ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Համագործակցության հուշագիր․ հեռանկարում Արցախի պետական և Բեյրութի Հայկազյան համալսարանների համագործակցությունն է

Նոյեմբերի 15, 2018
Պաշտոնական Սփյուռքի լրատու

Նոյեմբերի 14-ին Արցախի պետական համալսարանում տեղի է ունեցել Բեյրութի Հայկազյան համալսարանի կողմից տպագրվող «Հայկազյան հայագիտական հանդես» տարեգրքի շնորհանդեսը:  Հանդեսն   սկսել  է  լույս տեսնել  1970 թվականից: 1991  թվականից  մինչ  այսօր, յուրաքանչյուր    տարի  հրատարակվում  է  մեկական  հատոր, այս  տարի հանրությանն է ներկայացվել  թվով  38-րդը: Այն Սփյուռքի  մեջ  լույս  տեսնող      հայատառ   միակ  հայագիտական  տարեգիրքն  է, որն  արևմտահայերեն  դասական  ուղղագրությամբ  հրապարակում է  հայոց պատմությանն ու մշակույթին նվիրված գիտական հոդվածներ, անտիպ փաստագրական նյութեր ու գրախոսականներ: Հանդեսի հետ աշխատակցում  են Հայաստանի, Սփյուռքի և օտարազգի հայագետներ, տպագրվում են նաև   Արցախի   պրոֆեսորների, դոցենտների   գիտական  հոդվածները։

Միջոցառման    ընթացքում  Արցախի   պետական  և  Բեյրութի  Հայկազյան  համալսարանների  միջև   կնքվել  է   համագործակցության   հուշագիր, որի հիմնական  նպատակներն  են   համատեղ   գիտահետազոտական   նախագծերի նախապատրաստումն ու իրագործումը, դասախոսությունների  վարումն  ու  հեռավար  ուսուցումը։

Բեյրութի   Հայկազյան    համալսարանը  ստեղծվել  է 1955  թվականին   և   նպատակ  ունի հայապահպանման  գործընթացը   խթանելու   ոչ  միայն  Լիբանանում, այլև  ամբողջ  Առաջավոր  Ասիայում: Հայկազյան  համալսարանում   այսօր սովորում են    շուրջ   600 ուսանողներ:

Միջոցառմանը  ներկա  Բեյրութի  Հայկազյան  համալսարանի  նախագահ  Փոլ  Հայդոսթյանն  ասել է, որ  ինքը  նախորդ  այցերի  ընթացքում  է   ծանոթացել    Արցախի  հետ: «Շատ  վաղուց  ենք   համագործակցում  ԱրՊՀ-ի  հետ, բայց  այս  անգամ    այն  դարձրինք  փաստաթղթային, որի  նպատակն  է  համատեղ  գիտաժողովների  կազմակերպումը, ուսանողների   փոխայցելությունները: Երկու բուհերի  համար էլ համագործակցությունը  պետք  է  իր  դրական ազդեցությունն  ունենա»,-հույս է հայտնել    Փոլ Հայդոսթյանը:

ԱՀ  կրթության, գիտության  և  սպորտի  նախարար  Նարինե  Աղաբալյանը կարևորել է  նման  հանդիպումները՝  Արցախի  պետական  և Բեյրութի    համալսարանների  միջև  համագործակցության ամրապնդման առումով:  «Անուրանալի  է  Հայկազյան  հայագիտական   հանդեսի   դերը  հայ  ինքնության   պահպանման    և  հայագիտության   զարգացման   գործում: Այն  ստեղծվել  է  Հայոց  ցեղասպանությունից  40  տարի  անց,  այն   ժամանակ, երբ  թուրքի  յաթաղանից  մազապուրծ  եղած  հայությունն  առաջին  անգամ  զգացել  է  ուծացման   վտանգը: Այդ  տարիներին  շատ    կարևոր  էր  այն նվիրյալների  արածը, ովքեր  հիմնադրել  են հայկական   դպրոցներ,  վարժարաններ, հրատարակել   պարբերականներ: Ցանկալի կլինի, եթե   տարեգրքում  հաճախակի  տեսնենք  արցախցիների  գիտական  հոդվածները»,-նշել  է  Նարինե  Աղաբալյանը:

Միջոցառմանը ներկա էին նաև ԱՀ  մշակույթի, երիտասարդության  հարցերի և  զբոսաշրջության  նախարար  Լեռնիկ  Հովհաննիսյանը, «Հայկազյան  հայագիտական  հանդես»-ի  խմբագիր  Անդրանիկ   Դաքեսյանը, Բեյրութի  Հայկազյան  համալսարանի  ներկայացուցիչներ,  ԱրՊՀ  դասախոսներ, ուսանողներ։

Նյութի աղբյուրը. ԱՀ  կրթության, գիտության  և  սպորտի  նախարարություն

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: