ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Կոռուպցիոն ռիսկերի բացառում, հավասարության սկզբունքի ապահովում. ներդրվում է առաջին դասարանցիների ընդունելության նոր առցանց համակարգ

Ապրիլի 29, 2019
ՏՀՏ նորություններ Պաշտոնական

Երևանի պետական հանրակրթական դպրոցներում առաջին դասարանցիների ընդունելության նոր առցանց համակարգը լուծելու է ոլորտում առկա մի շարք խնդիրներ: «Արմենպրես»-ի մամուլի սրահում հրավիրված ասուլիսում այս մասին նշեց ՀՀ կրթության և գիտության նախարարության հանրակրթության վարչության պետ Աշոտ Արշակյանը:

«Տարիներ շարունակ Երևանում առաջին դասարանցիների ընդունելության հետ կապված խնդիրներ են լինում: Խախտվում էր հավասարության սկզբունքը: «Իքս» դպրոց ծնողը չէր կարողանում երեխայի ընդունելության համար դիմել նույնիսկ ուսումնական տարվա մեկնարկից մեկ տարի առաջ: Դպրոցի տնօրենն ասում էր տեղ չկա: Հիմա նոր համակարգով ծնողը ինքը կտեսնի, արդյո՞ք իրականում այդ դպրոցում տեղ կա, թե ոչ»,-ասաց Աշոտ Արշակյանը:

Դրանից բացի, համակարգը բացառելու է կոռուպցիոն ռիսկերը: Եթե ժամանակին ինչ-ինչ պայմանավորվածությունների պարագայում օրենքով սահմանված տարիքից փոքր երեխային հնարավոր էր տեղավորել դպրոցում հիմա դա չի լինելու: Համակարգը պարզապես թույլ չի տալու:  

Կրթական տեխնոլոգիաների ազգային կենտրոնի տնօրեն Արտակ Պողոսյանը նշեց, որ ծնողը ինքն է ընտրելու, թե իր երեխան, որ դպրոց գնա: Օրինակ, եթե ծնողի նախընտրած դպրոցում ամեն դեպքում տեղերը լրացված են, ապա դա ամենևին չի նշանակում, որ համակարգը երեխային ավտոմատ տեղավորում է մեկ այլ տեղ:

«Ոչ նման բան չկա: Եթե ծնողի նախընտրած դպրոցում տեղերը սահմանափակ են, ապա նա կարող է իրենց տարածքում այլ դպրոցի դիմել: Համակարգը հնարավորություն է տալիս ծանոթանալ համայնքում առկա բոլոր դպրոցներին: Ի դեպ, մի հարցի մասին էլ նշեմ, դպրոցներում երեխաների ընդունելության համակարգի մեկնարկի ժամկետ կսահմանվի, օրինակ մայիսի 15-ը, որից հետո այն բաց է լինելու, այսինքն՝ ծնողը երբ ցանկանա այն ժամանակ հանգիստ կարող է ընտրել դպրոցը, ժամկետի սահմանափակում չի լինելու»,-ասաց Արտակ Պողոսյանը:

Արտակ Պողոսյանը նշեց, որ այս փուլում շատ կարևոր է, որ ծնողներն իրենց տվյալները ստուգեն համակարգով՝ մուտք գործելով stugum.emis.am կայքը: Այդտեղ բացվում է երկու դաշտ, որտեղ պետք է մուտքագրվի ծնողի և երեխայի հանրային ծառայությունների համարանիշը:

«Արդեն կա խնդիր, որ ծնողը մուտքագրել է հանրային ծառայությունների համարանիշը, սակայն ստանում է պատասխան, որ նման համարանիշով տվյալներ չեն հայտնաբերվել: Խնդիրն այն է, որ համարանիշի տրամադրման գործընթացը Աշխատանքի և սոցիալական հարցերի նախարարությունից տեղափոխվել Ոստիկանություն, ձևավորվել է բնակչության միասնական ռեգիստրը, և կան վաղուց ստացված սոցքարտեր, որոնք հետագայում չեն օգտագործվել, դրանք ուժը կորցված են համարվել: Դա հեշտ լուծելի խնդիր է, դիմելով անձնագրային ցանկացած բաժին, 10 րոպեի ընթացքում կստանան»,-ասաց Արտակ Պողոսյանը: Նա ընդգծեց, որ շատ կարևոր է մինչև մայիսի 15-ն այդ խնդիրը լուծվի:

Ինչ վերաբերում է այն ծնողներին, ովքեր Հայաստանում չեն, ապա Արտակ Պողոսյանը նշեց, որ գործընթացը կարող են կազմակերպել լիազորագրով: Արտակ Պողոսյանը նաև տեղեկացրեց, որ Հայաստանում գտնվող օտարերկրյա քաղաքացիների ու նրանց երեխաների դեպքում նույնպես հանրային ծառայությունների համարանիշը պարտադիր է:

Նյութի աղբյուրը. ԱՐՄԵՆՊՐԵՍ

  • Ինտերակտիվ գրատախտակների կիրառումը դասապրոցեսում

    Հեռավար  դասընթացներ   իրականացնելիս  հաճախ անհրաժեշտ է լինում  առցանց գրատախտակներ կիրառել: Ներկառուցված գրատախտակներն առանձնանում են իրենց հատկություններով ու հնարավորություններով: Գիտական հետազոտությունը ցույց է տվել սովորողի հետաքրքրության և իրական ուսուցման միջև եղած կապը․  դա  ուշադրության   կենտրոնացումն  է,  անակնկալ   զգացումը ։  Դրանք բոլորը սովորողի սովորելու նկատմամբ հետաքրքրության  կարևոր ցուցանիշներ են: Երբ մանկական հետաքրքրասիրությունը մեծանում է, նրանք ցանկանում են իմանալ առավել շատ տեղեկություններ, որպեսզի պատասխանեն իրենց ինչուներին: Ապացուցված է, որ տեխնոլոգիան նպաստում է երեխաների հետաքրքրությունները բավարարելուն։  Համացանցում կան բազմաթիվ բազմաֆունկցիոնալ առցանց գրատախտակներ, որոնք  նախատեսված են   պատկերները արագ փոխանակելու համար։

  • ՏԵՔՍՏԱՅԻՆ ԽՄԲԱԳՐԻՉՆԵՐ

    Թեմայի շրջանակում պետք է ներկայացնենք թե ի՞նչ է տեքստային խմբագրիչը,ի՞նչ հնարավորություններ ունի,ինֆորմացիայի մշակման ի՞նչ գործառույթներ կարող ենք կիրառել,բացի տեքստ ներմուծելը, էլ ի՞նչ միջոցներ  կարող ենք օգտագործել,տեքստի մշակման ի՞նչ ձևաչափեր կարող ենք ներմուծել և այլն

  • ՏՀՏ գործիքներ

  • ՀԱՅՈՑ ՊԱՏՄՈՒԹՅՈՒՆ VI_ՐԴ ԴԱՍԱՐԱՆ

    ՀԱՅՈՑ ՊԱՏՄՈՒԹՅՈՒՆ VI_ՐԴ ԴԱՍԱՐԱՆ /68 ԺԱՄ/Դասընթացը կազմեց Աբովյան քաղաքի թիվ 2 հիմնական դպրոցի՝պատմության և հասարակագիտության ուսուցիչ՝ Լիլիթ Մայիլյանը                                                                                                                     Դասընթացի ընդհանուր նկարագիրը                                                                     Հայոց պատմության հանրակրթական առարկայի գլխավոր նպատակը պատմական գիտելիքներով զինված, ազգային ինքնագիտակցությամբ օժտված, ազգային և համամարդկային արժեքներով առաջնորդվող, ազգային նկարագիր ունեցող հայ մարդու և քաղաքացու ձևավորումն է: Այս առաջնահերթ նպատակից բխում են հետևյալ հիմնական խնդիրները. - սովորողին հաղորդակից դարձնել նախորդ սերունդների ստեղծած հոգևոր-մշակութային արժեքներին, - ցույց տալ Հայաստանի և հայ ժողովրդի պատմամշակութային ժառանգության տեղը և դերը համաշխարհային քաղաքակրթության մեջ, - ծանոթանալ և իմանալ սեփական ակունքները, ժողովրդի պատմական ընթացքը ժամանակի հոլովույթում, - օգնել հասկանալու պատմական իրադարձությունները, երևույթները և դասեր քաղել պատմությունից, - ցույց տալ սերունդների կապը պատմության մեջ, ինչը կնպաստի պատմական ժառանգականության ընկալմանը և պատմական փորձի յուրացմանը ու հաջորդ սերունդներին դրանց փոխանցմանը, - ամբողջացնել և համակարգել հայագիտական առարկաներից սովորողների ստացած գիտելիքները:

  • Ես և շրջակա աշխարհը 4-րդ դասարան

     Ես  և շրջակա աշխարհը առարկան  պարտադիր է 2-4-րդ դասարաններում սովորողների համար։ Քանի որ 7-10 տարեկան հասակը լավագույն տարիքն է համագործակցության, փոխըմբռնման, մարդու իրավունքների հիմնախնդիրները հասկանալու համար։ Դա մարդու կյանքում սոցիալական ինքնագիտակցության աճի ժամանակաշրջանն է, և անհրաժեշտ է ,որ հենց այս տարիքում ուսումնական գործընթացում քննարկման հիմնական թեմա  է դառնում յուրաքանչյուրի նկատմամբ արդարացի վերաբերմունքի, սեփական արժանապատվության զգացումի, հանդուրժողականության, շրջապատի մարդկանց նկատմամբ բարյացակամության ձևավորմանն ուղղված հարցերը։ Երեխայի համար շատ կարևոր է հենց այս տարիքում ընդունված լինել կոլեկտիվի կողմից,լինել նրա լիիրավ անդամը։ Հանրակրթության նպատակների և կրթական բարեփոխումների խնդիրների տեսանկյունից կարևոր է առարկայի բովանդակության մեջ այնպիսի թեմաների ներառումը,որոնք կապահովեն երեխայի ՝ որպես աճող անհատականության սոցիալականացմանը,ինչպես նաև աշխարհաճանաչման և մարդկային հասարակության նկատմամբ սեփական դիրքորոշումը և հարաբերությունները ճշտելու, դրա միջոցով դեպի իրավական պետություն տանող ճանապարհի առաջին քայլերը անելու,իր երկրի արժանավոր քաղաքացի դառնալու համար անհրաժեշտ պայմանների ստեղծումը։4-րդ դասարանում ԲՆՈՒԹՅՈՒՆ, մԱՐՄԻՆՆԵՐ, նՅՈՒԹԵՐ, ՄԱՍՆԻԿՆԵՐ, մԵՐ ՀԱՅՐԵՆԻՔԸ, ՃԱՆԱՊԱՐՀՈՐԴՈՒԹՅՈՒՆՆԵՐ և ԱՇԽԱՐՀԱԳՐԱԿԱՆ ՀԱՅՏՆԱԳՈՐԾՈՒԹՅՈՒՆՆԵՐ, ԵՍ և ՀԱՍԱՐԱԿՈՒԹՅՈՒՆԸ թեմաների ուսուցման միջոցով անհրաժեշտ է սովորողներին ծանոթացնել Երկիր մոլորակի բազմազանությանը, հասարակական կյանքին, տարրական պատկերացում տալ ժողովրդավար հասարակության, իրավունքների և պարտականությունների,իրավունքների շուրջ ծագած հակամարտությունների, ինչպես նաև արդյունաբերության, տարբեր մասնագիտությունների, մշակույթի և կրթության մասին՝ ցույց տալով բնության և հասարակության կապը, նպաստել երեխաների արժեքային համակարգի ձևավորմանն ու սոցիալական հմտությունների զարգացմանը։4-րդ դասարան շաբաթական 2 ժամ,տարեկան ՝68 ժամ

  • ԻՆՖՈՐՄԱՏԻԿԱ VIII ԴԱՍ.

  • Reading rules of sound C

     Սովորել կարդալ անգլերենի C c տառը։Անգլերենում   C տառը կարդացվում է [s]  e, i, y տառերից  հետո,մնացած դեպքերում [k]

  • ԻՆՖՈՐՄԱՏԻԿԱ VII ԴԱՍԱՐԱՆ

  • Բնական թվեր և զրո

    այս դասընթացում դուք կիմանաք,թե ինչ է թվանշանը, քանի թվանշան է գործածվում թվերի գրառման համար,ինչպես և որտեղ են ստեղծվել թվանշանները,այժմ գործող թվանշաններից բացի ՝ ուրիշ ինչ թվանշաններ գոյություն ունեն:

  • Բնական թվեր և զրո

    Այս դասընթացում դուք կիմանաք , թե ինչ է թվանշանը, քանի թվանշան է գործածվում թվերի գրառման համար, որտեղ են ստեղծվել թվանշանները,այժմ գործածվող թվանշաններից բացի ուրիշ ինչ թվանշաններ կան: