Դաս միջոցառում «Աշուն» թեմայով

Նոյեմբերի 19, 2018

Սփյուռքի լրատու

Նոյեմբերի 11֊ին  ՌԴ Տյումեն  քաղաքի Մ. Մաշտոցի անվան հայկական  մշակույթի կենտրոնի  (կից՝ Տյումենի մարզի «Հայերի  Միություն» ՀՀԿ, նախագահ՝ Ա. Հովեյան) կրտսեր խմբում տեղի ունեցավ փոքրիկ միջոցառում` նվիրված հիասքանչ աշնանը (ուսուցչուհի` Ա.  Պողոսյան):
Այս տարվա աշունը սովորական չէր. այն հայկական էր,  հայոց գույներով…
Աշնանային այգու գողտրիկ անկյուն հիշեցնող դասասենյակը զարդարված էր բազմագույն ու խայտաբղետ թուփ ու տերևներով:  Ներկաներին, կարծես, կախարդական խորհուրդ էր պարուրել:
 Միջոցառումն սկսվեց աշնանը նվիրված երգով ու հանելուկով: Այնուհետև մասնակիցները  ներկայացրին աշնանային բնության փոփոխությունների, ոսկեհեր անտառի, այգիների հարուստ բերք ու բարիքի մասին:

Չուշացավ նաև ուսուցչուհի` Ալվան Պողոսյանի պատրաստած անակնկալը. աշնանային դյութիչ երաժշտության հնչյունների ներքո  դասասենյակ մտավ  ինքը` աշունը` պճնված գունագեղ զգեստով: Ինչե՜ր ասես, որ չէր բերել իր հետ. էլ կարմրաթուշ  դեղձ, էլ քաղցրա-համ  խաղող, էլ թուզ ու նուռ, և այս ամենը բերել էր Հայաստանից։  Իսկ երբ ցուցապաս-տառի վրա երևաց Արարատյան դաշտի համայնապատկերը, բոլորը, կարծես, զգացին հայաստանյան աշնան ջերմությունը։

Աշակերտներն ակնհայտ ոգևորվածությամբ  գովերգեցին գունաշատ գեղեցկուհուն, հանդես եկան աշնան վերաբերյալ երգերով, բանաստեղծություններով:  Այնուհետև  նկարեցին ու ձևավորեցին իրենց սիրած  մրգերը։

Միջոցառման ամենահամեղ հատվածը «Գուշակիր համից» խաղն էր, որը մեծ բավակա-նություն պատճատեց փոքրիկներին։ Խաղն այնքան համեղ էր, որ իր շուրջը հավաքեց նաև ծնողներին:  Դպրոցի տնօրեն՝ Ռ Դանիելյանը այցելեց դասարան և ջերմ խոսքերով շնորհավորեց աշակերտներին: Խրախուսվեցին լավագույն աշխատանքները:
Միջոցառման փոքրիկ մասնակիցները զարմանքով բացահայտեցին, որ տարվա եղանակներն ունեն ազգություն…

Արդեն հրաժեշտ տվող աշունը, երեխաների պատկերացումներով, ավելի ջերմ ու հայկական էր: Ոչ մի աշուն նման չէ հայուհի աշնանը։ Նման աշուններ միայն Հայաստանում են ծնվում…