ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«ԴասA» նախագիծը համախմբել էր Երևանի ավագ դպրոցների աշակերտներին

Մայիսի 24, 2019
Մշակութային լուրեր

Երևանի ավագ դպրոցների աշակերտները «ԴասA» նախագծի շրջանակում Արամ Խաչատրյան համերգասրահում մասնակցել են ամփոփիչ գալա-համերգին, որի ընթացքում Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ, ներկայացրել է «Hollywood Non-Stop» համերգային ծրագիրը՝ կատարելով հանրահայտ ֆիլմերի մեղեդիները։

«ԴասA»-ի գալա-համերգին ներկա էր նաև ՀՀ կրթության և գիտության նախարար Արայիկ Հարությունյանը։ Նախարարը, ողջունելով աշակերտներին, նշել է, որ շատ ուրախ է համերգասրահում տեսնել այսքան աշակերտների, և «ԴասA»-ի գաղափարի արդյունքը պետք է լիներ հենց դա։ «Կրթության և գիտության նախարարությունը «ԴասA»-ի հետ մի քանի այլ նախագծեր է իրականացնում, որոնց նպատակն է մշակույթը և բարձր արժեքները բերել դպրոց և ասել, որ  ՀՀ իրական քաղաքացին ձևավորվում է հենց այդպիսի արժեհամակարգի շրջանակներում։ «ԴասA»-ի գաղափարը ծնվել է 2018-ի ամռանը. երկար քննարկել ենք այն, և կարծում եմ՝ շատ լավ արդյունք ունենք այն առումով, որ «ԴասA»-ի շրջանակներում մեր գործընկերներն այցելեցին Երևանի ավագ դպրոցներ և սովորեցրին սիրել ու լսել դասականը։ Մենք փորձեցինք այս նախագծի, Հայաստանի պետական սիմֆոնիկ նվագախմբի միջոցով կոտրել այն կարծրատիպը, թե դասական երաժշտությունը դժվար է լսել, և աշակերտներին, մեր ապագա սերունդներին բերել նման համերգասրահներ։ Դա մեզ մոտ ստացվեց նաև նրա շնորհիվ, որ նախագիծն իրականացնելիս կիրառեցինք աշակերտների սիրած գործիքները՝ նորագույն տեխնոլոգիաները»,-նշել է Արայիկ Հարությունյանը՝ շնորհակալություն հայտնելով նաև դիրիժոր Սերգեյ Սմբատյանին համագործակցության համար։ Նախարարի խոսքով՝ «ԴասA»-ն և դպրոցներում կյանքի կոչվող մշակութային այլ նախագծերը՝ «Քո արվեստը դպրոցում», դպրոցական աբոնեմենտային ծրագիրը, լինելու են շարունակական:

«ԴասA»-ն կրթամշակութային նախաձեռնություն է, որի նպատակն է ժամանակակից ինտերակտիվ և ստեղծարար մեթոդներով ուղղորդել երիտասարդ սերնդին դեպի դասական արվեստը։ Նախագիծը կյանքի են կոչել ՀՀ կրթության և գիտության նախարարությունը և Հայաստանի պետական սիմֆոնիկ նվագախումբը։

Համերգին ներկա աշակերտներն իրենց տոմսերն ամրագրել էին «ԴասA» բջջային հավելվածի միջոցով։ Այս հավելվածը տեղեկատվական ինտերակտիվ հարթակ է, որը երեխաներին ներկայացնում է հետաքրքիր փաստեր դասական երաժշտության մասին։ 

Նյութի աղբյուրը. ՀՀ կրթության և գիտության նախարարություն

  • Սարդարապատի, Բաշ֊ Ապարանի, Ղարաքիլիսիայի հերոսամարտերը

  • ԱԼգորիթմներ և նրա կիրառումը :Payton ծրագրավորման լեզուն

    Դասընթացը նախատեսված  է ուսուցիչների և ծրագրավորումով հետաքրքրվողների համար:Դասընթացը ներառում է  տեղեկություն ալգորիթմների մասին , տեղեկություններ  ծրագրավորման լեզուների մասին,և դասեր Payton ծրագրավորման լեզվի մասին:

  • Ոսկե հատում:Ֆիբոնաչի:

    Հարգելի մասնակիցներ,Ողջունում եմ Ձեզ և ցանկանում եմ տեղեկացնել, որ «Ոսկե հատում:Ֆիբոնաչի» թեմայով դասընթացում կարող եք ծանոթանալ,թե ինչ է ոսկե հատումը ,և ինչպես այն կիրառել գիտության մեջ,արվեստում և դիզայնում:Դասընթացը տևելու է 4 շաբաթ, որի ընթացքում հաղորդակցվելու ենք դասընթացում տեղադրված ֆորումների օգնությամբ: Դասընթացավար՝ Մառա Առաքելյան,Վանաձորի Ա.Բակունցի անվան թիվ 7 հիմնական դպրոցի մաթեմատիկայի ուսուցիչ:

  • Աշակերտական խորհրդի գործառույթները

    Դասընթացը կազմված է 3 շաբաթից: Դասընթացի ընթացքում դպրոցների սկսնակ դաստիարակչական աշխատանքների կազմակերպիչները կսովորեն ինչպես ձևավորել աշակերտական խորհուրդ, ինչպիսի գործառույթներ ունի աշակերտական խորհուրդը, ինչպես կազմել աշակերտական խորհրդի տարեկան աշխատանքային պլանը, ինչպես վերահսկել և գնահատել աշակերտական խորհրդի աշխատանքները:

  • ՖՈՒՆԿՑԻԱՅԻ ԳԱՂԱՓԱՐԸ

    Այս  դասընթացը  նախատեսված  է  9 -րդ  դասարանում  սովորող  աշակերտների  և  այդ  դասարանում  դասավանդող  ուսուցիչների  համար:Դասընթաց  ստեղծող և  դասընթացավար  ՝  Անուշ  Գևորգյան

  • Մեծ Բրիտանիայի և Հյուսիսային Իռլանդիայի Միացյալ Թագավորություն

    Մեծ Բրիտանիայի և Հյուսիսային Իռլանդիայի Միացյալ Թագավորությունը քաղաքական,ռազմական և տնտեսական առումներով աշխարհում առավել մեծ դերակատարում ունեցող և հզոր երկրներից մեկն է։

  • Խոսքի մասեր

  • Առաձգականության ուժ։ Հուկի օրենքը

  • Աշխարհի բնակչությունը

    Փարաքարի միջնակարգ դպրոցի ուսուցչուհի՝ Նաիրա Բրուտյան Ներկայացնում եմ աշխարհի բնակչության թեմայի ամփոփումը։Կահավորումը՝ աշխարհի բնակչության կրոնական կազմի քարտեզ, աշխարհի քաղաքական քարտեզ։Թեմայի ամփոփման ժամանակ ամփոփում ենք բնակչություն․ բնակչության թիվը, բնական շաժընթացը։ Ծնելիություն, մահացություն, բնական աճ։ <<Ժողովրդագրական պայթյուն>>, դրա հետևանքները։ Աշխարհի բնակչության թիվը, բնական շարժընթացը։Բնակչության վերարտադրություն, դրա տիպերը․ բնակչության վերարտադրության առաջին տիպ, բնակչության վերարտադրության երկրորդ տիպ, դրանց առանձնահատկությունները։ Ժողովրդագրական <<գարուն>>, <<աշուն>>, <<ձմեռ>>։ Ժողովրդագրական նեղ, պարզ և ընդլայնված վերարտադրություն։ Ժողովրդագրական քաղաքականություն, դրա դրսևորման առանձնահատկությունները բնակչության վերարտադրության տարբեր տիպի երկրներում։Բնակչության կազմը․ սեռային, տարիքային, ռասայական, ազգային (էթնիկական), կրոնական, ըստ զբաղմունքի։Լեզվաընտանիք, լեզվախումբ։ Ազգերի համախմբում (կոսոլիդացիա), ազգերի ձուլում (ասիմիլիացիա)։Բնակչության կազմի և բնակչության վերարտադրության կապը։Աշխատանքային ռեսուրսներ, տնտեսապես ակտիվ բնակչություն, գործազրկություն։Աշխարհի խոշորագույն ռասաները (եվրոպեոիդ, մոնղոլոիդ, նեգրոիդ, ավստրալոիդ)։Բնակչության տեղաբաշխում, միջին խտություն։ Բնակչության տեղաբաշխման վրա ազդող գործոնները՝ բնակլիմայական, սոցիալ-տնտեսական, պատմական։ Բնակչության տեղաբաշխումը և խտությունն աշխարհում, առանձին մայրցամաքներում։ Աշխարհի խիտ և նոսր բնակեցված, անմարդաբնակ շրջանները։Միգրացիաներ (գաղթեր), դրանց տարատեսակները՝ ներպետական, միջպետական, ժամանակավոր, ճոճանակային, մշտական։ Գաղթերի պատճառները՝ տնտեսական, քաղաքական, կրոնական, բնական ու տեխնոգեն աղետներ, պատերազմներ։ Բռնագաղթ։ Ժողովուրդների զանգվածային գաղթերը։ Արդի միգրացիոն շարժման ուղղությունները։Բնակչության տարաբնակեցում, տարաբնակեցման ձևերը՝ գյուղական և քաղաքային։ Ուրբանիզացիա, դրա ձևերը, տեմպերը և մակարդակները։ Ագլոմերացիա, մեգապոլիս։ Աշխարհի խոշորագույն քաղաքները, քաղաքային ագլոմերացիաները և մեգապոլիսները։ Գյուղական տարաբնակեցման ձևերը։ 

  • Nouvel An

    Դասընթացը նպատակ ունի ներկայացնելու ամենահայտնի տոներից մեկը` Ամանորը Ֆրանսիայում, դրա ստեղծման պատմությունը: Դասընթացը ամբողջովին կազմված է վարժություններից, խաղերից, բանաստեղծություններից, որոնք կարող են օգտագործվել դասապրոցեսի ընթացքում` տվյալ թեմայի շրջանակներում: Կրելով ինտերակտիվ բնույթ` այն հնարավորություն կտա աշակերտներին բացահայտել ամանորյա հրաշքը և դառնալ այդ տոնի մի մասը:: Վստահ եմ, որ նյութը օգտակար կլինի ինչպես աշակերտների, այնպես էլ ուսուցիչների համար: