ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Գործակարգավարական խորհրդակցություն ԿԳՆ-ում

Մարտի 12, 2019
Պաշտոնական

ՀՀ կրթության և գիտության նախարարությունում այսօր տեղի է ունեցել հերթական գործակարգավարական խորհրդակցությունը, որը վարել է նախարար Արայիկ Հարությունյանը: Քննարկմանը մասնակցել են նախարարի տեղակալները, ստորաբաժանումների և համակարգի կառույցների ղեկավարները: Խորհրդակցության ընթացքում քննարկվել են դպրոցների ֆինանսավորման ժամկետների պահպանման, վերջերս վերանորոգված մի շարք ավագ դպրոցներում ծագած խնդիրների վերացման, մանկավարժական հանդեսների դասակարգման, ինչպես նաև «Բարձրագույն կրթության և գիտահետազոտական գործունեության մասին» ՀՀ օրենքի նախագծի ամփոփման հարցերը: Խորհրդակցության ընթացքում անդրադարձ է եղել նաև քաղաքացիների դիմում-բողոքների և նախարարության «Թեժ գծի» սպասարկման աշխատանքների բարելավման խնդիրներին: Այս համատեքստում նախարար Արայիկ Հարությունյանը տեղեկացրել է, որ ավագ դպրոցների տնօրենների հետ նախօրեին կայացած հանդիպմանը վերջիններիս հորդորել է գործել սեփական պատասխանատվության և լիազորությունների շրջանակում և դպրոցի ներքին խնդիրներին լուծում տալ հենց ներսում՝ դրանք հանիրավի չվերահասցեագրելով նախարարությանը:

Նյութի աղբյուրը. ՀՀ կրթության և գիտության նախարարություն