Ամեն ոք իր ասելիքն ունի...

Սեպտեմբերի 20, 2019

Դպրոցական անցուդարձ

Սեպտեմբերի 20-ին  կայացավ Կապանի N 5 հիմնական դպրոցի ԱԽ-ի հաշվետու կոնֆերանսը: Կանոնադրական կարգի համաձայն կոնֆերանսն աշխատեց հետևյալ օրակարգով

1. Կապանի N5 հիմնական դպրոցի տնօրենի ուղերձը կոնֆերանսին (Ս. Հարությունյան)․
2. 2018-2019 ուստարվա ԱԽ-ի կատարած աշխատանքների հաշվետվություն (զեկուցող` ԱԽ նախագահ` Մ. Հարությունյան )
3. Դասարանական ԱԽ-ների հաղորդումներ (6-9-րդ դասարանական ԱԽ նախագահներ)
4. ԱԽ- անելիքները 2019-2020 ուստարվա գործունեության մեջ (ԴԱԿ Հ. Մեսրոպյան)
5. Ելույթներ․

• 7-րդ ա դասարանի դասղեկ` Ս. Մարգարյան
• 9-րդ ա դասարանի դասղեկ` Ա. Հայրապետյան 
• այլ։

Օրվա տրամադրությունը տոնական է, աշակերտները` աշխույժ և գործնական․

- Սիրելի ներկանե՛ր,  սկսեմ այնտեղից, որ աշակերտական խորհուրդը որպես մարմին, հետաքրքրում է աշակերտներին: Հետաքրքրում է, ոուրեմն հետաքրքիր է, սա գլխավորն է ,- ահա այսպիսի լավատեսական հղումով սկսեց հաշվետու լինել աշակերտական խորհրդի նախագահ Մարթա Հարությունյանը:

Ելույթ ունեցողները բարձր գնահատեցին աշակերտական խորհրդի` որպես կոլեգիալ կառավարման մարմին, գործունեությունը, որպես քաղաքացիական դաստիարակության օղակ, անհրաժեշտությունը:  

Դպրոցի տնօրեն Ս Հարությունյանը քաջալերեց ԱԽ- ին նոր անդամագրված վեցերորդ դասարանցիներին, ի գործ կոչ անելով ներկայացուցչական մարմնում ներգրավված բոլոր-բոլորին, ի դեմս դպրոցի լավագույն շրջանավարտների հասարակական կյանքում ձեռքբերումների, հաստատեց  հասարակական աշխատանքի արդյունավետ ազդեցությունը աշակերտի ինքնահաստատման, հոգեբանական- սոցիալական ինքնաճանաչման գործընթացում: 

- Դուք ձեր լավագույն գործունեությամբ կարող եք թեթևացնել մեր` մեծերիս հոգսերը, ինքնադրսևորման, ինքնաարտահայտման այս օղակում և բարձր պահել մեր կրթօջախի երևելի անունը,- այս խոսքերով ավարտելով ուղերձը:

Կապանի N 5 հիմնական դպրոց