Կարողությունների զարգացման դասընթացներ Տավուշի մարզում

Նոյեմբերի 10, 2016

Լուրեր կազմակերպություններից

Տավուշի մարզի Բաղանիս, Ոսկևան, Բերդավան և Հաղթանակ   համայնքների երիտասարդների շահերի պաշտպանության խմբերի համար անցկացվեց  վերապատրաստման առաջին դասընթացը՝  «Մարդու իրավունքներ և երիտասարդության բարեկեցության վրա ազդեցություն ունեցող քաղաքացիական չափորոշիչներ» թեմայով: Նպատակն էր երեխաներին հաղորդել համապարփակ գիտելիքներ և  տալ կարողություններ մարդու իրավունքների ու հասարակական  նախաձեռնություններ իրականացնելու համար անհրաժեշտ կարողություններ, ուժեղացնել թիմային համագործակցության հմտությունները: Դասընթացի թեմատիկան բազմազան էր.  մարդու իրավունքներ և պաշտպանություն, , քաղաքացիական հասարակություն, երիտասարդների բարեկեցության վրա ազդեցություն ունեցող քաղաքացիական չափորոշիչներ, քաղաքացիական ակտիվություն, մարդու իրավունքների ազգային ու միջազգային փաստաթղթերի ներկայացում,  ՏԻՄ  մակարդակում որոշումների կայացման գործընթացի մասնակցություն, թեմատիկ տեսաֆիլների ցուցադրություն և քննարկումներ:  Ոչ ֆորմալ կրթական մեթոդների օգտագործմամբ և թիմային վարժանքների   օգնությամբ  ուսուցանումը խթանեց  մասնակիցների ներգրավվածությունը ուսուցման գործընթացում: Դասընթացից երեխաները սովորեցին մարդու հիմնական  իրավունքների ու ազատությունների դասակարգման, հատկանիշների(անկողմնակալություն, համընդհանրություն, անօտարելիություն, անկապտելիություն և այլն)  և  դրանց պաշտպանության, խախտումների կանխարգելման  ուղիների, ժողովրդավարության, պետություն-քաղաքացի իրավական հարաբերությունների, պետության կողմից իրավունքների իրացման նպատակով անհրաժեշտ քայլերի ու իրավական մեխանիզմների, ինչպես նաև անհատի ու քաղաքացիների խմբերի տեղական մակարդակներում կառավարմանը ակտիվ մասնակցության եղանակների ու տարբերակների վերաբերյալ:  Ծրագրի մասնակից  14 ամյա Ժաննան դասընթացի կարևորության մասին հետևյալն է նշում.«Իմ համար դասընթացի մասնակցությունը կարևոր է, քանի որ  տեղեկացա մարդու իրավունքների մասին, որոնք մինչ այս մակերեսորեն գիտեի: Հետաքրքիր էր նաև այդ իրավունքների մասին օրենքների մասին ուսուցումը, թիմային աշխատանքը և համոզված եմ, որ գիտենալով դրանց մասին,  կարող եմ պաշտպանել իմ իրավունքները»:

Կարողությունների հզորացման նպատակով խմբերը կվերապատրաստվեն նաև շահերի պաշտպանության, տվյալների հավաքագրման ու մշակման, գործողությունների պլանավորման ոլորտներում՝ գիտելիքներ ու հմտություններ ձեռք բերելու նպատակով: Խմբերը, որոնք  ներառում  են ավելի քան 55 անդամ, կմշակեն համայնքային նախագծեր և  քաղաքացիական նախաձեռնությունների, քարոզարշավների ու այլ  միջոցառումների իրականացման ժամանակ կներգրավվեն  նաև որոշում կայացնողների ու հանրության շրջանակներին:

ՎՎՀ Իջևանի գրասենյակ