Ասպետական շունչը Մասիս քաղաքի Վ.Բաբայանի անվան հ․2 դպրոցում

Հոկտեմբերի 31, 2016

Դպրոցական անցուդարձ

      Հոկտեմբերի 28-ին Մասիս քաղաքի հ.2 դպրոցում տոնական տրամադրություն էր տիրում.դպրոցի տնօրինությունը, ուսուցիչները,ծնողները և աշակերտները հավաքվել էին դպրոցի լուսաշող դահլիճի կամարների ներքո՝ հաղթական տրամադրությամբ:Դպրոցի <<Հայ ասպետ>> հեռուստախաղի մասնակից ինտելեկտուալների թիմը՝ մասնակցելով խաղին յուրաքանչյուր փուլում հաղթանակներ է պարգևել հարազատ դպրոցին:

        Հոկտեմբերի 23-ի եզրափակիչ փուլը  նշանակալից օր էր բոլորի համար,եզրափակիչ փուլում մեր ասպետականները իրենց դրսևորեցին որպես լավագույն ինտելեկտուալներ:

       Ասպետական  տրամադրությունը  բոլորիս հոգիներում էր: Ասպետներին ողջունելու էին եկել դպրոցի փոքրիկ սաները՝նվիրելով քառատողեր իրենց ավագ ընկերներին:

Մի պահ դարձա՛ք Վարդանը խենթ,

Դարձա՛ք Վարդան Խանասորա,

Քոչարի նման փոքրիկ մուրճով ,

Կերտեցիք փոքրիկ պատմությունը ձեր:

Մի պահ դարձաք դուք ֆիդայի,

Ու թագուհի,քանդակագործ,                                                            

Երկրե-երկիր դուք շրջեցիք,

Բավիղներում չմոլորվեցի՛ք:

     Միջոցառմանը հնչեց նաև <<Ասպետների օրհներգը>>,որի խոսքերի հեղինակը <<Հայ ասպետ>> ԿԲՀ տնօրեն  Կարին Տոնոյանն է,երաժշտությունը գրել է Մարտին Ահարոնյանը:

Դպրոցի տնօրեն տիկին Նազարյանի կողմից ասպետականները պարգևատրվեցին և ստացան նվեր՝իրենց սիրելի դասական Շեքսպիրի գրքերից: