ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Չայկովսկու անվան դպրոցում նշել են 100-ամյա ուսուցչուհու տարեդարձը

Օգոստոսի 30, 2019
Մշակութային լուրեր Պաշտոնական

Երևանի Չայկովսկու անվան երաժշտական միջնակարգ դպրոցում այսօր հանդիսավորությամբ նշվել է կրթօջախի երկարամյա ու վաստակաշատ ուսուցչուհի Մարիամ Տոնյանի 100-ամյակը: Հոբելյարը դպրոցի հիմնադրման օրվանից մինչ օրս` ավելի քան 82 տարի աշխատում է դպրոցում`  որպես «Հարմոնիա» առարկայի ուսուցչուհի:

Հայաստանի ամենաերկարակյաց ու փորձառու ուսուցչուհու 100-ամյա տարեդարձը  շնորհավորել է ՀՀ կրթության, գիտության, մշակույթի և սպորտի նախարար Արայիկ Հարությունյանը` հանձնելով նրան ՀՀ նախագահի «Երախտագիտության մեդալը», որը Մարիամ Տոնյանին շնորհվել է երկարամյա աշխատանքի համար` ՀՀ վարչապետի միջնորդությամբ:

«Մինչ այստեղ գալը դիտեցի տիկին Տոնյանի մի քանի հարցազրույցները և կարող եմ փաստել, որ ավելի երիատասարդ, կենսախինդ և գործունյա մարդ, քան նա է, շատ քիչ կա: Մեր սիրելի 100-ամյա ուսուցչուհին շատ ակտիվ մասնակցում է դպրոցի կրթական կյանքին, ունեցել է հարյուրավոր, հազարավոր աշակերտներ, որոնց մի մասը ներկա են դահլիճում և դրանից ավելի կարևոր նվեր դժվար է պատկերացնել: Ես կուզեի, որ տիկին Տոնյանի կենսուրախությունն այսուհետ ևս ուղեկցի նրան և լինի վարակիչ: Վստահ եմ, որ աշխատանքային  կենսունակության գաղտնիքն այն ներդաշնակությունն է, որն իր դասավանդած «Հարմոնիա» առարկայի միջոցով դարձել է նաև կենսակերպ»,- շնորհավորանքի խոսքում նշել է Արայիկ Հարությունյանը:

Մարիամ Տոնյանն իր խոսքում շնորհակալություն է հայտնել հարազատ դպրոցին, սիրելի կոլեկտիվին սաներին, պետությանը. «Ես միշտ գոհ եմ եղել իմ աշխատանքից և այսօր էլ  շնորհակալ եմ «Երախտագիտության մեդալի» համար»,- նշել է նա:

Հոբելյանական միջոցառումը շարունակվել է տոնական համերգով, որի սկիզբը Մարիամ Տոնյանի խնդրանքով ազդարարվել է Առնո Բաբաջանյանի «Պոեմ» ստեղծագործությամբ` Երևանի Կոմիտասի անվան պետական երաժշտական կոնսերվատորիայի պրոֆեսոր, միջազգային մրցույթների դափնեկիր, հոբելյարի նախկին աշակերտ Անահիտ Ներսիսյանի կատարմամբ:

Տոնական ցերեկույթին ներկա են եղել Մարիամ Տոնյանի ներկա և նախկին սաները, ընտանիքի անդամները, նրա մեկդարյա կենսագրության գործընկերները:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Կոչականի ուսուցումը չորրորդ դասարանում

    Կոչականի ուսուցումը չորրորդ դասարանումՉորրորդ դասարանում լեզվական նյութերի շարքում տեղ է զբաղեցրել նաև կոչականի ուսուցումը, ինչը կարելի է շատ հետաքրքիր և արդյունավետ կազմակերպել:Պինգվին ՎինըԴիտել մուլտֆիլմը և որոշել, թե ում է դիմում խոսքը մեր պինգվինը:

  • ԽՆԱՅԵԼ, ԹԵ՞ ԾԱԽՍԵԼ

    Շատ հաճախ, տարբեր հանգամանքներով պայմանավորված անհրաժեշտ է լինում կատարել ճնախատեսված ծախսեր, ինչից հետո մարդը հայտնվում է անհարմար վիճակում: Կամ ընտանիքի առօրյա կարիքները չեն բավարարվում, կամ ստիպված դիմում է բանկ՝ վարկ վերցնելու: Նման իրավիճակից հնարավոր է խուսափել խնայողության միջոցով: Խնայել կարելի է՝ տնտեսելով եկամուտից կամ կրճատելով ծախսերը:Կարևոր է ոչ միայն խնայել, այլ նաև իմանալ ինչու խնայել և  ինչպես, որտեղ պահել խնայողությունը:

  • Վանի թագավորության հիմնադրումը,թագավորության հզորացումը,Հռոմից ավելի հին մայրաքաղաքը,թագավորության անկումը

  • Ավստրալիա մայրցամաքի հայտնգործման պատմությունը, աշխարհագրական դիրքը, ափագիծը, ռելիեֆը, օգտակար հանածոները, կլիման, ներքին ջրերը, բնական զոնաները: Կներկայացնեմ նաև իր զբաղեցրած տարածքով աշխարհի վեցերորդ երկիրը համարվող Ավստրալական Միությունը:

    Դասընթացն ընդգրկում  է Ավստրալիա  մայրցամաքի հայտնգործման պատմությունը, աշխարհագրական  դիրքը,  ափագիծը, ռելիեֆը, օգտակար  հանածոները, կլիման,  ներքին ջրերը, բնական  զոնաները: Կներկայացնեմ նաև իր զբաղեցրած տարածքով  աշխարհի վեցերորդ երկիրը համարվող Ավստրալական Միությունը:

  • ՀԱՅԿԱԿԱՆ ԱՂԳԱԳՐԱԿԱՆ ՊԱՐ: ՏԱՐԱԶ:

  • ՏԻԳՐԱՆ ՄԵԾ

  • Բառագիտություն

    Կուսումնասիրենք բառագիտություն բաժինը, որովհետև այն նպաստում է բառապաշարի հարստացմանը, խոսքի պատկերավորությանը, ինչպես նաև գրագետ և հայեցի խոսք կազմելու կարողությանը։  

  • Ձեռնարկատիրական կրթության ինտեգրումը հանրակրթական դպրոցում

    «Ձեռնարկատիրական կրթության ինտեգրումը հանրակրթական դպրոցում» թեմայով դասընթացում կարող եք ծանոթանալ Ձեռնարկատիրական կրթության նպատակներին,ինտեգրման սկզբունքներին և դասը հետաքրքիր անցկացնելուն:Դասընթացը տևելու է 4 շաբաթ, որի ընթացքում հաղորդակցվելու ենք դասընթացում տեղադրված ֆորումների օգնությամբ: 

  • Էլեկտրական հոսանքը տարբեր միջավայրերում

    Դասընթացը ներառում է մետաղներում, էլեկտրոլիտներում, կիսահաղորդիչներում, գազերում և վակուումում էլեկտրական հոսանքի առանձնահատկությունները:

  • Ճանապարհային երթևեկության կանոններ

    Ամեն տարի մեր հանրապետությունում ավելանում է տրանսպորտային միջոցների քանակը: Ավտոմեքենաների քանակի ավելացմանը և ճանապարհների երթևեկության լարվածության բարձրացմանը զուգահեռ բարձրանում է նաև ճանապարհային երթևեկության մասնակիցների (վարորդներ, հետիոտներ, ուղևորներ և այլն) կողմից ճանապարհային երթևեկության կանոններին խստագույնս հետևելու պահանջը:Միաժամանակ, մեծացել է փողոցներում և ճանապարհներին երեխաների, մասնավորապես`դպրոցահասակ երեխաների մասնակցությամբ տեղի ունեցող ճանապարհատրանսպորտային պատահարների թիվը, ինչը ճանապարհային երթևեկության կանոնների չիմացության կամ դրանց կարևորությունը չգիտակցելու հետևանք է:Շատ կարևոր է երեխաների մեջ դաստիարակել կարգապահություն` փողոցներում և ճանապարհներին երթևեկության կանոնների պահպանումը նրանց համար դարձնելովսովորություն,որի առումովմեծ նշանակություն ունի դպրոցներում և արտադպրոցական հաստատություններում աշակերտներին անվտանգ երթևեկության կանոնների ուսուցումը:I-IV դասարաններում ճանապարհներին և փողոցներում աշակերտների վարքի ուսուցմանը հատկացվում է յուրաքանչյուր ուսումնական տարում 10-ական ժամ: Ուսուցիչը (դասղեկը), արտադպրոցական հաստատության մանկավարժը պարապմունքներին, առանձին զրույցներին, էքսկուրսիաներին կարող են մասնակից դարձնել Ճանապարհային ոստիկանության աշխատակիցներին, ավտոդպրոցների հրահանգիչներին: Այն միջնակարգ դպրոցներում, որոնցում ավագ դասարաններում ուսուցանվում է ավտոգործը` աշակերտների միջավայրում անվտանգ երթևեկության արտադասարանական աշխատանքի կազմակերպման համար նպատակահարմար է օգտվել ուսուցիչների և ավտոգործի ուսուցիչների խորհուրդներից:I-IV դասարաններում աշակերտների հետ տարվող պարապմունքները նպատակահարմար է անցկացնել դասասենյակներում կամ հատուկ հրապարակում (դպրոցի բակում, ֆիզկուլտուրայի դահլիճում)` օգտագործելով ուսումնազննական պարագաներ, սարքավորումներ և մանկական տրանսպորտային միջոցներ:Հրապարակը պետք է կահավորել խաչմերուկների, հետիոտնային անցումների գծանշումներով, ժամանակավոր կամ հիմնական լուսացույցներով, ճանապարհային նշաններով և այլ սարքավորումներով: Խորհուրդ է տրվում գործնական պարապմունքներ անցկացնել փողոցում, խաչմերուկում, հրապարակում, ցույց տալ հետիոտների և տրանսպորտային միջոցների երթևեկությունը, երթևեկության կարգավորման տեխնիկական միջոցները:Հատուկ դասասենյակի և հրապարակի սարքավորման գործում անհրաժեշտ օգնություն կարող են ցույց տալ ավտոտրանսպորտային ձեռնարկությունները, ճանապարհային ոստիկանությունը, հայ ավտոմոտոսիրողների և այլ հասարակական կազմակերպություններ:Ուսուցման և արտադասարանական աշխատանքի ընթացքում նպատակահարմար է ցուցադրել կարճամետրաժ կինոֆիլմեր, էլեկտրոնային տեսանյութեր, կազմակերպել էքսկուրսիաներ, ցերեկույթներ, վիկտորինաներ, հեծանվորդների անվտանգ երթևեկության մրցումներ և այլն:Պարապմունքները կարելի է անցկացնել նաև ավտոպարկերում և անհրաժեշտ նյութատեխնիկական բազա ունեցող տնտեսություններում:Յուրաքանչյուր պարապմունքից հետո ստուգիչ հարցերի (թեստերի), առաջադրանքների միջոցով անհրաժեշտ է ստուգել, թե սովորողներն ինչպես են յուրացրել ճանապարհային երթևեկության անվտանգության կանոնները փողոցներում ու ճանապարհներին: Պարապմունքները պետք է գրանցվեն համապատասխան դասամատյանում, որտեղ նշվում է հաճախելիությունը, ուսումնասիրած նյութը: