Համադպրոցական ծնողական ժողով

Սեպտեմբերի 25, 2019

Դպրոցական անցուդարձ

Սեպտեմբերի 13-ին Կապանի N13 հիմնական դպրոցում տեղի ունեցավ համադպրոցական ծնողական ժողով: Ժողովն ընթացավ նախապես ներկայացված օրակարգով: Դպրոցում ծնող-դպրոց համագործակցությունը դրված է ամուր հիմքերի վրա:

Երբ ծնողը ներգրավված է զավակի կրթության գործընթացում, աշակերտն ունի ավելի բարձր ակադեմիական առաջադիմություն: Այդ նույն ժամանակ բարելավվում է հաճախման ցուցանիշը, աշակերտի մոտ զարգանում են սոցիալական հմտությունները և նրա վարքը դրական է դառնում ինչպես տանը, այնպես էլ դպրոցում: Սրանք այն շատ կարևոր գործոններն են, որոնք ազդում են աշակերտի վրա ինչպես դպրոցում ուսանելիս, այնպես էլ ապագա մասնագիտական գործունեության ընթացքում:

• Ծնողները կարևոր դեր են խաղում երեխայի ուսման գործընթացում.
• Ծնողները մասնակցում են դպրոցի կազմակերպած միջոցառումներին.
• Ծնողները զավակների ուսման գործընթացում ներգրավված են որպես լիիրավ գործընկերներ և մասնակցում են երեխայի կրթության մասին որոշումների ընդունմանը
• Ծնողների ներգրավվածությունը բարձրացնում է ծնողի և ուսուցչի միջև կապվածության որակը, ինչը օգնում է ուսուցչին պարբերաբար ստանալ սպառիչ տեղեկություն երեխայի մասին: Աշակերտի անհատական կարիքների կարգավորումը ուսումնական գործընթացի կողմից ուսուցչին ցանկալի արդյունք կտա:

Հանդիպմանը մասնակցում էին նաև Կապանի համայնքապետարանի կրթության, մշակույթի և սպորտի բաժնի առաջատար մասնագետները, ովքեր ծնողներին տեղեկատվություն հաղորդեցին Կապանի արվեստի, երաժշտական , սպորտային հաստատություններում գործող խմբակների մասին:

Համադպրոցական ծնողական ժողովում ռուսաց լեզու և գրականություն առարկայի ուսուցիչ Աշխեն Բադալյանը մրցանակներ հանձնեց այն աշակերտներին, ովքեր «Ռուսական պոեզիայի հանճարը» (Ա. Ս. Պուշկինի 220) խորագրով ասմունքի մրցույթում դափնեկրի կոչմանն էին արժանացել:

ՄԿԱ գծով փոխտնօրեն Ժաննա Վարդանյան