Կարևորելով Տավուշի մարզի Բերդի տարածաշրջանում կրթության ոլորտի զարգացումը և աշխատաշուկայի համալրումը որակյալ մասնագետներով՝ ԿԳՆ Բերդի արհեստագործական պետական ուսումնարանի և «Տավուշ-Տեքստիլ» ՍՊԸ-ի միջև ստորագրվել է համագործակցության հուշագիր, համաձայն որի՝ թեթև արդյունաբերության /տեքստիլ/ ոլորտում արտադրական գործունեություն իրականացնելու համար ուսումնարանը կիրականացնի արհեստավորների պատրաստում և վերապատրաստում, կտրամադրի անհրաժեշտ տարածք, իսկ «Տավուշ-Տեքստիլը» կտրամադրի անհրաժեշտ նյութատեխնիկական բազա։
Հուշագրի ստորագրմանը մասնակցել են ՀՀ կրթության և գիտության նախարարի տեղակալ Հովհաննես Հովհաննիսյանը, «Տավուշ-Տեքստիլ» ՍՊԸ-ի հիմնադիր Սուրեն Երիցյանը, Բերդ համայնքի ղեկավար Հարություն Մանուչարյանը, գործատուներ։
«Առաջին իսկ օրվանից, երբ ստանձնել եմ նախնական և միջին մասնագիտական կրթության ոլորտի համակարգման պատասխանատվությունը, մեծ ուշադրություն եմ դարձրել այս ոլորտին, որովհետև տարիներ շարունակ այն կարծես համարվել է կրթության խորթ զավակ՝ հատկապես ավագ դպրոցի բարեփոխումների համատեքստում: Իմ խորին համոզմամբ՝ հնարավոր չէ որևէ համակարգ մյուսի հաշվին կայացնել. դրանք պետք է համընթաց զարգանան՝ իրար փոխլրացնելու սկզբունքով»,-նշել է նախարարի տեղակալը՝ ընդգծելով, որ առանց մասնավոր սեկտորի մասնակցության՝ անհնար է ՄԿՈՒ ոլորտի զարգացումը, քանի որ, ի վերջո, ուսհաստատությունը մասնագետներ է պատրաստում աշխատաշուկայի համար: «Առանց կրթության՝ մեր երկիրը չի կարող զարգանալ և մրցակցել աշխարհում: Այս առումով «Տավուշ-Տեքստիլ» ՍՊԸ-ի հիմնադիր Սուրեն Երիցյանը կարող է լավ օրինակ ծառայել ՀՀ մյուս գործարարների համար: Վերջին շրջանում, երբ փորձ է արվում որոշ գործարարների համոզել, որ մասնակցություն ունենան ուսհաստատությունների կյանքում, վերջիններս հարց են բարձրացնում, որ երբ կմասնավորեցվի համապատասխան շենքը, այն ժամանակ էլ ներդրում կարվի: Ես կարծում եմ, սակայն, որ ճիշտ ճանապարհը փոխշահավետ համագործակցությունն է, հենց նույն բիզնեսն այլ տեսանկունից զարգացնելու հեռանկարը: Այս հուշագրով մենք հստակ ուղերձ ենք հղում գործարարներին՝ հիմք դնելով պետություն-մասնավոր համագործակցության այսպիսի մոդելի»,-նշել է Հովհաննես Հովհաննիսյանը՝ հույս հայտնելով, որ այս ձևաչափն արդյունավետ կաշխատի նաև ՀՀ մյուս մարզերում և Արցախում:
«Տավուշ-Տեքստիլ» ՍՊԸ-ի հիմնադիր Սուրեն Երիցյանն իր հերթին շնորհակալություն է հայտնել ՀՀ նոր կառավարությանը՝ խնդրին օպերատիվ լուծում տալու համար: «Երբ հարցը բարձրացրեցինք ՀՀ վարչապետի՝ Տավուշ այցելության ընթացքում, մեզ հետ միանգամից կապ է հաստատել ԿԳ նախարարի տեղակալը, որի արդյունքում բոլոր խնդիրները շատ արագ կարգավորվել են: Սա հավատ է ներշնչում, որ մեր հենարանը ամուր է, և ցանկացած պահի կարելի է բոլոր խնդիրները բարձրաձայնել, որոնք համատեղ լուծումներ կստանան: Այսօր իրոք ՀՀ-ում բիզնես միջավայրը լավանալու միտում ունի, որը, սակայն, նաև ժամանակ է պահանջում»,-նշել է գործարարը՝ ընդգծելով, որ լավագույն վարպետների փորձը սերունդներին փոխանցելու և այդ փորձը չկորցնելու խնդիր կա:
Նյութի աղբյուրը. ՀՀ կրթության և գիտության նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ