ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության և գիտության նախարարությունն այսօր ամփոփել է «Ապահով համացանց» շաբաթվա շրջանակում դպրոցականների և երիտասարդների շրջանում հայտարարված կիբերանվտանգության թեմայով տեսանյութերի մրցույթը: Շնորհավորելով բոլոր հաղթողներին՝ ԿԳ նախարար Արայիկ Հարությունյանը, մասնավորապես, նշել է. «Անցած շաբաթ մեկնարկել է «Ապահով համացանց» միջոցառումների շարքը, որոնց նպատակն է դասախոսությունների միջոցով աշակերտներին սովորեցնել այն հմտությունները, որոնք թույլ կտան հրաժարվել և խուսափել անցանկալի բովանդակությունից և պաշտպանվել կիբերհարձակումներից: Կարծում եմ, որ այս կանոններին պետք է հետևել ողջ տարվա ընթացքում: Ցանկանում եմ շնորհակալություն հայտնել մրցութային հանձնաժողովին, քանի որ իսկապես դժվար է եղել ստացված 170 հայտից ընտրել լավագույն 5 տեսանյութերը: Ուրախ ենք, որ հաղթողների շարքում տարիքային տարբեր խմբերի ներկայացուցիչներ են՝ աշակերտներ, պատանիներ և երիտասարդներ»:
Մրցութային հանձնաժողովի անդամ Սամվել Մարտիրոսյանն իր հերթին նշել է, «Ապահով համացանց» շաբաթը շատ կարևոր է, և պետք է մեծ ուշադրություն դարձնել այս խնդրին: «Երեխաներն այսօր առավել անպաշտպան են, և մեծահասակները երբեմն չեն գիտակցում, որ նրանց պետք է պաշտպանել: Պետք է նշեմ, որ դպրոցներում և բուհերում վիդեոբլոգերներ են կայացել, որոնք շատ հետաքրքիր բովանդակություն են ստեղծում, և մեծահասակաները հաճախ չեն իմանում, որ առանձին մշակութային շերտ է ձևավորվել: Ընտրել լավագույններին իսկապես բարդ էր, սակայն ցանկանում եմ շեշտել մի քանի սկզբունք, որոնցով առաջնորդվել ենք: Նախ՝ մրցույթից դուրս ենք թողել բազմաթիվ տեսանյութեր, որոնց սյուժեները, կադրերը, նկարները հեղինակներինը չէին: Մեզ համար գերադասելի էին ինքնուրույն, ստեղծագործական տարրեր պարունակող տեսանյութերը, որոնք գուցե և չունեին որակյալ կադրեր և ձայն, սակայն ինքնատիպ էին և հետաքրքիր»,-նշել է Սամվել Մարտիրոսյանը՝ ընդգծելով, որ, ցավոք, մրցանակային տեղերը սահմանափակ էին:
Միջոցառման ընթացքում լավագույն հինգ տեսանյութերի հեղինակներին նախարար Արայիկ Հարությունյանը հանձնել է ԿԳՆ շնորհակալագրեր, ինչպես նաև մրցանակներ, որոնք տրամադրել էին UCOM ընկերությունը և STEM միությունը:
Նշենք, որ տեսանյութի թեման պետք է կապ ունենար կիբերանվտանգության հետ՝ սոցիալական ցանցերում անձնական տվյալների պաշտպանությունից մինչև երեխաների դեմ կիբերհալածանքների (cyber bullying) դեմ պայքար։ Մասնակիցների առավելագույն տարիքն էր՝ 25 տարեկան: Լավագույն տեսանյութերը կցուցադրվեն դպրոցներում, ինչպես նաև կտեղադրվեն ԿԳՆ կայքում և Ֆեյսբուքյան էջում:
Լավագույն տեսանյութերի հեղինակներն են՝
Մանգասարյան էլեն - ՀՀ Լոռու մարզի Վանաձորի Գրիբոյեդովի անվան թիվ 11 ավագ դպրոցի 12-րդ դասարանի աշակերտուհի
Խաչատրյան Մերի - ՀՀ Լոռու մարզի Վանաձորի թիվ 24 միջնակարգ դպրոցի 9-րդ դասարանի աշակերտուհի
Արևշատյան Շուշան - ՀՀ Գեղարքունիքի մարզի Կարմիրգյուղի թիվ 1 միջնակարգ դպրոցի 10-րդ դասարանի աշակերտուհի
Դավիթ Դավթյան - Մոսկվայի ազգային հետազոտական միջուկային համալսարանի (ՄԻՖԻ) ուսանող
Հայկանուշ Հովհաննիսյան - CoderDojo նախագծի ծրագրի համակարգող
Նյութի աղբյուրը. ՀՀ կրթության և գիտության նախարարություն
Անվճար կրթական հարթակ հայ սովորողների համար. «Քան» ակադեմիայի հայաստանյան գրասենյակ «Քան» ակադեմիան շահույթ չհետապնդող կազմակերպություն է, ստեղծվել է 2006թ., առաջնորդվում է «Ապահովել անվճար, համաշխարհային մակարդակի անվճար կրթություն բոլորի համար և ամենուրեք» կարգախոսով։ «Քան» ակադեմիայի առցանց հարթակը հասանելի է բոլորին՝ անկախ սոցիալական, հասարակական հնարավորություններից և վայրից։ «Քան» ակադեմիան տեսանյութերի ﬕջոցով կազմակերպում է առցանց կրթություն, ուսուﬓական նյութերի և վարժությունների ﬕջոցով հնարավորություն է տալիս սովորելու, պարապելու և ամրապնդելու գիտելիքները տարբեր առարկաներից։ Հարթակի խաղային տարրերն էլ աջակցում են ուսուﬓական գործընթացն ավելի հետաքրքրաշարժ դարձնելուն: Արդեն երկու տարի է՝ Հայաստանը միացել է ծրագրին՝ հասանելի դարձնելով հարթակը հայ սովորողների համար. «Այբ» կրթական հիմնադրամի նախաձեռնությամբ՝ 2017 թվականից տեղայնացվում են «Քան» ակադեմիայի նյութերը։ Ավելի քան 1200 հայերեն վարժություն ու հոդված Ավելի քան 2800 հայերեն տեսանյութ youtube-ում
«Հանրակրթական հիմնական ընդհանուր, մասնագիտացված և հատուկ պետական ծրագրեր իրականացնող ուսումնական հաստատությունների 2019-2020 ուսումնական տարվա օրինակելի ուսումնական պլանները հաստատելու մասին» ՀՀ ԿԳՄՍ նախարարի հրամանը /26.07.2019թ.n 405-ն/ և հրամանի 1,2,3 հավելվածները։
2018-2019 ուստարվա «Աստղագիտության և աստղաֆիզիկայի» դպրոցականների միջազգային օլիմպիադայի Հայաստանի թիմի մասնակիցների ԱՐԴՅՈՒՆՔՆԵՐԸ: Ղեկավարներ՝ - Գյուլզադյան Մարիետտա ՝ Բյուրականի աստղադիտարան, ֆիզմաթ հատուկ դպրոց, - Մամբրեյան Վարդգես ՝ ԵՊՀ, ֆիզմաթ հատուկ դպրոց: Մասնակիցներ՝ - Զոհրաբյան Դավիթ – Ֆիզմաթ հատուկ դպրոց, 12-րդ դասարան – արծաթե մեդալ, - Հունանյան Եվա– Ֆիզմաթ հատուկ դպրոց, 11-րդ դասարան – բրոնզե մեդալ, - Գրիգորյան Քրիստինե – Ֆիզմաթ հատուկ դպրոց, 12-րդ դասարան – բրոնզե մեդալ, - Բաղդասարյան Կարեն – Ֆիզմաթ հատուկ դպրոց, 11-րդ դասարան – արծաթե մեդալ, - Կիրակոսյան Դավիթ - Ֆիզմաթ հատուկ դպրոց, 11-րդ դասարան – բրոնզե մեդալ: Անցկացման վայրը՝ - ք․ Կեստհեյ, Հունգարիա: Անցկացման ժամկետները՝ - 2019 թվականի օգոստոսի 2-ից 9-ը:
Գործնական աշխատանք գրականությունից Վահան Տերյան - Մթնշաղի անուրջներ
Դասի պլան
Հետաքրքիր նյութեր ձայնային ալիքների մասին:
Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:
Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։
Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:
Ավելի պատկերավոր և մանրամասն պատկերացում են կազմում մեխանիկական ալիքների և սեյսմական ալիքների մասին:
Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:
Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար:
