Մեր դպրոցական մանկության հրաշալիքները

Մայիսի 17, 2019

Դպրոցական անցուդարձ

    Մայիսի 16-ին Կապանի N 5 հիմնական դպրոցի բեմում խարիսխ էր նետել 4-րդ «բ» դասարանի նավը: Խարիսխն ամուր էր, դասվար Մելադա  Սահակյանն` անհանգիստ:

   Ամեն ինչ պերճ էր ու ճաշակով. բեմական հարդարանք, աշակերտական հագուստ, թե` ելույթի ծրագիր:

   Աշակերտներն այնպիսի զվարթ տրամադրությամբ հրաժեշտ տվեցին դպրոցական մանկությանը, որ դասվար Մելադա Սահակյանի անուշիկ ձայնը, ոչ թե հպարտությունից զրնգաց, այլ` «ափսոսանքից» դողաց:

   Դպրոցի տնօրեն Սիրանուշ Հարությունյանը` կարևորելով տարրական դպրոցում կատարված հիմնարար աշխատանքը, վստահեցրեց ներկան երին,  որ 4-րդ «բ» դասարանը տեսանելի է ապագայում, կհնչեցնի դպրոցի անունը բարձր հարթակներում:

  Ահա այսպիսի հաղթական տրամադրությամբ էլ, դպրոցի տնօրենը,  որոտընդոստ ծափահարությունների ներքո գավաթներ, շնորհակալագրեր և պատվոգրեր հանձնեց վերջերս արտադպրոցական տարբեր մրցույթներում հաղթանակներ արձանագրած և դպրոցի անունը փառաբանած աշակերտներին:

Կապանի  N5 հիմնական դպրոց