ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Գ․ Թահթաեան Կիրակնօրեայ Ազգային վարժարանի 40-ամեայ յոբելեանը

Հոկտեմբերի 30, 2018
Սփյուռքի լրատու

Հոկտեմբերի 13-ին Իլինգի Double Tree by Hilton պանդոկում տեղի ունեցաւ Գ Թահթաեան Կիրակնօրեայ Ազգային վարժարանի հիմնադրման 40 ամեակին նուիրուած ճաշկերոյթ
պարահանդէսը։ Բացման խօսքով հանդէս եկաւ վարժարանի ուսուցչուհի և հոգաբարձուհի տիկին Լենա Գիւլխանճեանը։ Գերաշնորհ սրբազան հայրը շնորհաւորելով վարժարանի 40 ամեայ յոբելեանը, օրհնեց վարժարանը և ներկայներին։

Երեկոյի ընթացքում ելոյթ ունեցաւ Մեծ Բրիտանիայում և Հիւսիսային Իռլանդիայում Հայաստանի Հանրապետութեան հիւպատոս Օր․ Հայարփի Դրմեյեանը, շնորհաւորելով վարժարանի 40 ամեակը նա բարձր գնահատեց վարժարանի դերն ու նշանակութիւնը բրիտանահայ երեխաների հայեցի կրթութեան և դաստիարակութեան գործում։
Վարժարանի տնօրինուհի տիկին Ռուզաննա Թաթուլեանը, նախկին տնօրինուհի տիկին Անահիտ Ղազարեանցը իրենց ելոյթներում շնորհաւորեցին վարժարանի
բոլոր աշակերտներին, ծնողներին, ներկայ և անցեալի բոլոր ուսուցիչներին, ծնողական յանձնախմբի անդամներին, հոգաբարձուներին, տնօրէններին, խնամակալներին, նուիրատուներին, բոլոր նուիրեալներին կրթօջախի հիմնադրման 40 ամեայ յոբելեանի առթիւ։

Ելոյթով հանդէս եկաւ Բրիտանահայ Համայնքային Խորհրդի ատենապետ պարոն Արմանդ Աբրահամեանը: Շնորհաւորելով վարժարանի 40 ամեակը նա նշեց, որ
Բրիտանահայ Համայնքային Խորհրդի առաջնահերթութիւնն է եղել և շարունակելու է մնալ հնարաւորին չափով օժանդակել և աջակցել վարժարանին։
Իրենց դպրոցական տարիների յիշողութիւնները ներկայների հետ կիսեցին վարժարանի շրջանաւարտներ՝ Անի Եղիկեանը և Լիա Գիւլխանճեանը։

Տիկին Ժենյա Ներսիսեանը Պարոյր Սևակի "Մենք քիչ ենք սակայն մեզ հայ են ասում " բանաստեղծութեան արտասանութեամբ հիացրեց ներկայներին։ Երեկոյին առանձին շուք տւեցին վարժարանի շրջանաւարտներ՝ Վանուհի Պետրոսեանը, Սիփան Դրօ Պետրոսեանը, Տիգրան Մինասեանը, Անդրէ Բաբայեանը, Էլլեն Ադամեանը և աշակերտուհի Մարիա Նազարեանը իրենց գեղեցիկ հայկական պարերով։ Երեկոն անցաւ շատ ջերմ մթնոլորտում։

Գ Թահթաեան Կիրակնօրեայ Ազգային վարժարանը հիմնադրւել է 1978 թւականին Բրիտանահայ Համայնքային և Եկեղեցական խորհրդի հովանաւորութեամբ և Գևորգ Թահթայի բարերարութեամբ։ Վարժարանն իր գործունէութեան 40 տարիների ընթացքում դարձել է կայացած կրթական հաստատութիւն, որտեղ սովորել են հայոց լեզու և հայեցի կրթութիւն են ստացել հարիւրաւոր բրիտանահայ երեխաներ։ Դպրոցում հայոց լեզւի և հայոց պատմութեան գիտելիքների հետ մէկտեղ աշակերտներին փոխանցւում են մեր ազգային ինքնութեան արժէքները, սովորութիւնները և ազգային մշակութային ժառանգութիւններն այնպէս, որպէսզի նրանք կարողանան հասկանալ հայ ժողովրդի ստեղծած հոգեւոր եւ նիւթական արժէքները: Վարժարանն ունի իր կայացած կրթական ծրագիրը և աշակերտները 9-րդ դասարանն աւարտելիս յանձնում են աւարտական քննութիւն, որը համապատասխանում է անգլիական կրթական համակարգի GCSE-ի մակարդակին։

Լոնդոնում հայ ազգային ինքնութեան պահպանման ու զարգացման, սերունդների հայեցի կրթութեան և դաստիարակութեան, հայապահպանական ծրագրերի իրականացման գործում նշանակալի աւանդի համար Վարժարանն 2010 և 2017 թւականներին արժանացել է ՀՀ Սփիւռքի նախարարութեան «Լաւագոյն հայկական կրթօջախ» մրցանակին։ Սփիւռքի նախարարութիւնը բարձր գնահատելով Գ Թահթաեան Կիրակնօրեայ Ազգային վարժարանի աշխատանքները, 2018 թւականին վարժարանի մի խումբ ուսուցչուհիների պարգևատրեց Սփիւռքի նախարարութեան պատւոգրերով, որոնք տրւեցին հոկտեմբերի 14-ին։

Գերաշնորհ Սրբազան Հայրը Հոկտեմբերի 14-ին Սուրբ Եղիշէ եկեղեցում կատարեց Եկեղեցական յատուկ արարողութիւն նուիրուած Գ Թահթաեան Կիրակնօրեայ Ազգային վարժարանի հիմնադրման 40 ամեակին և Սուրբ Թարգմանիչների տօնին։ Կաթողիկոսական Սրբատառ Կոնդակով Օրհնութեան Գրեր բաշխւեցին տիկնայք Սիլվա Շամմասեանին, Մայտա Չերչեանին և Աննա Հենդէնին՝ Վարժարանում աշխատանքային 40-ամեայ գործունէութեան համար։ Սրբազան Հայրը կատարեց նաև Հոգեհանգստի արարողութիւն վարժարանի հիմնադիր անձերի՝ լուսահոգիներ Յակոբ Փալամուդեանի, Յարութիւն Այվազեանի, Օֆելյա Գույումճեանի և Գևորգ Թահթայի համար։ Սրբազան Հայրը օրհնեց Գ Թահթաեան Կիրակնօրեայ Ազգային վարժարանի աշակերտութեանը, ծնողներին, ուսուցչական կազմին, հոգաբարձուներին և խնամակալներին։

Սուրբ Պատարագի աւարտից յետոյ, Մեծ Բրիտանիայում և Հիւսիսային Իռլանդիայում Հայաստանի Հանրապետութեան Հիւպատոս Օրի․ Հայարփի Դրմեյեանը և Վարժարանի տնօրինուհի տիկին Ռուզաննա Թաթուլեանը, Սփիւռքի նախարարութեան Պատուգրերը փոխանցեցին ուսուցչուհիներին։

 

  • Առցանց գործիքների կարևորությունը ուսուցման գործընթացում

    Թեմայի հեղինակ՝ Maro

    Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության նոր հնարավորություններ: Դրանք ոչ միայն հեշտացնում են կրթական գործընթացը, այլև այն դարձնում ավելի հետաքրքիր, մատչելի և արդյունավետ:Դրանց…

  • ՀԵՔԻԱԹԱՍՏԵՂԾՄԱՆ ԿԱՐՈՂՈՒԹՅԱՆ ՁԵՎԱՎՈՐՈՒՄԸ ՏԱՐՐԱԿԱՆ ԴԱՍԱՐԱՆՆԵՐՈՒՄ

    Թեմայի հեղինակ՝ hak.xachatryan

    Հարգելի ուսուցիչներ, սիրով ձեզ եմ ներկայացնում իմ <<Հեքիաթաստեղխման կարողության ձևավորումը տարրական դասարաններում>> վերնագրով թեման: Մայրենիի ծրագրերում և դասագրքերում ոչ պակաս կարևոր է հեքիաթի տեղն ու դերը, քանի որ հեքիաթն ունի…

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…