ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԿԳՄՍ նախարարի տեղակալ Ա.Անափիոսյանը հանդիպել է Եվրոպական հանձնաժողովի ներկայացուցիչների հետ

Հոկտեմբերի 4, 2019
Պաշտոնական

ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանը հանդիպել է Հայաստանում Եվրամիության պատվիրակության ղեկավար, դեսպան Անդրեա Վիկտորինի և Եվրոպական հանձնաժողովի Հարևանության և ընդլայնման բանակցությունների գլխավոր տնօրինության՝ Հայաստանի, Ադրբեջանի, Բելառուսի և Արևելյան գործընկերության բաժնի ղեկավար Վասիլիս Մարագոսի գլխավորած պատվիրակության հետ:  

Ողջունելով հյուրերին՝ փոխնախարարը կարևորել է այն ծրագրերը, որոնք իրականացվում են մեր երկրում եվրոպական գործընկերների աջակցությամբ: Նա ներկայացրել է Հանրակրթության պետական չափորոշչի, առարկայական չափորոշիչների ու ծրագրերի վերանայման գործընթացի շրջանակում փորձագիտական խմբի գործունեության մանրամասները՝ տեղեկացնելով, որ հայկական կողմը ցանկանում է համախմբել բոլոր աջակիցների ջանքերն ու ռեսուրսները կրթական ոլորտի բարեփոխումներն ամբողջացնելու ուղղությամբ:  Ա.Անափիոսյանը նշել է, որ այս փուլում անհրաժեշտ փաստաթղթերի մշակման, իսկ առաջիկա տարիների իրավակիրառական պրակտիկայի տեսակետից եվրոպական գործընկերների ֆինանսական աջակցությունը նույնպես չափազանց կարևոր է բարեփոխումներն ավարտին հասցնելու համար: 

Պատվիրակության ղեկավար Վ. Մարագոսն առաջարկել է շարունակել երկխոսությունն ու քննարկումները կրթական բարեփոխումների ռազմավարության մշակման, տեսլականի ձևավորման ուղղությամբ: Նա պատրաստակամություն է հայտնել հայկական կողմին տեխնիկական աջակցություն ցուցաբերելու հարցում, ինչպես նաև գալիք տարիներին տրամադրել հնարավոր ֆինանսական օժանդակություն:

Հայաստանում Եվրամիության պատվիրակության ղեկավար, դեսպան Անդրեա Վիկտորինը բարձր է գնահատել փոխնախարար Ա.Անափիոսյանի ջանքերը կրթական բարեփոխումների կարևոր գործընթացում՝ վերջին տարիներին դրական տեղաշարժ արձանագրելով դրանց նկատմամբ հասարակության վերաբերմունքի մեջ: 
Փոխնախարար Ա.Անափիոսյանը տեղեկացրել է, որ այս պահին արդյունավետ քննարկումներ են ընթանում Բարձրագույն կրթության և գիտության մասին նոր օրենքի նախագծի շուրջ, ինչը հայկական կողմի համար առաջնահերթություն է, և ենթադրում է համակարգային փոփոխություններ բարձրագույն, շարունակական և ոչ ֆորմալ կրթության բնագավառներում: 

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…