ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Բրյուսելի «Հայի տան» սաների թիվը 20-ով կավելանա. ԿԳ նախարարի այցը հայկական կենտրոն

Հուլիսի 16, 2018
Սփյուռքի լրատու

Վարչապետ Նիկոլ Փաշինյանի գլխավորած պատվիրակության կազմում օրերս Բրյուսելում գտնվող ՀՀ կրթության և գիտության նախարար Արայիկ Հարությունյանն այցելել է Բրյուսելի «Հայ տուն» կենտրոն:

Նախարարի այցի ընթացքում «Հայ տանը» երեք տարբեր տարիքային խմբերի երեխաների սովորեցնում էին մայրենին՝ գրել ու կարդալ: Կենտրոնի ղեկավար Կարեն Թադևոսյանը նախարարի այցի ընթացքում Tert.am-ի հետ զրույցում ասաց, որ երեխաների թիվը 30-40-ի է հասնում, սակայն հաջորդ ուսումնական տարվա մեկնարկին շաբաթօրյա դպրոց հայ երեխաների թիվը կավելանա 20-ով:

«Արդեն դիմումներ ունենք, համաձայն որոնց՝ ուսումնական տարվա մեկնարկից հետո դպրոց այցելող հայ երեխաների թիվը կհասնի 60-ի, գուցե նաև ավելին»,-ասաց Թադևոսյանը:

Հարցին, թե կենտրոնի ռեսուրսները բավարարո՞ւմ են, Կարեն Թադևոսյանն ասաց. «Կարևորը երեխաները գան ու սովորեն հայերեն, ռեսուրսներ կան»:

Նա նաև նշեց, որ նախարարի հետ խոսել են ընդհանուր համայնքի մասին, հայտնել է, որ համայնքը քաղաքականացված չէ, որևէ կուսակցության հետ առնչություն չունի:
Դասապրոցեսին ծանոթանալուց և սաների հարցերին պատասխանելուց հետո նախարարը լսեց խնդիրների ու առաջարկների մասին:

«Նախարարին ներկայացրինք, որ ունեք և՛ արևմտահայերն, և՛ արևելահայերեն դասընթացներ, խոսեցինք «Հայի տան» գործունեության մասին: Պարոն Հարությունյանին հետաքրքրում էին միջոցները, թե որտեղից են գոյանում, արդյո՞ք սեփական է տարածքը և այլն: Տեղեկացրի, որ տարածքը սեփականաշնորհված է, պետական որևէ օժանդակություն չկա, բյուջեն ևս գոյանում է անհատների հաշիվներից»,-Tert.am-ին հայտնեց Թադևոսյանը:

Հանդիպման ավարտին ԿԳ նախարարը, պատասխանելով Tert.am-ի հարցին, ասաց առհասարակ, երբ պաշտոնական այցերով մեկնում է որևէ երկիր, անպայման այցելում է տեղի հայ համայնքի կրթական հաստատություններ:

«ՀՀ ԿԳ նախարարության խնդիրներից է նաև սփյուռքի կրթական հաստատություններին աջակցելն իր հնարավորությունների սահմաններում ՝ վերապատրաստումներ, դասագրքեր և այլն»,-ասաց Արայիկ Հարությունյանը: 

Հարցին, թե կոնկրետ «Հայի տանը» ի՞նչ խնդիրների մասին խոսեցին, ԿԳ նախարարն ասաց, որ որպես այդպիսին խնդիրներ չեն փոխանցել, բայց դասապրոցեսին հետևելով, մասնագետների հետ խորհրդակցելով՝ կփորձեն լրացուցիչ օժանդակ նյութեր ապահովել. «Մեկ հարց էլ բարձրացվեց՝ մասնագետների վերապատրաստման հարցը: Որպեսզի տեղի մասնագետները չգան Հայաստան վերապատրաստման, հնարավոր լինի մասնագետ գործուղել Բելգիա: Դրան էլ կօժանդակենք, որևէ խնդիր չկա»: 

Նյութի աղբյուրը. ԹԵՐԹ.am

  • Ձայնային ալիք

    Հետաքրքիր նյութեր ձայնային ալիքների մասին:

  • «Կլիմայական արկղիկ»

    Կլիմայի փոփոխության մասին այժմ գրեթե բոլորն են խոսում՝ գիտնականները, քաղաքական գործիչները, գործարարները: Կլիմայական փոփոխությունների պատճառների վերաբերյալ վարկածները շատ են. որոշ հետազոտողներ մատնանշում են, որ դրանք պայմանավորված են մոլորակի վրա տիեզերական գործընթացների ազդեցությամբ (արևային ակտիվության մեծացում, երկրագնդի առանցքի թեքության փոփոխություն), մյուսներն էլ պնդում են, որ հենց մարդն է իր գործունեությամբ դարձել կլիմայական աղետների պատճառ: Դասընթացի նպատակն է պարզել, թե ինչպես է մարդու գործունեությունը ազդում կլիմայի փոփոխության վրա, ինչպես նաև բացահայտել վերջինիս բացասական անդրադարձը մարդու և բնության վրա:

  • Թվականի ուսուցումը 7-րդ դասարանում

  • Գծային ֆունկցիա և նրա հատկությունները

    Այս դասընթացը կօգնի ավելի լավ ծանոթանալ գծային ֆ-ի և նրա հատկությունների հետ։

  • Հայաստան՝ երկիր հայրենի

  • Պայքարի ուրույն ձևը, ապրելու իր բանաձևը

    Դասընթացը միտված է ավագ դպրոցի աշակերտներին ծանոթացնել Մահարու գրական կյանքին ու գրական ստեղծագործություններին:

  • Տեղստային խմբագրիչ

  • Մեխանիկական ալիքներ: Ձայն

    Ավելի պատկերավոր և մանրամասն պատկերացում են կազմում  մեխանիկական ալիքների  և սեյսմական ալիքների մասին:

  • Տեղեկատվական և հաղորդակցական տեխնոլոգիաներ

    Առանց տեղեկատվական ու հաղորդակցական տեխնոլոգիաների (ՏՀՏ), մեր օրերում աներևակայելի է առաջընթացը պետական և հասարակական գործունեության ցանկացած բնագավառում: Համապատասխան ենթակառուցվածքի զարգացումը, տեղեկատվական հասարակության ստեղծումը և  համաշխարհային տեղեկատվական ոլորտում ակտիվորեն ներգրավվելը մեր երկրի առաջնային խնդիրն է համարվում: Այս խնդրի հաջող լուծմանը վճռորոշ նշանակություն է շնորհվում՝ այնպիսի ռազմավարական նպատակների հասնելու համար, ինչպիսիք են ժողովրդավարական, ազատ և իրավական պետության ստեղծումը, քաղաքացիական հասարակության զարգացումը, երկրի անվտանգությունը, մարդու իրավունքների պաշտպանությունը և ահաբեկչության դեմ պայքարը: Վճռորոշ նշանակություն ունի այն, որ ինֆորմատիկա  առարկան պետք է ոչ միայն տեխնիկական կարողություններ ու հմտություններ տա աշակերտին, այլև պետք է բարենպաստ պայմաններ ստեղծի ազգային և համամարդկային արժեքներ կրող, ազատ անհատի ձևավորման համար:

  • Բառապաշարի հարստացումը մայրենիի դասերին

    Այս դասընթացը նախատեսված է տարրական դասարաններում դասավանդող ուսուցիչների և մայրենին ուսումնասիրողների համար: