ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Ընտանիք» կենտրոն. Պարի միջազգային օրվան նվիրված միջոցառում

Մայիսի 3, 2019
Լուրեր կազմակերպություններից

«Պարն արտահայտում է յուրաքանչյուր ազգի բնորոշ գծերը,
մանավանդ բարքն ու քաղաքակրթության աստիճանը»:
Կոմիտաս

Ապրիլի 29-ին ԿԳՆ «Ընտանիք» մանկապատանեկան ստեղծագործական կենտրոնի պարարվեստի խմբակների սաները խմբավար-պարուսույցներ Մուրադ Թորոսյանի և Քրիստինա Մանուկյանի ղեկավարությամբ մասնակցեցին Գյումրու «Սև Ամրոց» համալիրում անցկացված ամենամյա մարզային փառատոնին, որը նվիրված էր Պարի միջազգային օրվան և հայկական պարարվեստի հիմնադիր Վահրամ Արիստակեսյանի 120-ամյակին:

Փառատոնի կազմակերպիչն էր Գյումրու պարարվեստի դպրոցի տնօրեն Սամվել Գասպարյանը, որին մասնակցում էին Շիրակի մարզի տարբեր համայնքների շուրջ 30 պարային խմբեր:

Կենտրոնի «Ընտանիք» պարային համույթը հանդես եկավ «Լոռվա հովեր» կատակ պարով, իսկ կրտսեր սաները, որոնց անդրանիկ ելույթն էր մեծ բեմում, ներկայացան «Մախմուր աղջիկ» և «Իմ անուշ տավիղ» պարային բեմադրություններով:

Փառատոնի ավարտին պարգևատրվեցին կենտրոնի պարուսույցները. Մուրադ Թորոսյանը՝ Հայաստանի Ազգային Պարարվեստի Միության կողմից՝ պարարվեստում արձանագրած հաջողությունների ու ձեռքբերումների, իսկ Քրիստինա Մանուկյանը՝ Գյումրու պարարվեստի դպրոցի կողմից՝ անբասիր աշխատանքի համար: Մարզային փառատոնին ակտիվ մասնակցության համար խրախուսվեցին նաև սաները:

Պարարվեստի միջազգային օրվան նվիրված տոնակատարությունը շարունակվեց նաև ապրիլի 30-ին «Ընտանիք» կենտրոնում՝ «Մեր մշակութային ժառանգությունը» խորագրով միջոցառմամբ:

Ցերեկույթին ներկա էին պարարվեստի ոլորտի ներկայացուցիչներ, մանկավարժներ, ծնողներ և սաներ:

Բեմում տիրում էր իսկական «պարային հրավառություն»: Կենտրոնի տարբեր տարիքային խմբակների սաները հանդես եկան հայկական ազգային, ժողովրդական պարային բեմադրություններով: Միջոցառման ամբողջ ընթացում դահլիճում տիրում էր տոնական տրամադրություն, աշխուժություն և ոգևորվածություն:

Միջոցառման ընթացքում սաները ներկայացրին հայկական պարարվեստի երախտավորներին և նրանց թողած ավանդը, դերն ու նշանակությունը ժամանակակից պարարվեստի զարգացման գործում:

Մայիսյան եռատոնին ընդառաջ դեռահասները հանդես եկան նաև հաղթական, խրոխտ ու ոգեշունչ պարերով՝ արտահայտելով հայի հերոսական ու անպարտելի ոգին:

Միջոցառման ավարտին պարարվեստի բոլոր խմբակները ներկայացան միասնական «Քոչարի»-ով՝ տոնելով մայիսյան փառահեղ հաղթանակները:

Գեղարվեստական մասի վարիչ՝ Հ.Սարգսյան

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…