ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Երիտասարդների կարողությունների զարգացումն առաջնահերթություն է

Դեկտեմբերի 4, 2018
Լուրեր կազմակերպություններից

ԵՊՀ Իջևանի մասնաճյուղում  ուսանողների ներկայացվեց «Երիտասարդը ՏԻՄ-ի գործընկեր » նոր ծրագիրը, որն իրականացնում է Վորլդ Վիժն Հայաստան միջազգային բարեգործական կազմակերպության Իջևանի գրասենյակը ՝ Իջևանի համայնքապետարանի հետ համագործակցությամբ: Նախագիծը հնարավոր է դարձել  «ԵՄ-ն հանուն երիտասարդության՝ հմտություններ ապագայի համար» տարածաշրջանային ծրագրի շնորհիվ: Մինչ այդ  ծրագիրն իրականացնողները  նախագիծը ներկայացնելու համար հանդիպել էին մասնաճյուղի տնօրեն Արտակ Ցուցուլյանի և տնօրենի օգնական Արման  Եգանյանի հետ:  Ծրագիրը, որի տևողությունը 4 ամիս է, ուսանողներին ներկայացրեց ՎՎՀ  Տավուշի մարզի երիտասարդական ծրագրերի համակարգող Արարատ Ալիխանյանը: Ծրագրի շրջանակում  կհզորացվեն մոտ 15 երիտասարդի կարողություններ և գիտելիքներ շահերի պաշտպանության , կարիքների վերհանման ու հարցումների անցկացման, համայնքային ծրագրերի նախագծման ու իրականացման ոլորտներում, որոշումների կայացման գործընթացում դերակատարների համագործակցության կայացման մեխանիզմների մասին: Խնդիրը  կայանում է նրանում, որ ՏԻՄ որոշումների կայացման գործընթացում  երիտասարդների մասնակցությունը վատ մակարդակի վրա է, որը փաստվել է նաև facebook.com սոց.ցանցում օնլայն հարցման արդյունքներով:  Հարցվածների  41.3 %-ի կարծիքով երիտասարդը չի մասնակցում և չի կարևորում իր դերը որոշումների կայացմանը համայնքային մակարդակում, քանի որ տեղեկացված չէ ՏԻՄ-երի գործունեության մասին: Իսկ հարցվածների 29.3 %-ը գտնում է, որ երիտասարդությունը չունի կարողություններ և անհրաժեշտ գիտելիքներ ՏԻՄ-երի հետ համագործակցաբար աշխատելու և քաղաքացիական նախաձեռնություններ իրականացնելու նպատակով: Հիմնական խնդիրը ՏԻՄ-երի աշխատանքի վերաբերյալ  երիտասարդների  անտեղյակությունն է , որը խթանում վերջիններիս որոշումների կայացման մակարդակներում մասնակցություն ապահովելու համար: Ա.Ալիխանյանը նաև նշեց, որ ծրագրի շրջանակում մասնակիցները կստանան համայնքային-քաղաքացիական խնդիրների բացահայտման և խնդիրների լուծման ռազմավարությունների մշակման վերաբերյալ անհրաժեշտ հմտություններ և գիտելիքներ, կաշխատեն ավագանու  հետ և  կմշակեն Իջևանի համայնքապետարանին ներկայացվող  առաջարկությունների փաթեթ ՝ Իջևան համայնքի բյուջեով  երիտասարդական  նախաձեռնությունների ֆինանսավորման նպատակով: Ծրագիրը նաև համապատասխանում է  ՀՀ երիտասարդական պետական  քաղաքականության ռազմավարությանը, որը ամրագրում է որպես  գերակայություն ՝ երիտասարդների մասնակցականության գործոնը հասարակական-քաղաքացիական ու այլ մակարդակներում: Իսկ Իջևան համայնքի զարգացման 2017-2021թթ. հնգամյա ծրագրի հիմնական նպատակներից են սահմանված տեղական ինքնակառավարմանը բնակիչների մասնակցության ակտիվացումը՝  մասնակցության նոր մեթոդների և ձևերի ներդրման և աստիճանական զարգացման միջոցով, որին նաև համահունչ է նույն ծրագիրը:

Առաջիկայում  նոր ձևավորվող խմբի համար կսկսվեն կարողություների զարգացման վերապատրատրաստումները:

 «ԵՄ-ն հանուն երիտասարդության՝ հմտություններ ապագայի համար» տարածաշրջանային ծրագիրն (2018-2020թթ․) իրականացվում է Եվրոպական միության ֆինանսավորմամբ հետևյալ երեք երկրներում՝ Հայաստան, Վրաստան և Ուկրաինա։ Ծրագիրը Հայաստանում իրականացվում է «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության կողմից՝ ՕքսԵՋեն երիտասարդների և կանանց իրավունքների պաշտպանության հիմնադրամի հետ համագործակցաբար:

 

"EU4Youth: Better Skills for Better Future" project (2018-2020) is implemented under the funding from the European Union in three countries: Armenia, Georgia, and Ukraine. In Armenia, the project is implemented by Save the Children Armenia Country Office in cooperation with OxYGen Foundation for Protection of Youth and Women Rights.

Արարատ Ալիխանյան
ՎՎՀ  Իջևանի ՏԾ գրասենյակ

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար:

  • Հովհաննես Քաջազնունի քաղաքական գործիչն ու արվեստագետը

    Դասընթացը ներկայացնում է հայ ականավոր քաղաքական գործիչ, Անդրկովկասյան սեյմի անդամ, Հայաստանի առաջին հանրապետության առաջին վարչապետ, ճարտարապետ Հովհաննես Քաջազնունու կյանքն ու գործունեությունը։Մասնակցելով այս դասընթացին դուք ոչ միայն կճանաչեք Մեծ Հային այլև զուգահեռ կծանոթանաք նրա ապրած ժամանակներում Հայաստանի քաղաքական, սոցիալ-տնտեսական ու մշակութային  մի շարք գործընթացների: Որպես սկզմնաղբյուրներ կծանոթանաք նրա նամակներին, ստեղծագործություններին , լուսանկարներին: