ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Երևանի ինֆորմատիկայի պետական քոլեջում տեղի է ունեցել «Արևային էներգիայի համակարգերի շահագործում և սպասարկում» և «Ռոբոտատեխնիկա» դուալ կարճաժամկետ դասընթացների ներկայացումը: Միջոցառման մասնակիցներին ողջունել է ՀՀ կրթության և գիտության նախարարության նախնական/արհեստագործական/ և միջին մասնագիտական կրթության վարչության պետ Արտակ Աղբալյանը: Նրա խոսքով՝ «Արևային էներգիայի համակարգերի շահագործում և սպասարկում» և «Ռոբոտատեխնիկա» դուալ կարճաժամկետ դասընթացները ներդրվել են ժամանակակից տեխնոլոգիական միտումներին համապատասխան՝ ՄԿՈՒ ոլորտի մասնագիտությունների ցանկն արդիականացնելու նպատակով: «Դուալ համակարգի կենտրոնում գտնվում է աշխատանքի վրա հիմնված ուսուցման հայեցակարգը: Այս առումով դուալ ուսուցման ներդրումը հանդիսանում է կրթության որակի բարձրացմանն ուղղված ամենաարդյունավետ քայլերից մեկը և համարվում կրթական բարեփոխումների հիմնական ուղղություն»,- նշել է նա:
Ներկաներին ողջունել են նաև Գերմանիայի միջազգային համագործակցության ընկերության (ԳՄՀԸ/GIZ) կողմից իրականացվող «Մասնավոր հատվածի զարգացում և ՄԿՈՒ Հարավային Կովկասում» ծրագրի հայաստանյան թիմի ղեկավար Վիլհելմ Հուգոն, Հայաստանում Եվրոպական միության պատվիրակության ներկայացուցիչ, կրտսեր մասնագետ Կարմեն Գրլիցան և «ԵՄ-ն հանուն երիտասարդության՝ հմտություններ ապագայի համար» ծրագրի Հայաստանի պատասխանատու Անուշ Կոստանյանը (Սեյվ դը չիլդրեն Հայաստան):
Միջոցառման շրջանակում փոխըմբռնման հուշագրեր են ստորագրվել Երևանի ինֆորմատիկայի պետական քոլեջի, «Ինստիգեյթ Ռոբոտիքս» ՓԲԸ-ի, Ինստիգեյթ դիզայնի, «Ֆրիներջի» ՍՊԸ-ի, Էներգիայի կայուն զարգացման հիմնադրամի և «Իրական դպրոց» կրթամշակութային հիմնադրամի միջև:
Միջոցառման ավարտին հավաստագրեր են շնորհվել «Արևային էներգիայի համակարգերի շահագործում և սպասարկում» դասընթացը հաջողությամբ ավարտած ուսանողներին, ներկայացվել է Սեյվ դը չիլդրեն Հայաստանի և «Հայաստան» համահայկական հիմնադրամի աջակցությամբ քոլեջում բացված ռոբոտաշինության լաբորատորիան:
Նշենք, որ քոլեջում դուալ դասընթացները փորձարկվել են Երևանի ինֆորմատիկայի պետական քոլեջի և մասնավոր հատվածի կազմակերպությունների համագործակցության շրջանակում՝ ԳՄՀԸ աջակցությամբ:
Նյութի աղբյուրը. ՀՀ կրթության և գիտության նախարարություն
I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական շարժառիթը դարձավ…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Հարգելի ուսուցիչներ, սիրով ձեզ եմ ներկայացնում իմ ՝ «Տվյալների վերլուծություն և վիճակագրություն» վերնագրով թեման և հուսով եմ, որ կմասնակցեք թեմայի քննարկումներին, կկատարեք մեջբերումներ ու առաջարկություններ: Այս թեմայի ուսումնասիրության նպատակն է՝…
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
