ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Ապրել խելացի. հզորացնել երիտասարդներին»` համաժողով նվիրված Արևելյան գործընկերության 10-ամյակին

Հոկտեմբերի 9, 2019
Պաշտոնական

Մեսրոպ Մաշտոցի անվան «Մատենադարան» հին ձեռագրերի գիտահետազոտական ինստիտուտում մեկնարկել է Արևելյան գործընկերության 10-ամյակին նվիրված` «Ապրել խելացի. հզորացնել երիտասարդներին» («Living Smart-Empowering Youth») համաժողովը, որը կազմակերպվել է ՀՀ կրթության, գիտության, մշակույթի և սպորտի, ՀՀ արտաքին գործերի և ՀՀ բարձր տեխնոլոգիական արդյունաբերության նախարարությունների համատեղ ջանքերով։ Համաժողովի հիմնական բանախոսներից է եղել ՀՀ նախագահ Արմեն Սարգսյանը:

Նա, նախ, շնորհակալություն է հայտնել համաժողովը Հայաստանում կազմակերպելու համար: 

«Մեր երկիրը շատ հարուստ և հազարավոր տարիների պատմություն ունի, բայց այսօր Հայաստանը ստարտափ է: Շատերը մտածում են, որ մենք շատ ավելի մեծ ներուժ ունենք, քան իրականում օգտագործում ենք, դա հենց ստարտափի նկարագրությունն է: Հայաստանը ստարտափ է, և նրա հնարավորությունները բազմաթիվ են: Համոզված եմ, որ մենք հաջողության կհասնենք»,-նշել է նախագահը` քաջալերելով երիտասարդներին ապրել խելացի, կրթությունը ճիշտ օգտագործել, հնարավորինս շատ բան սովորել:

ԿԳՄՍ նախարարի տեղակալ Արևիկ Անափիոսյանը բացման խոսքում անդրադարձել է կրթության և նորարարության փոխկապակցվածության խնդրին. «Մարդկային կապիտալի զարգացման հետ կապված ծրագրերը, որոնց թիրախում երիտասարդներն են,  մեզ համար առաջնային նշանակություն ունեն: Այսօր մենք քայլ ենք կատարում դեպի այլ դարաշրջան, որտեղ կրթության հարացույցի մեջ կատարվել են կարևոր փոփոխություններ` կրթության մասսայականացում, բաց դասընթացներ, կրթական կենտրոնների տեղաշարժեր, ապակենտրոնացում: Մասնագիտությունները, կրթական ծրագրերի միջև ջրբաժաններն այլևս ընդգծված չեն: Երբ մենք երազում ենք ապագայի մասին, պետք է հասկանանք, որ այն վաղվա համար չէ: Մենք նախագծում ենք ապագան` բոլորս միասին`  արհեստավարժ մասնագետներով, երիտասարդներով, որոնք աջակցում են միմյանց նոր հնարավորություններ ստեղծելու գործում: Մենք պետք է ոչ թե ձգտենք զարգացման, այլ ինքներս դառնանք այդ զարգացումը»,- նշել է Արևիկ Անափիոսյանը:

Մասնակիցներին ողջունել են նաև ՀՀ արտաքին գործերի նախարարի տեղակալ Ավետ Ադոնցը, ՀՀ բարձր տեխնոլոգիական արդյունաբերության նախարարի տեղակալ Գեղամ Վարդանյանը և Հայաստանում ԵՄ պատվիրակության ղեկավար, դեսպան Անդրեա Վիկտորինը։

Միջոցառմանը մասնակցել են Հայաստանի Հանրապետության, Եվրոպական միության, ԵՄ անդամ երկրների և Արևելյան գործընկերության երկրների կրթության, երիտասարդության և նորարարության հարցերով զբաղվող բարձրաստիճան պաշտոնյաներ, ՀՀ-ում հավատարմագրված համապատասխան դիվանագիտական ներկայացուցչությունների ղեկավարներ և աշխատակիցներ, հիշյալ ոլորտներում մասնագիտացված մի շարք հասարակական կազմակերպությունների ու ընկերությունների ներկայացուցիչներ, ինչպես նաև «Եվրոպական երիտասարդ դեսպաններ» ծրագրի մոտ երեք տասնյակ մասնակիցներ։

Համաժողովն անցկացվել է չորս թեմատիկ պանելներով, որոնց համատեքստում նախատեսվում է անդրադարձ կատարել նախորդ տասը տարիների ընթացքում կրթության և նորարարության ոլորտում Արևելյան գործընկերության (ԱլԳ) շրջանակում գրանցված հաջողություններին, առկա մարտահրավերներին և ԱլԳ ապագա տեսլականին։ Համաժողովի ընթացքում քննարկվել են կրթությանը, ձեռնարկատիրությանը, երիտասարդությանը, ստեղծարար մտածողությանը, թվայնացմանն ու խելացի մասնագիտացումներին վերաբերող հարցեր։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Photoshop կետային գրաֆիկական խմբագրիչ: Հիմնական գաղափարները և մի քիչ ավելին

    Այս դասընթացը նախատեսված է ինչպես աշակերտների, այնպես էլ ուսուցիչների համար: Հանդիսանում է 9-րդ դասարանի ծրագրի Photoshop բաժնի ավելի համառոտ և մանրամասն նկարագրություն, գործիքների բացատրություն:Ինչպես նաև շատ այլ նյութեր, որոնք ներառված չեն դպրոցական ծրագրում, սակայն շատ կիրառելի են և դարձնում են լիարժեք ծրագրից օգտվելու հնարավորությունները: 

  • Գործնական աշխատանք

    Դասի կառուցվածքի և ուսումնական գործընթացի կազմակերպման ձևերի հարցը էական նշանակություն ունի ժամանակակից դասի տեսության և պրակտիկայի մեջ, քանի որ  դրանցից է մեծապես կախված ուսուցման արդյունավետություն։

  • Շփման ուժ: Շփումը բնության մեջ և տեխնիկայում

  • Երևույթների և նյութերի ճանաչումը

    Բնությունն ուսումնասիրում են ֆիզիկան, կենսաբանությունը, աշխարհագրությունը, քիմիան և այլ գիտություններ: Բնությունն ուսումնասիրող գիտություններն ունեն ընդհանուր անվանում՝ բնական գիտություններ: Բնական գիտությունների ուսումնասիրությունների արդյունքներն օգնում են մարդուն բնությունից ստանալ այն, ինչ անհրաժեշտ է մարդուն՝ կյանքի որակը բարձրացնելու, ճիշտ և լավ ապրելու համար՝ հնարավորինս քիչ վնաս հասցնելով նրան:

  • Ճնշում: Ճնշման ուժ

  • Ճնշում։ Ճնշման ուժ։

  • Կրիայ ծրագրի ուսուցում

    Այս  դասընթացը նկարագրում է «Կրիայ» ծրագրի դասավանդման ուղեցույցը։ Այստեղ քայլ առ քայլ նկարագրվում է յուրաքանչյուր դասի ընթացքը և հանձնարարվում առաջադրանքներ։

  • Հայոց լեզու

    Դասընթացը ստեղծվել է Կրթական տեխնոլոգիաների ազգային կենտրոնի հեռավար ուսուցման հարթակում՝ կրթության առանձնահատուկ պայմանների կարիք ունեցող սովորողների համար տնային ուսուցում կազմակերպելու նպատակով։ 

  • Մաթեմատիկա

    Այս դասը ստեղծվել է հեռավար ուսուցման հարթակում կրթության առանձնահատուկ պայմանների կարիք ունեցող տնային ուսուցման ենթակա սովորողների համար հեռավար ուսուցում կազմակերպելու նպատակով։Դասընթացը կազմված է հանրակրթական դպրոցի չափորոշչային և ծրագրային պահանջներին համապատասխան՝ հաշվի առնելով նաև սովորողի անհատական ուսումնական պլանի պահանջները։ 

  • Կիսամյակային ամփոփիչ աշխատանք