ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Քառամյա տարեգրության էջեր

Մայիսի 24, 2019
Դպրոցական անցուդարձ

Կապանի N13 հիմնական դպրոցի IVբ դասարանի աշակերտների համար տոնը շարունակվում էր . հրաժեշտի տոն, որ կրում էր  «Քառամյա տարեգրության էջեր» խորագիրը /Դասվար Կարինե Մարտիրոսյան/։ 
Մտնելով դպրոց` առաջին օրվանից նրանք հասկացան, որ խաղալիքների կողքին այսուհետ կլինեն գիրքն ու տետրը, որ առաջին ուսուցչուհու` ընկեր Մարտիրոսյանի օգնությամբ պետք է սովորեն գրել ու կարդալ:
IV դասարանցիները այսպես ջերմորեն ողջունեցին ներկաներին, և խորհրդավոր վերհիշեցին իրենց անցած չորս տարիները ազդարարելով միջոցառման սկիզբը:

Իսկ իմ օրն այսօր այնքան է բարի, որ կարելի է 
Ծալել՝ իբրև թարմ հրավիրատոմս,
Բաժանել մարդկանց, որ երբ բաց անեն՝
Իրե՛նք ողողվեն ցոլքով բարության:

Նրանց հուզիչ և տպավորիչ երգն ու պարը, բանաստեղծությունները, պատմում էին իրենց անցած ճանապարհը: Բազում սրտառուչ շնորհակալական խոսքեր հնչեցին՝ ուղղված և՛ սիրելի դասվարին, ով առանց ջանք ու եռանդ խնայելու կրթել ու դաստիարակել է նրանց, և՛ բոլոր ուսուցիչներին, ծնողներին: 
Նրանք համոզված էին,որ տարիներ հետո բոլորն էլ կարոտով ու ջերմությամբ են հիշելու իրենց կյանքի այս փոքրիկ անկյունը, որ կոչվում է մանկության մոլորակ։ 
Միջոցառման ընթացքում ցուցադրվեց դասարանի աշակերտների` տարրական դասարաններում ուսանած տարիների պատմությունը, որն ամփոփված էր տեսաժապավենում: 
Միջոցառման ավարտին աշակերտները փորձեցին կենդանություն և շունչ հաղորդել Հովհաննես Թումանյանի «ՄԻ կաթիլ մեղր» հեքիաթին և ներկայացան ժամանակակից տարբերակով:
Ներկաները մեծ բավականություն ստացան երեխաների անկաշկանդ ելույթներից: Իսկ ինչպես նշեց դպրոցի տնօրեն Զավեն Ստեփանյանը` այս շնորհաշատ աշակերտները նվիրյալ դասվարի 9-րդ սերունդն են, ովքեր ամուր և հաստատուն գիտելիքներով կփոխադրվեն V-րդ դասարան:
Մեր դասվարները կերտել և արարել են տարիներ շարունակ` չխնայելով սեփական ուժերն ու առողջությունը` շարունակելով ուսումնական դարբնոցի ավանդույթները:

ՄԿԱ գծով փոխտնօրեն Ժաննա Վարդանյան

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: