ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Թևակոխում ենք գլոբալ և համակարգված բարեփոխումների փուլ. Ա. Անափիոսյան

Մարտի 13, 2019
Պաշտոնական

ՀՀ կրթության և գիտության նախարարությունում հրավիրված աշխատանքային խորհրդակցության ժամանակ քննարկվել են  միջազային գործընկերների և հասարակական կազմակերպությունների հետ համատեղ արդեն իրականացվող և նախատեսված ծրագրերը:  Խորհրդակցությունը վարել է ԿԳ նախարարի տեղակալ Արևիկ Անափիոսյանը:  «Ներկայումս մտել ենք գլոբալ և համակարգված բարեփոխումների փուլ, որի հաջողությունը կախված է նաև յուրաքանչյուրիս մասնակցությունից»,-նշել է Արևիկ Անափիոսյանը՝ ներկայացնելով հանրակրթության ոլորտում նախատեսվող բարեփոխումների օրակարգը և յուրաքանչյուր ծրագրի շրջանակում գործընկերների հետ համագործակցությունը:

Մասնավորապես, նախարարի տեղակալն անդրադարձել է այլընտրանքային տարբեր մոդելներով նախադպրոցական կրթական ծառայությունների մատուցման ծրագրին՝ ընդգծելով, որ դրա շրջանակում նախարարության հիմնական գործընկերն է հանդիսանում ՄԱԿ-ի մանկական հիմնադրամը: Արևիկ Անափիոսյանի խոսքով՝ որոշ մոդելներ մշակվել են ՅՈՒՆԻՍԵՖ-ի կողմից, սակայն որպեսզի դրանք իրականացվեն, անհրաժեշտ է համապատասխան բովանդակություն: «Ներկայումս ունենք նախադպրոցական կրթական ծառայությունների մատուցման այլընտրանքային մոդելների համապարփակ փաթեթ՝ դպրոցահեն, համայնքահեն, տնահեն և շարժական: «ԵՄ-ն քաղաքացիների համար» ծրագրի շրջանակներում ՅՈՒՆԻՍԵՖ-ը երեք մարզերում նախատեսում է ստեղծել  նախադպրոցական կրթական ծառայություն մատուցող 35 կառույց: ՀՀ 201 համայնքում, որտեղ նախադպրոցական կրթության ոչ մի ծառայություն չի մատուցվել, առաջիկա երեք տարվա ընթացքում պետք է այն ներդնենք: Հետևաբար, առաջարկել ենք ՅՈՒՆԻՍԵՖ-ի մեր գործընկերներին, որ այդ 35 հաստատությունը նախատեսեն վերոնշյալ համայնքներում: Արդյունքում՝ ավելի արագ կկարողանանաք հասնել նախադպրոցական կրթության ծառայությունների լիարժեք մատուցմանը: ԵՄ-ի հետ իրականացվող այս ծրագիրը խթանելու է նաև կանանց զբաղունակության ապահովմանը մարզերում, ինչպես նաև, օրինակ, մայրերի, տատիկների վերապատրաստմանը և ներգրավմանն աշխատաշուկայում, տվյալ դեպքում՝ այդ ուսումնական հաստատություններում»,-նշել է Արևիկ Անափիոսյանը՝ տեղեկացնելով նաև, որ նախատեսվում է մշակել  կրթության զարգացման ծրագիր, որում գլոբալ թիրախներ կսահմանվեն 2030 թվականի համար: Ծրագիրը կունենա նաև ճանապարհային քարտեզ 2025 թվականի համար, որում կսահմանվեն  միջանկյալ թիրախներ` կապված բյուջեի հետ: Արևիկ Անափիոսյանն անդրադարձել է նաև հանրակրթության պետական չափորոշիչի և առարկայական չափորոշիչների և ծրագրերի բարեփոխումների փաթեթին, որը պետք է իրականացվի Համաշխարհային բանկի և «ԵՄ-ն ի նպաստ նորարարության» ծրագրի շրջանակում: Նախարարի տեղակալն ընդգծել է, որ բարեփոխումները համակարգային բնութ են ունենալու և պահանջելու են մասնակից բոլոր կողմերի  նվիրումը:

Նյութի աղբյուրը. ՀՀ կրթության և գիտության նախարարություն

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: