Օրը սկսվեց վառ ժպիտով …

Նոյեմբերի 7, 2019

Դպրոցական անցուդարձ

Երեխաներն ապրում ու զարգանում են այն միջավայրում, որը ստեղծում են մեծահասակները:

Ուսումնական ճամփորդությունը տարրական դպրոցում ձևավորում է երեխայի տրամադրությունը կրթության նկատմաբ:

Նոյեմբերի 6-ին` Կապանի N 5 հիմնական դպրոցի 2-րդ «բ» դասարանում քաղցրահամ, ոսկեգանգուր, կարմրաթուշ տրամադրություն էր տիրում:

Մայրենիի թեման «Ոսկեծամիկ աշունն» էր, իսկ դասվար Արևիկ Հայրապետյանը ոսկերչական ձեռագրով ու մանկավարժական ջանքերով դասարանը վերածել էր աշնանային գեղարվեստական կերտվածքների:

Դասն ընթացավ պլանին համապատասխան, աշակերտների մասնակցությունը` գերագույն ոգևորվածությամբ, և օրը սկսվեց «Վառ ժպիտով» խոսքերով մուտքը, որոշիչ էր ողջ ընթացքում:

Դասին կիրառվեց խմբային մեթոդը, որը նախադրյալ ստեղծեց նյութ, գործիք և ուսումնական արդյունք տեսանելի լինելու համար, իսկ Խիկ համակարգով հստակորեն լուսաբանվեց ողջ դասապրոցեսի անցկացման արդյունավետության աստիճանը:

Դպրոցի ուսմասվար Ալինա Մկրտչյանը հանգամանալից վերլուծեց ուսումնական գործընթացը դիդակտիկ մանրամասներով, տեսական և գործնական-կիրառական բնույթի խնդիրներով և դրանց համակարգումը գնահատեց 10 միավոր:

Տնօրեն Սիրանուշ Հարությունյանը շնորհակալական ու գովասանքի խոսքեր ուղղեց թե՛ երեխաներին, թե՛ ծնողներին, թե՛ դասվար Ա. Հայրապետյանին` բարձր գնահատելով օրվա ձեռքբերումը:

Կապանի N 5 հիմնական դպրոց