ՀՀ կրթության և գիտության նախարար Արայիկ Հարությունյանն այսօր կառավարության նիստից հետո պատասխանել է լրագրողների հարցերին, որի ընթացքում անդրադարձել է մի շարք խնդիրների: «Ես կարևորում եմ բոլոր հայագիտական առարկաները, պարզապես ինչպես այդ, այնպես էլ մնացած բոլոր առարկաները և ուսումնական ծրագրերը վերանայվելու են, և մինչև 2023 թվականն ունենալու ենք լրիվ նոր առարկայացանկ»,-նշել է նախարարը՝ ընդգծելով, որ բազմաթիվ բողոքներ կան՝ ծրագրերի ծանրաբեռնվածության, որոշակի անհամապատասխանության, նույնաբովանդակ նյութերի մատուցման, կրկնությունների և նմանատիպ այլ հարցերի հետ կապված: «Ծնողներն առավելապես բողոքում են ուսումնական ծրագրերի ծանրաբեռնվածությունից, որոնք, այո, պետք է թեթևացնել: Դասագրքերի փոփոխությունը ևս լրացուցիչ ծախս կլինի պետության համար: Ներկայումս քննարկում ենք նաև դասագրքերի ծանրության հետ կապված հարցը. գուցե որոշում լինի դրանք դարձնել երկհատոր՝ ամեն կիսամյակի համար»,-նշել է Արայիկ Հարությունյանը: Նախարարն անդրադարձել է նաև ավագ դպրոցների խնդրին. «Երբ համակարգը ներդրվում էր, դրա մաս են դարձել ամենաանտեսված ու վատ կառույցները, ծրագիրը վատ է մշակվել և, հետևաբար, կրկնուսույցի ինստիտուտը սկսել է զարգանալ: Անցած տարի հունվարին ավագ դպրոցի հաշվին կրկին փորձել են գումար խնայել, և ավագ դպրոցների ֆինանսավորման գործակիցը իջել է՝ իր հետ բերելով գումարի զգալի նվազում: Դպրոցի տնօրենների խնայողության և մեր կողմից տրամադրված 350 մլն դրամ գումարի հաշվին կարողացել ենք այնպես անել, որ աշխատավարձերը չնվազեն: Այս պահին քննարկում ենք 1 մլրդ դրամի չափով գումար տրամադրելու հարցը, որպեսզի ուսուցիչների աշխատավարձերը չնվազեն»,-նշել է նախարարը՝ անդրադառնալով նաև Մանկավարժի վարքականոնին: «Ասեմ, որ այն ընդամենը նախագիծ է, որտեղ արտառոց ոչինչ չկա: Ներկայումս վերանայում ենք նաև ծնողների հետ կնքվող պայմանագրերը. սեպտեմբերից բոլոր ծնողները կվերակնքեն դպրոցի հետ իրենց պայմանագրերը, որտեղ հստակ կամրագրվեն յուրաքանչյուր կողմի իրավունքներն ու պարտավորությունները»,-նշել է նախարարը:
Արայիկ Հարությունյանը նաև նշել է, որ դպրոցների կառավարման համակարգի փոփոխությունների համար անհրաժեշտ են օրենսդրական փոփոխություններ, որոնք առաջիկա կիսամյակում կներկայացվեն ԱԺ: «Այս ընթացքում մեզ հաջողվել է մեծ ցնցումներից զերծ պահել կրթական համակարգը: Ներկայումս նախնական քննարկումներ են ընթանում՝ հնարավորություն գտնել բարձրացնելու ուսուցիչների աշխատավարձը: Հենց տնտեսությունը սկսեց լրացուցիչ եկամուտներ ապահովել, իսկ դրա նախադրյալներ կան, դրանք կուղղվեն սոցիալական խնդիրների, այդ թվում` աշխատավարձերի բարձրացմանը»,-ամփոփել է նախարարը:
Նյութի աղբյուրը. ՀՀ կրթության և գիտության նախարարություն
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ