ հիմնական բոլոր խնդիրներին: Մեր առաջարկած լուծումները քննարկումների ժամանակ հղկվում են»,-նշել է նախարարը: Արայիկ Հարությունյանը շնորհավորել է նաև ուսանողների գալիք Ամանորը` ընդգծելով, որ ԿԳՄՍ նախարարությունը ջանքեր է գործադրում Նոր տարին մշակութային հագեցվածությամբ նշելու նոր մշակույթ ձևավորել. «Օգնեք մեզ տարածել այդ գաղափարը. մենք առաջարկում ենք տոնը  լիարժեք դարձնել այցելելով մշակութային հաստատություններ` թատրոններ և թանգարաններ, որոնք տոնական օրերին ծառայություններ են մատուցելու: Ամանորի առիթով տոմսեր նվիրեք ձեր մտերիմներին, դասախոսներին և ռեկտորներին, նրանք էլ թող ձեզ նվիրեն»,- իր խոսքն ամփոփելով կոչ է արել Արայիկ Հարությունյանը:

Նշենք, որ «Լավագույն ուսանող» մրցույթի ամփոփմանը ներկա են գտնվել ՀՀ բուհերի ռեկտորները, ոլորտն համակարգող նախարարի տեղակալ Գ. Թամրազյանը: Մրցույթն անցկացվել է երկու փուլով՝ ներբուհական և հանրապետական: Ներբուհական փուլն ավարտելուց հետո բուհերը մինչև հոկտեմբերի 20-ը ՀՀ կրթության, գիտության, մշակույթի և սպորտի նախարարություն են ներկայացրել մրցույթի առաջին փուլի արդյունքներով հաղթած ուսանողների փաստաթղթերը:

ՀՀ կրթության, գիտության, մշակույթի և սպորտի նախարարի դեկտեմբերի 2-ի հրամանով հաստատված մրցութային հանձնաժողովն ամփոփել է երկրորդ` հանրապետական փուլի արդյունքները և հաղթող է ճանաչվել (1-3-րդ տեղեր) բակալավրի և մագիստրոսի կրթական աստիճաններում սովորող 38 ուսանող՝ 15 բուհից: Մրցանակները տրվել են 7 ոլորտներում (բնագիտություն, հասարակագիտություն, հայագիտություն, հումանիտար, բժշկություն, ճարտարագիտություն, մշակույթ, սպորտ):

2019 թ. «Լավագույն ուսանող» մրցույթում 1-ին տեղը շնորհվել է 14 ուսանողի, 2-րդ և 3-րդ տեղերը` 12-ական ուսանողի.             

1-ին տեղ` 420.000 /չորս հարյուր քսան հազար/ դրամ,
2-րդ տեղ՝ 300.000 /երեք հարյուր հազար/ դրամ,
3-րդ տեղ՝ 210.000 /երկու հարյուր տաս հազար/ դրամ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Երևույթների և նյութերի ճանաչումը

    Բնությունն ուսումնասիրում են ֆիզիկան, կենսաբանությունը, աշխարհագրությունը, քիմիան և այլ գիտություններ: Բնությունն ուսումնասիրող գիտություններն ունեն ընդհանուր անվանում՝ բնական գիտություններ: Բնական գիտությունների ուսումնասիրությունների արդյունքներն օգնում են մարդուն բնությունից ստանալ այն, ինչ անհրաժեշտ է մարդուն՝ կյանքի որակը բարձրացնելու, ճիշտ և լավ ապրելու համար՝ հնարավորինս քիչ վնաս հասցնելով նրան:

  • Ճնշում: Ճնշման ուժ

  • Ճնշում։ Ճնշման ուժ։

  • Կրիայ ծրագրի ուսուցում

    Այս  դասընթացը նկարագրում է «Կրիայ» ծրագրի դասավանդման ուղեցույցը։ Այստեղ քայլ առ քայլ նկարագրվում է յուրաքանչյուր դասի ընթացքը և հանձնարարվում առաջադրանքներ։

  • Հայոց լեզու

    Դասընթացը ստեղծվել է Կրթական տեխնոլոգիաների ազգային կենտրոնի հեռավար ուսուցման հարթակում՝ կրթության առանձնահատուկ պայմանների կարիք ունեցող սովորողների համար տնային ուսուցում կազմակերպելու նպատակով։ 

  • Մաթեմատիկա

    Այս դասը ստեղծվել է հեռավար ուսուցման հարթակում կրթության առանձնահատուկ պայմանների կարիք ունեցող տնային ուսուցման ենթակա սովորողների համար հեռավար ուսուցում կազմակերպելու նպատակով։Դասընթացը կազմված է հանրակրթական դպրոցի չափորոշչային և ծրագրային պահանջներին համապատասխան՝ հաշվի առնելով նաև սովորողի անհատական ուսումնական պլանի պահանջները։ 

  • Կիսամյակային ամփոփիչ աշխատանք

  • Թեմատիկ աշխատանք քիմիա առարկայից

  • Մարմնի կշիռ

  • ՈՒժաչափ: Մարմնի կշիռ: