ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Wolfram Research» լաբորատորիա` Հայ-Ռուսական համալսարանում

Դեկտեմբերի 26, 2018
Պաշտոնական

Հայ-Ռուսական համալսարանում դեկտեմբերի 25-ին տեղի է ունեցել «Wolfram Research» լաբորատորիայի բացման հանդիսավոր արարողությունը, որին ներկա է գտնվել Կրթության և գիտության նախարարի պաշտոնակատար Արայիկ Հարությունյանը:Լաբորատորիան ծառայելու է որպես կրթական (wolfram ծրագրավորման լեզվի դասընթացներ, վերապատրաստումներ) և գիտական (գիտական հետազոտությունների համար թվային հաշվարկներ, համակարգչային սիմուլյացիա և մոդելավորում) հարթակ:Կրթության և գիտության նախարարի պաշտոնակատար Արայիկ Հարությունյանը շեշտել է, որ  բարձրագույն կրթության և գիտության համար նման լաբորատորիաների ստեղծումը շատ կարևոր է: «Նման մեծ ընկերությունները գալիս են այնտեղ, որտեղ գործընկեր և հեռանկար են տեսնում: Այդ առումով Հայ-Ռուսական համալսարանը լավագույն հարթակներից մեկն է: Ես ցանկանում եմ առաջին հերթին շնորհավորել ԲՈւՀ-ի ղեկավարությանը հերթական այս նվաճման կապակցությամբ և մաղթել, որ այս գործընթացները շարունակական լինեն, իսկ այն հիմքերը, որոնք դրված են, ներշնչում են լավատեսություն: Ուզում եմ մաղթել նման հաջողություններ մեր մյուս ԲՈւՀ-երին՝ մեծ ընկերությունների հետ համագործակցության առումով»,- ընդգծել է նա:

«Այս լաբորատորիան հնարավորություն է ընձեռում լուծել շատ հետաքրքիր և ժամանակակից խնդիրներ: Հայ-Ռուսական համալսարանի համար շատ մեծ պատիվ է և նվաճում այս լաբորատորիան հիմնելը և ցանկությունս այն է, որ այսօրվանից այստեղ ծավալվի բուռն գիտական, հաշվողական և խնդիրների լուծման գործունեություն»,- նշել է Հայ-Ռուսական համալսարանի ռեկտոր Արմեն Դարբինյանը՝ հավելելով, որ «Wolfram Research» լաբորատորիայի ստեղծման մեջ ֆինանսական ներդրում են կատարել և «Wolfram Research» ընկերությունը, և Հայ-Ռուսական համալսարանը:

Իր հերթին «Wolfram Research» ընկերության հայաստանյան ներկայացուցչության տնօրեն Միքայել Եգիբյանը հայտնել է, որ  Հայաստանում ընկերության ներկայացուցչություն հիմնելու գաղափարն առաջացել է հինգ տարի առաջ, երբ բրիտանացի մաթեմատիկոս, ծրագրավորող և «Wolfram Research» ընկերության հիմնադիր Սթիվեն Վոլֆրամն այցելել էր Հայաստան: « Հայ-Ռուսական համալսարանը միակն է, որտեղ բացվել է «Wolfram Research» ընկերության լաբորատորիան: Իսկ ընդհանրապես մեր ընկերությունը պաշտոնական ներկայացուցչություններ ունի Անգլիայում, Շվեդիայում, Ճապոնիայում և ԱՄՆ-ում (2 հատ). Հայաստանը դարձել է 5-րդ երկիրը»,- նշել է նա:

Նշենք, որ նոյեմբերի 1-ին Հայ-Ռուսական համալսարանի և «Wolfram Research» ընկերության հայաստանյան ներկայացուցչության միջև ստորագրվել էր համագործակցության հուշագիր: «Wolfram Research»-ը ծրագրային ապահովման, գիտական և տեխնոլոգիական նորարար մշակումների ոլորտներում աշխարհի ամենահեղինակավոր ընկերություններից մեկն է:

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…