Երիտասարդներն կարևորում են համագործակցությունը ՏԻՄ-երի հետ

Մարտի 19, 2019

Լուրեր կազմակերպություններից

Ներկա ժամանակաշրջանում քաղաքացիական զարգացումը համարվում կարևոր պայման անձի ինքնահաստատման ու կայացման գործում:  «Երիտասարդ ՏԻՄ գործընկեր»  4–ամսյա ծրագիրը,որը միտված էր դրան,   իրականացվեց  Տավուշի մարզի  Իջևան քաղաքում: Ծրագրում ընդգրկված  18-20 տարեկան 17  երիտասարդներ, ովքեր ԵՊՀ Իջևանի մասնաճյուղի ուսանողներ են, հնարավորություն ստացան զարգացնելու և հզորացնելու իրենց կարողություններն ու գիտելիքները քաղաքացիական-հասարակական ոլորտում, նոր մակարդակի հասցնել ՏԻՄ-երիտասարդություն կապը և տեղական որոշումների մակարդակում լսելի դարձնել երիտասարդի ձայնն ու առաջարկները: Ծրագիրը  համապատասխանում էր  ՀՀ երիտասարդական պետական  քաղաքականության ռազմավարությանը, որը ամրագրում է որպես  գերակայություն ՝ երիտասարդների մասնակցականության գործոնը հասարակական-քաղաքացիական ու այլ մակարդակներում: Իսկ Իջևան համայնքի զարգացման 2017-2021թթ. հնգամյա ծրագրի հիմնական նպատակներից են տեղական ինքնակառավարմանը բնակիչների մասնակցության ակտիվացումը՝  մասնակցության նոր մեթոդների և ձևերի ներդրման և աստիճանական զարգացման միջոցով, որի համահունչ էր ծրագիրը: Ծրագրի շրջանակում  կազմակերպվել  են դասընթացներ  խմբի անդամների  կարողությունների և գիտելիքների հզորացում ՝շահերի պաշտպանության , կարիքների վերհանման ու հարցումների անցկացման, համայնքային ծրագրերի նախագծման ու իրականացման ոլորտներում, որոշումների կայացման գործընթացում դերակատարների համագործակցության կայացման մեխանիզմների վերաբերյալ: Սովորել են, թե ինչպես պլանավորել շահերի պաշտպանության քայլերը, բացահայտել հիմնախնդիրը,  քարտեզագրել առկա ներքին ու արտաքին ռեսուրսները, կարիքների  գնահատում, ինֆորմացիայի հավաքագրման մեթոդների մասին:  Իրականացրել են նաև հանրային հարցումներ երիտասարդների շրջանում, որի արդյունքների հիման վրա կազմել են առաջարկությունների փաթեթ ՏԻՄ-երին ներկայացնելու համար:   Իջևանի համայնքապետի և ավագանու անդամների հետ կայացած հանդիպմանը խումբը  ներկայացրեց իրենց առաջարկությունները ՝ համայնքում երիտասարդների ու ՏԻՄ-երի միջև համագործակցության խորացման նպատակով:  Իջևան համայնքի ղեկավար Վարդան Ղալումյանը ողջունելով ծրագրի մասնակիցներին, կարևորեց  երիտասարդների նման նախաձեռնությունը, նշեց, որ պատրաստ են ու բաց են համագործակցության ու համատեղ ծրագրեր իրականացնելու համար և  ավագանու հետ անպայման կքննարկեն առաջարկները ու երիտասարդների հետ շփումները կդարձնեն ավելի հաճախակի: Առաջարկցվում էր  Իջևան համայնքի բյուջեով  երիտասարդական  փոքր նախաձեռնությունների ֆինանսավորում հատկացնել՝ տեղական  դրամաշնորհների հայտարարման կարգով: Հանդիպմանը նաև մասնակցում էին  ավագանու անդամներ, գործընկեր կազմակերպությունների ՝ Օքսեջեն հիմնադրամի և Վորլդ Վիժն Հայաստան միջազգային կազմակերպության, ԵՊՀ ԻՄ-ի ներկայացուցիչներ:  Բոլոր մասնակիցները ստացան հավաստագրեր: Ծրագրի մասնակից, ԵՊՀ ԻՄ-ի Անգլերեն լեզու և գրականություն բաժնի 4-րդ կուրսի ուսանողուհի Սուսաննա Սարուխանյանը նշում է.”Այս ծրագիրը բավականին տեղեկատվական էր ու արդյունավետ, որի ավարտին ձեռք բերեցի այնպիսի գիտելիքներ կարողություններ, որոնց կարիքն ունեի, սակայն նախկինում  հնարավորություն չէի ունեցել ստանալ որևէ տեղից»:

Ծրագրի ամենագլխավոր արդյունքն է, որ հիմք դրվեց երիտասարդների ու ՏԻՄ-երի միջև նոր համագորածկցության հիմքերը, որը հնարավորություն կտա երկխոսության ծավալման, նոր գաղափարների քննարկման ու համայնքում երիտասարդների քաղաքացիական ակտիվության խթանման համար:

Երիտասարդական աշխատանքի խթանմանն ուղղված  «Երիտասարդը ՏԻՄ գործընկեր» ծրագիրն իրականացվում է  «ԵՄ-ն հանուն երիտասարդության՝ հմտություններ ապագայի համար» տարածաշրջանային ծրագրի (2018-2020թթ) շրջանակներում՝ Իջևանի համայնքապետարանի  և Վորլդ Վիժն Հայաստան միջազգային  բարեգործական կազմակերպության հետ համագործակցաբար:

«ԵՄ-ն հանուն երիտասարդության՝ հմտություններ ապագայի համար» ծրագիրն իրականացվում է Եվրոպական միության ֆինանսավորմամբ հետևյալ երեք երկրներում՝ Հայաստան, Վրաստան և Ուկրաինա։  Ծրագիրը Հայաստանում իրականացվում է «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության կողմից՝ ՕքսԵՋեն երիտասարդների և կանանց իրավունքների պաշտպանության հիմնադրամի հետ համագործակցաբար:

ՎՎՀ Իջևանի գրասենյակ