ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Անմահ Թումանյանը

Մարտի 4, 2019
Սփյուռքի լրատու

Տիեզերքում աստվածային մի ճամփորդ է իմ հոգին․
Երկրից անցվոր , երկրի փառքին անհաղորդ է իմ հոգին․
Հեռացել է ու վերացել մինչ աստղերը հեռավոր,
Վար մնացած մարդու համար արդեն խորթ է իմ հոգին։

       Կան հեղինակներ ,որոնք գրականության մեջ իրենցով ժամանակաշրջան են գծում, ձևավորում, և ժողովուրդը, ծնված օրվանից, շնչում,  ապրում է նրանց ստեղծածով, լցնում հոգու դատարկ անկյունները։ Այդպիսիներից  է Ամենայն Հայոց Բանաստեղծը՝ անմահ Թումանյանը, որը դարձավ հայ գրականության  «գոհարակերտ բարձունքը»։

      Հ․ Թումանյանը այն եզակիներից էր, որ զրույցի էր  նստել աստծու հետ, որ երկրայինը տիեզերքի անհունությանն էր  հասցրել։ Նա իր հանճարեղ գրչով ստեղծեց գլուխգործոցներ, որոնք մեր ժողովրդի շուրթերին են և ծնված օրվանից  ուղեկցում են մեզ մեր ողջ կյանքի ընթացքում։

     Հայաստանում և սփյուռքում թևածում, ճախրում են թումանյանական օրերը։

     Փետրվարի քսանչորսը ՌԴ Տյումեն քաղաքի Մ․ Մաշտոցի անվան մշակույթի կենտրոնում հաճելիորեն սպասված օր էր։ Կարծես երկնային հզոր մի ուժ ցրեց մեգը, և ցոլաց արևը՝  հաստատելու՝  «Արևի նման նայեք աշխարհին» թումանյանական  ձոնը։

      Եվ սկսվեց։ Տիկին Լուսինեի սաների զրնգուն ձայները լցրեցին դահլիճը Թումանյանի շնչով։ Հպարտ կեցվածքով կանգնած երեխաները գիտակցում էին իրենց ասածի կարևորությունը։

  Սկսեցին բանաստեղծություններով, այնուհետև մտան Թումանյանի հեքիաթների կախարդական աշխարհը։ Հրաշալին այն էր, որ ոչ միայն ներկայացնում էին հեքիաթների հերոսներն, այլև մեկնաբանում , բացատրում էին հեքիաթների իմաստն ու խորհուրդը։ Ուսուցչուհին նրանց հասկանալի էր դարձրել այն գաղափարը, որ Թումանյանի հեքիաթներում լավագույն ցանկությունների իրականացումը կատարվում է բարդ պայքարի միջոցով , որ դրանցում գլխավոր հերոսը ժողովուրդն է՝ շատ հաճախ՝ միամիտ ու պարզ ։ Հրաշալի կատարում էր «Քաջ Նազարի» մեկնաբանությունն ու երգ-պարը Տիգրանի կատարմամբ։ Բեմականացվեց նաև «Կիկոսի մահը» (ղեկավար՝ ընկեր Բագրատ)։ Երեխաները խաղում էին շատ բնական՝ առաջացնելով ներկաների լիաթոք ծիծաղը։

   Իսկ երբ ամենափոքրիկ մասնակիցները՝ տիկին Հերմինեի սաները, իրենց կարմիր շորիկներով, կարմիր տոտիկներով կատարեցին «Կաքավիկ»-ը, դահլիճը հրճվալից ծափահարում էր։

    Միջոցառումը շարունակեցին բարձր տարիքի աշակերտները։ Նրանք ներկայացրին Թումանյանի բարդ ու անձնվեր կյանքը , զորավար Անդրանիկի կոչը հայ երիտասարդներին, Թումանյանի բաց նամակը։ Առնական, հզոր ձայներով որդեցին հայրենասիրական բանաստեղծությունները , որոնցում արտացոլված են հայ ժողովրդի դարավոր պատմությունը, մաքառումների և անցած տանջալից ուղու, և , ամենակարևորը, հայրենիքի անպարտելիության վեհ գաղափարը։

    Ապա երևացին հայոց բնության պատկերները , որոնք «Ախ, ինչ լավ է․․․» երգի ( Արսենի անզուգական կատարմամբ) միջոցով մեզ տեղափոխեցին Լոռու չքնաղ բնությունը, ուր լսվում է հովվի՝  կախարդական, հայի հոգու նուրբ լարը թրթռացնող՝  շվու դյութիչ ձայնը:

  «Անուշ»-ի առաջին երգի ասմունքից հետո «Ամպի տակից» երգի տակ հեզաճկուն աղջիկների կուժերով հրաշալի պարը (պարուսույց ընկեր Կարինե)  բերկրանքով լցրեց ներկաների հոգիները։

  Միջոցառման հուզիչ պահը ծնողների և հրավիրվածների անմիջական մասնակցությունն էր։ Գրեթե բոլորն արտասանում էին իրենց սիրած հատվածները պոեմներից, քառյակները,ձայնակցում էին  երգերին։

  Իսկ «Անմահ Թումանյան» երգը  (Արսենի կատարմամբ)  դարձավ Մեծն Թումանյանի անմահության անկրկնելի հիմնը։

Հեղինակ՝ Մ․ Առաքելյան

  • ՏՀՏ գործիքների կիրառումը ուսումնական գործընթացում

  • Project-Based Learning in your Classroom

    The Introducing Project-Based Learning in your Classroom course introduces you to the concept of project-based learning (PBL) and helps you to implement this pedagogical approach in your classroom by providing concrete examples, ideas and tools that can inspire and support you and your students to embark on a PBL learning journey.We will be exploring three key challenges related to the implementation of PBL: how to get students to collaborate effectively, how to facilitate student-driven activities, and finally how to assess PBL in your classroom.The course offers an introduction to these topics and provides you with a framework to engage with fellow teachers and other education stakeholders by sharing resources, experiences, ideas, etc. The goal of the course is to develop into a professional learning community discussing PBL even after the course has finished. You will find a range of resources on the course ranging from classroom videos, lesson plans, interviews, presentations, digital tools and classroom materials to peer-review and self-assessment activities. The course is entirely free . You will receive a course certificate upon completion of the full course.

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին: