ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Նախնական զինվորական պատրաստության դասը զորամասում

Նոյեմբերի 11, 2019
Դպրոցական անցուդարձ

2019թ. նոյեմբերի 8-ին Կապանի N 5 հիմնական դպրոցի 9-րդ ա, բ, գ դասարանների աշակերտներն այցելեցին ՀՀՊՆ 73128 զորամաս՝ դպրոցի զինղեկ, փոխգնդապետ Գարիկ Ներսեսյանի գլխավորությամբ և դասղեկներ՝ Արփենիկ Հայրապետյանի, Անյուտա Օհանջանյանի և Գայանե Հայրապետյանի ուղեկցությամբ:

Հիմնական նպատակները.

  • Դպրոց-բանակ կապի ամրապնդում
  • Զորամաս-դպրոց փոխգործակցություն
  • Նախնական զինվորական պատրաստության դասը զորամասում
  • Ռազմահայրենասիրության ամրապնդում
  • Զինվորական մասնագիտության ընտրություն և կողմնորոշում

Աշակերտները որպես դասակներ, շարվել են դպրոցի բակում, ստացել հրահանգավորում: Առանձին հրահանգավորվել են նաև դասղեկները, դասակի և ջոկերի հրամանատարները: Կատարվել է դասակների կազմով երթ՝ դպրոց-զորամասի տեղակայման վայր, որի ընթացքում ուշադրություն է դարձվել կազմակերպչական ունակություններին, համախմբված գործելու, ղեկավարելու և ղեկավարվելու հարցերին: Ընթացքում տրվել է նաև ներածական հրահանգներ և ստուգվել դրանց կատարումը: Շարվել են զորամասում, դիմավորել զորամասի հրամանատարին, ողջունել ու լսել զ/մ հրամանատար, գնդապետ Գ. Պողոսյանի խոսքը՝ վերաբերվող օրվան և նպատակներին: Դպրոցին կցված սպա, մայոր Հ. Այվազյանի ուղեկցությամբ աշակերտները ծանոթացան ու տեսան զորամասի մարտական դրոշի պահպանման կարգը ու նշանակությունը, ներքին ու պահակային ծառայությունների կազմակերպման կարգը և առանձնահատկությունները: Սպառազինության ու տեխնիկայի սպասարկման և պահպանման կարգի, ինչպես նաև մարտական մեքենաների, հրանոթների, մարտավարական տեխնիկական բնութագրերի մասին ներկայացրեցին և տեղում ցույց տվեցին յուրաքանչյուր տեխնիկայի պատասխանատու սպաները և գերազանցիկ զինվորները: Ծանոթացան նաև դաշտային խոհանոցի բացազատման և սպասարկման կարգին:

Անցկացվեց աշակերտների և զինվորների շփում՝ առօրյա զինվորական կյանքի մոտեցումներով, զրույց զինվորների հետ՝ ավտոհավաքակայանում: Ծանոթացան ճաշարանում զինվորների կերակրման և սպասարկման կարգին, ցույց տրվեց զորանոցում զինվորների հանգստի կազմակերպումը, անկողինների հարդարումը, մաքրության և կարգապահության պահպանումը, զինանոցում զենք-զինամթերքի պահպանությունը:

Զորամասի դահլիճում ըստ պլանի անցկացվեց զրույց՝ սպաների հետ «Զինվորականի մասնագիտության և ընտրության կողմնորոշման» թեմայով: Զինվորական կարգապահության զորամասի մարտական նշանակության և զորամաս-դպրոց համագործակցության մասին ելույթ ունեցան զորամասի հրամանատարի ԴԱԳ տեղակալ, փոխգնդապետ Արթուր Մարտիրոսյանը և մայոր Հ. Այվազյանը:

Ամփոփիչ խոսքով ելույթ ունեցավ զինղեկ Գարիկ Ներսեսյանը՝ կարևորելով նման միջոցառումների անցկացումը՝ պայմանավորվելով հետագայում ևս համագործակցել զորամասի հետ՝ թե՛ դպրոցում և թե՛ զորամասում՝ ռազմահայրենասիրական միջոցառումներ անցկացնելու համար:

Ցանկության դեպքում, հանգստի օրերին, թիմային կարգով անցկացնել սպորտային խաղերի մրցումներ նաև զենքի քանդման –հավաքման և այլ մարզաձևերից՝ ամրապնդելով դպրոց-զորամաս կապը:

Գ. Ներսեսյանը շնորհակալություն հայտնեց զորամասի հրամանատարությանը՝ դպրոցի հետ համագործակցելու և պլանով նախատեսված պարապմունքները պատշաճ մակարդակով կազմակերպելու համար:

Աշակերտները բարձր տպավորությամբ ու տրամադրությամբ կատարեցին երթ՝ զորամասից դպրոց:

Կապանի N 5 հիմնական դպրոց

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…