Կարևորելով Շիրակի մարզի Ամասիայի տարածաշրջանում կրթության ոլորտի զարգացումը և աշխատաշուկայի համալրումը որակյալ մասնագետներով՝ Ամասիայի արհեստագործական պետական ուսումնարանի և «Բանդիվան կաթ» ՍՊԸ-ի միջև կնքվել է համագործակցության հուշագիր, որի շրջանակում կողմերը մասնագետներ կպատրաստեն նախնական մասնագիտական /արհեստագործական/ ծրագրերով՝ գյուղատնտեսական ոլորտի և աշխատաշուկայի պահանջներին համապատասխան:
ՀՀ կրթության և գիտության նախարարի տեղակալ Հովհաննես Հովհաննիսյանը, շնորհավորելով հուշագրի բոլոր կողմերին, նշել է, որ ՄԿՈւ ոլորտում սա արդեն չորրորդ համաձայնագիրն է, որ կնքվում է գործատուի և ուսհաստատության միջև: «Հուշագրերի կնքումը փոխադարձաբար պարտավորեցնող բնույթ ունի՝ էլ ավելի խորացնելու գործատուների և ուսումնական հաստատությունների միջև հարաբերությունները՝ երկուստեք տարվող աշխատանքներում հնարավորինս շատ ուսանողներ ներգրավելով: Այժմ մեծ ուշադրություն է դարձվում ուսումնարաններին և քոլեջներին. նախկինում որոշակի օբյեկտիվ պատճառներով՝ տնտեսության փլուզում, սեփականաշնորհված շենք–շինություններ և այլն, արժեզրկվել էր այս հաստատությունների դերը: Եթե նախկինում հաճախ առաջնորդվել ենք այն սկզբունքով, որ պահանջարկն է ծնում առաջարկ, ապա այժմ առաջարկն է ծնում պահանջարկ: Մենք առաջարկ ստեղծողներ ենք. եթե ունենք ջիղ, ստեղծագործական մոտեցում, ապա հնարավոր է հասնել հաջողության: Օրինակ՝ «Բանդիվան կաթ» ընկերությունը, որն աճող և հաջողակ բիզնես է, մեծ ասպարեզներ կբացի ուսումնարանի համար: Ձեր շենքային, գույքային պայմանները պետք է համապատասխան բովանդակությամբ լցնել, ուսանող-դասախոս հարաբերությունները կառուցել փոխադարձ հարգանքի մթնոլորտում՝ առավելագույն ջանքերով հասնելով հաջողության: Այսօր երկրում անասնաբույժների կարիք կա՝ շուրջ 300-400 աշխատատեղ: Եթե մասնագիտության մեջ ունեք հաջողություններ և առաջամարտիկ եք, ապա հնարավոր է առանց բուհ ավարտելու՝ դառնալ բարձր պահանջարկ ունեցող մասնագետ: Իհարկե, որոշակի դժվարություններ կան՝ տրանսպորտի, դասագրքերի հետ կապված, սակայն կարիքի հստակ ձևակերպումը, պետության հնարավոր աջակցությունը կապահովեն ձեր հաջողությունները»,-դիմելով ուսանողներին՝ նշել է Հովհաննես Հովհաննիսյանը:
ԿԳՆ նախնական /արհեստագործական/ և միջին մասնագիտական կրթության վարչության պետ Արտակ Աղբալյանի խոսքով՝ ներկայումս կարճաժամկետ ծրագրերի ուսուցման համար կա բովանդակային դաշտ և նյութատեխնիկական բազա: «Տեսական և գործնական գիտելիքների համադրումով կհասնենք որակի բարձրացման: Մասնագետները պետք է ծառայեն պետությանը՝ աշխատելով գործատուի հետ, ինչը կնպաստի գործազրկության մակարդակի իջեցմանը»,-նշել է Արտակ Աղբալյանը՝ համագործակցության համար շնորհակալություն հայտնելով «Բանդիվան կաթ» ընկերությանը:
«Բանդիվան կաթ» ընկերության տնօրեն Էդիկ Ներսիսյանն իր հերթին նշել է, որ ուսումնարանի հետ համագործակցությունը շուտով կտա իր արդյունքները: «Առաջիկայում կլուծվեն կադրային խնդիրներ, կբարձրանա կրթության որակը, և կապահովենք գործազրկության նվազում: Լավագույն ուսանողները կտեղավորվեն աշխատանքի և նույնիսկ հնարավորություն կունենան հիմնել սեփական փոքր բիզնեսը»,-ընդգծել է նա:
Նշենք, որ համաձայն հուշագրի՝ գործատուն կաջակցի նախնական մասնագիտական /արհեստագործական/ կրթական ծրագիրը հաջողությամբ ավարտած մասնակիցների աշխատանքի տեղավորմանը, մասնավորապես, Շիրակի մարզում գործող սննդի արդյունաբերության ոլորտի ընկերություններին որակյալ մասնագետներով համալրման գործում, ինչպես նաև կտրամադրի անհրաժեշտ ռեսուրսներ: Ուսումնարանն իր հերթին կիրականացնի արհեստավորների պատրաստումը և վերապատրաստումը՝ «Բանդիվան կաթ» ընկերության կողմից ներկայացված առաջարկների և նախնական /արհեստագործական/ կրթական ծրագրերի իրականացման պահանջներին համապատասխան:
Նյութի աղբյուրը. ՀՀ կրթության և գիտության նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ