ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մեկնարկել է «Սալմաստի պատմություն և մշակույթ» գիտաժողովը

Սեպտեմբերի 6, 2019
Մշակութային լուրեր Պաշտոնական

ԵՊՀ-ում այսօր մեկնարկել է «Սալմաստի պատմություն և մշակույթ» գիտաժողովը, որն անցկացվում է համալսարանի 100-ամյա տոնակատարությունների շրջանակում: Գիտաժողովին ներկա են գտնվել ՀՀ կրթության, գիտության, մշակույթի և սպորտի նախարար Արայիկ Հարությունյանը, Սփյուռքի հարցերով գլխավոր հանձնակատար Զարեհ Սինանյանը, Ատրպատականի հայոց թեմի առաջնորրդ գերաշնորհ Տ. Գրիգոր Ս. Եպս. Չիֆթճեանը, Կալիֆոռնիայի Լոս Անջելեսի համալսարանի Նարեկացու անվան հայագիտության ամբիոնի  պրոֆեսոր Պիտեր Կաուին և այլ հյուրեր:

Ողջունելով գիտաժողովի մասնակիցներին՝ նախարար Արայիկ Հարությունյանը նշել է, որ այն նվիրված է մեր ժողովրդի կողմից դարերի ընթացքում կերտված նշանակալի կենտրոններից մեկին՝ Սալմաստի պատմությանն ու մշակույթին.

«Կարևոր եմ համարում ընդգծել, որ գիտաժողովը կազմակերպվել է ոչ միայն մեր գիտական կենտրոնների՝ ԳԱԱ Արևելագիտության ինստիտուտի, ԵՊՀ արևելագիտության ֆակուլտետի իրանագիտության ամբիոնի, այլև Կալիֆոռնիայի Լոս Անջելեսի համալսարանի Նարեկացու անվան հայագիտության ամբիոնի կողմից, որտեղ այս տարի պատիվ եմ ունեցել հյուրընկալվել: Առանձնահատուկ շնորհակալության է արժանի ամբիոնի վարիչ, ճանաչված հայագետ, պրոֆեսոր Պիտեր Կաուին, որը քրտնաջան աշխատանք է տարել գիտաժողովի նախապատրաստական շրջանում»,-նշել է նախարարը:

Արայիկ Հարությունյանի խոսքով՝ ՀՀ իշխանությունները նպատակասլաց աշխատանք են տանում, որ կարողանան մեկտեղել գիտական ներուժը և խրախուսել Հայաստան-Սփյուռք գիտական համագործակցությունը տարբեր ուղղություններով, այդ թվում` հայագիտության բնագավառում:

«Ներկայում ԿԳՄՍ նախարարությունը հայագիտության զարգացման նոր հայեցակարգ է մշակում, որի ընթացքում կունենանք նաև ձեր աջակցության կարիքը, քննարկումներ կունենանք, որպեսզի հայեցակարգը լինի լիարժեք, համապատասխանի ժամանակակից պահանջներին և հետազոտական անհրաժեշտություններին: Համոզված եմ, որ 3 ճանաչված հայագիտական կենտրոնների ջանքերի մեկտեղումը կպսակվի հաջողությամբ, և գիտաժողովը կարևոր ներդրում կունենա հայոց Սալմաստի համակողմանի և ավելի խորը ուսումնասիրության գործում՝ միաժամանակ նպաստելով Հայաստան-Սփյուռք գիտական համագործակցության զարգացմանն ու ընդլայնմանը»,-նշել է նախարարը:

Սփյուռքի հարցերով գլխավոր հանձնակատար Զարեհ Սինանյանի խոսքով՝  գիտաժողովի ընթացքում քննարկվելու են հայության կարևորագույն կենտրոն հանդիսացող Սալմաստ գավառի պատմությունը, լեզվամշակույթը, պատմամշակութային ժառանգությունը և հոգևոր արժեքներին առնչվող հարցեր:

Գիտաժողովի մասնակիցներին ողջունել են նաև  ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը, ԳԱԱ Արևելագիտության ինստիտուտի տնօրեն Ռուբեն Սաֆրաստյանը և Կալիֆոռնիայի Լոս Անջելեսի համալսարանի Նարեկացու անվան հայագիտության ամբիոնի  պրոֆեսոր Պիտեր Կաուին:

Գիտաժողովի հիմնական թեմաներն են՝ տարածաշրջանային հնագիտություն, Սալմաստը պարսկական արխիվներում, բարբառագիտություն, Սալմաստը և Հայոց ցեղասպանությունը, տարածաշրջանային ճարտարապետություն: 

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Շփման ուժ: Շփումը բնության մեջ և տեխնիկայում

  • Երևույթների և նյութերի ճանաչումը

    Բնությունն ուսումնասիրում են ֆիզիկան, կենսաբանությունը, աշխարհագրությունը, քիմիան և այլ գիտություններ: Բնությունն ուսումնասիրող գիտություններն ունեն ընդհանուր անվանում՝ բնական գիտություններ: Բնական գիտությունների ուսումնասիրությունների արդյունքներն օգնում են մարդուն բնությունից ստանալ այն, ինչ անհրաժեշտ է մարդուն՝ կյանքի որակը բարձրացնելու, ճիշտ և լավ ապրելու համար՝ հնարավորինս քիչ վնաս հասցնելով նրան:

  • Ճնշում: Ճնշման ուժ

  • Ճնշում։ Ճնշման ուժ։

  • Կրիայ ծրագրի ուսուցում

    Այս  դասընթացը նկարագրում է «Կրիայ» ծրագրի դասավանդման ուղեցույցը։ Այստեղ քայլ առ քայլ նկարագրվում է յուրաքանչյուր դասի ընթացքը և հանձնարարվում առաջադրանքներ։

  • Հայոց լեզու

    Դասընթացը ստեղծվել է Կրթական տեխնոլոգիաների ազգային կենտրոնի հեռավար ուսուցման հարթակում՝ կրթության առանձնահատուկ պայմանների կարիք ունեցող սովորողների համար տնային ուսուցում կազմակերպելու նպատակով։ 

  • Մաթեմատիկա

    Այս դասը ստեղծվել է հեռավար ուսուցման հարթակում կրթության առանձնահատուկ պայմանների կարիք ունեցող տնային ուսուցման ենթակա սովորողների համար հեռավար ուսուցում կազմակերպելու նպատակով։Դասընթացը կազմված է հանրակրթական դպրոցի չափորոշչային և ծրագրային պահանջներին համապատասխան՝ հաշվի առնելով նաև սովորողի անհատական ուսումնական պլանի պահանջները։ 

  • Կիսամյակային ամփոփիչ աշխատանք

  • Թեմատիկ աշխատանք քիմիա առարկայից

  • Մարմնի կշիռ