ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԿԳՄՍՆ աջակցությամբ՝ «Ժամանակակից դասականներ» փառատոնն առաջին անգամ Հայաստանում

Նոյեմբերի 5, 2019
Մշակութային լուրեր Պաշտոնական

Նոյեմբերի 1-9-ը Հայաստանում առաջին անգամ ՀՀ կրթության‚ գիտության‚ մշակույթի և սպորտի նախարարության աջակցությամբ անցկացվում է «Ժամանակակից դասականներ» կոմպոզիտորական փառատոնը, որի շրջանակում աշխարհի տարբեր ծայրերից Երևան են ժամանում մեր օրերի լեգենդար կոմպոզիտորները՝ Ցիգան Չենը, Քշիշտոֆ Պենդերեցկին, Ալեքսեյ Շորը, Գեորգս Պելեցիսը, Ալեքսանդր Չայկովսկին և Կառլ Ջենկինսը:

Փառատոնի շրջանակում այսօր Ալ. Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել «Հայաստանը ժամանակակից երաժշտության քարտեզի վրա» խորագրով միջոցառում, որին մասնակցել են  ՀՀ կրթության‚ գիտության‚ մշակույթի և սպորտի նախարար Արայիկ Հարությունյանը, ՀՀ ժողովրդական արտիստ Տիգրան Մանսուրյանը, Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը, ինչպես նաև այս օրերին Երևանում գտնվող փառատոնի հյուրերը՝ լեհ կոմպոզիտոր Քշիշտոֆ Պենդերեցկին‚ Արամ Խաչատրյանի աշակերտ, կոմպոզիտոր Գեորգս Պելեցիսը‚ Լյուդվիգ վան Բեթհովենի անվան ասոցիացիայի նախագահ, Բեթհովենի անվան Զատկի փառատոնի գլխավոր տնօրեն Էլժբետա Պենդերեցկան‚ Մշակույթի աջակցության եվրոպական հիմնադրամի նախագահ Կոնստանտին Իշխանովը և Վարշավայի ֆիլհարմոնիկ նվագախմբի դիրիժոր Մաչեկ Տվորեկը: 

Ողջունելով հանդիպման մասնակիցներին՝ նախարար Արայիկ Հարությունյանը նշել է, որ «Ժամանակակից դասականներ» կոմպոզիտորական փառատոնը կարևոր տեղ ունի մեր երկրի մշակութային իրադարձություններ շարքում, քանի որ միջոցառման շրջանակում Հայաստանում հյուրընկալվում են արդեն իսկ դասական դարձած ժամանակակից հեղինակներ, որոնց աշխատանքները հնչում են հռչակավոր բեմերում։

«Հայաստանում դասական երաժշտությունն ավանդաբար կարևոր տեղ ունի, և այս առումով փառատոնը նույնպես առանձնանում է։ Հպարտությամբ կարող եմ ասել, որ մեր կառավարությունը, որը յուրահատուկ ուշադրության է դարձնում այս ոլորտին, մեծամասամբ ֆինանսավորում է նման նախաձեռնությունները։ Մեզ համար կարևոր է, որ ամենափոքր տարիքից մեր երեխաների համար դասական երաժշտությունը խորթ չլինի։ Այս համատեքստում դպրոցից սկսած մենք դասական երաժշտության հետ կապված մի շարք նախագծեր ենք իրականացնում»,-նշել է նախարար Արայիկ Հարությունյանը։

Կոմպոզիտոր Տիգրան Մանսուրյանի խոսքով` եթե  փառատոնի հյուրը Քրիշտոֆ Պենդերեցկին է, սա արդեն մեծագույն երևույթ է. «Առ այսօր տեղի ունեցած յուրաքանչյուր հեղինակի երեկո արտակարգ հետաքրքիր էր: Անչափ տպավորիչ էր պարոն Պենդերեցկու հեղինակային համերգը: Մինչ այդ վրացի կոմպոզիտոր Գիա Կանչելիի համերգն էր, որը, ցավոք վերջերս, հեռացավ մեզանից: Իսկ փառատոնը սկսվել է իմ հեղինակային երեկոյով»,-նշել է մաեստրոն` շնորհակալություն հայտնելով փառատոնի կազմակերպիչներին: Տիգրան Մանսուրյանն ընդգծել է, որ իրենց ոգեշնչում է համերգներին ջերմորեն արձագանքող լսարանը` վերադարձնելով ունկնդրածի զգացողությունը: «Վստահ եմ, որ երկար ենք հիշելու այս գեղեցիկ օրերը»,- նշել է նա` բարձր գնահատելով նվագախմբի կատարողական վարպետությունը` է. Թոփչյանի և Ս. Սմբատյանի գլխավորությամբ:

«Ես կարծում եմ, որ նման ներկայացուցչական փառատոնը մեծ ազդեցություն է թողնելու նաև երկրի զարգացման ու հեղինակության բարձրացման առումով: Այն, ինչ անում է Սերգեյ Սմբատյանը, անհավատալի է ու չափազանց արժեքավոր: Ամենակարևորը երիտասարդ երաժիշտներին աջակցելն է, մենք պետք է անենք ամեն ինչ՝ արվեստագետների համար իրենց հայրենիքում ստեղծագործելու հնարավորություններ ապահովելու առումով»,-ասել է Էլժբետա Պենդերեցկան: Հիշատակելով ամուսնու հայկական արմատների մասին՝  նա նկատել է, որ հայտնի երաժիշտը նույնպես համակարծիք է, որ կառավարության կողմից նման նախաձեռնություններին ցուցաբերվող աջակցությունը շատ կարևոր է։

Սերգեյ Սմբատյանի խոսքով՝ ժամանակակից երաժշտությունը շատ բարդ է և այն լսում է բարձրաճաշակ հանդիսատեսը: «Պետության աջակցությամբ մենք այսօր հնարավորություն ունենք կազմակերպել այսպիսի փառատոն, որը շատ բարդ է և բարձր պրոֆեսիոնալիզմ է պահանջում»,-նշել է նա, կարևորելով նաև վերջին մեկ տարվա ընթացքում ՀՀ կրթության, գիտության, մշակույթի և սպորտի նախարարության հետ իրականացվող ծրագրերը, մասնավորապես, ԴասԱ նախագիծը։

«Ժամանակակից դասականներ» կոմպոզիտորական փառատոնի կազմակերպիչներն են՝ Հայաստանի պետական սիմֆոնիկ նվագախումբը և Մշակույթի աջակցության եվրոպական հիմնադրամը՝ ՀՀ կրթության‚ գիտության‚ մշակույթի և սպորտի նախարարության աջակցությամբ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ես և շրջակա աշխարհը 4-րդ դասարան

     Ես  և շրջակա աշխարհը առարկան  պարտադիր է 2-4-րդ դասարաններում սովորողների համար։ Քանի որ 7-10 տարեկան հասակը լավագույն տարիքն է համագործակցության, փոխըմբռնման, մարդու իրավունքների հիմնախնդիրները հասկանալու համար։ Դա մարդու կյանքում սոցիալական ինքնագիտակցության աճի ժամանակաշրջանն է, և անհրաժեշտ է ,որ հենց այս տարիքում ուսումնական գործընթացում քննարկման հիմնական թեմա  է դառնում յուրաքանչյուրի նկատմամբ արդարացի վերաբերմունքի, սեփական արժանապատվության զգացումի, հանդուրժողականության, շրջապատի մարդկանց նկատմամբ բարյացակամության ձևավորմանն ուղղված հարցերը։ Երեխայի համար շատ կարևոր է հենց այս տարիքում ընդունված լինել կոլեկտիվի կողմից,լինել նրա լիիրավ անդամը։ Հանրակրթության նպատակների և կրթական բարեփոխումների խնդիրների տեսանկյունից կարևոր է առարկայի բովանդակության մեջ այնպիսի թեմաների ներառումը,որոնք կապահովեն երեխայի ՝ որպես աճող անհատականության սոցիալականացմանը,ինչպես նաև աշխարհաճանաչման և մարդկային հասարակության նկատմամբ սեփական դիրքորոշումը և հարաբերությունները ճշտելու, դրա միջոցով դեպի իրավական պետություն տանող ճանապարհի առաջին քայլերը անելու,իր երկրի արժանավոր քաղաքացի դառնալու համար անհրաժեշտ պայմանների ստեղծումը։4-րդ դասարանում ԲՆՈՒԹՅՈՒՆ, մԱՐՄԻՆՆԵՐ, նՅՈՒԹԵՐ, ՄԱՍՆԻԿՆԵՐ, մԵՐ ՀԱՅՐԵՆԻՔԸ, ՃԱՆԱՊԱՐՀՈՐԴՈՒԹՅՈՒՆՆԵՐ և ԱՇԽԱՐՀԱԳՐԱԿԱՆ ՀԱՅՏՆԱԳՈՐԾՈՒԹՅՈՒՆՆԵՐ, ԵՍ և ՀԱՍԱՐԱԿՈՒԹՅՈՒՆԸ թեմաների ուսուցման միջոցով անհրաժեշտ է սովորողներին ծանոթացնել Երկիր մոլորակի բազմազանությանը, հասարակական կյանքին, տարրական պատկերացում տալ ժողովրդավար հասարակության, իրավունքների և պարտականությունների,իրավունքների շուրջ ծագած հակամարտությունների, ինչպես նաև արդյունաբերության, տարբեր մասնագիտությունների, մշակույթի և կրթության մասին՝ ցույց տալով բնության և հասարակության կապը, նպաստել երեխաների արժեքային համակարգի ձևավորմանն ու սոցիալական հմտությունների զարգացմանը։4-րդ դասարան շաբաթական 2 ժամ,տարեկան ՝68 ժամ

  • ԻՆՖՈՐՄԱՏԻԿԱ VIII ԴԱՍ.

  • Reading rules of sound C

     Սովորել կարդալ անգլերենի C c տառը։Անգլերենում   C տառը կարդացվում է [s]  e, i, y տառերից  հետո,մնացած դեպքերում [k]

  • ԻՆՖՈՐՄԱՏԻԿԱ VII ԴԱՍԱՐԱՆ

  • Բնական թվեր և զրո

    այս դասընթացում դուք կիմանաք,թե ինչ է թվանշանը, քանի թվանշան է գործածվում թվերի գրառման համար,ինչպես և որտեղ են ստեղծվել թվանշանները,այժմ գործող թվանշաններից բացի ՝ ուրիշ ինչ թվանշաններ գոյություն ունեն:

  • Բնական թվեր և զրո

    Այս դասընթացում դուք կիմանաք , թե ինչ է թվանշանը, քանի թվանշան է գործածվում թվերի գրառման համար, որտեղ են ստեղծվել թվանշանները,այժմ գործածվող թվանշաններից բացի ուրիշ ինչ թվանշաններ կան:

  • Կիսամյակային ամփոփիչ աշխատանք

  • Moodle համակարգի ուսուցում3_2

     «Հեռավար ուսուցում կազմակերպելու հմտություններ» . о   «Մուդլ» համակարգի  հնարավորություններо   հեռավար դասընթացների ստեղծում о   ուսանողների ներգրավումо   հարցաշարի կազմում о   դասընթացի վարում

  • Moodle համակարգի ուսուցում3_1

     «Հեռավար ուսուցում կազմակերպելու հմտություններ» . о   «Մուդլ» համակարգի  հնարավորություններо   հեռավար դասընթացների ստեղծում о   ուսանողների ներգրավումо   հարցաշարի կազմում о   դասընթացի վարում

  • Կիսամյակային ամփոփիչ աշխատանք