ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Համաժողով՝ նվիրված ֆինանսական կրթության ներդրմանը դպրոցում

Հուլիսի 12, 2018
Պաշտոնական

Տնտեսական համագործակցության և զարգացման կազմակերպությունը և ՀՀ կենտրոնական բանկն այսօր կազմակերպել էին համաժողով՝ նվիրված ֆինանսական կրթության ներդրմանը դպրոցում և երիտասարդության շրջանում: Համաժողովին ներկա է գտնվել ՀՀ կրթության և գիտության նախարարի տեղակալ Լուսինե Առաքելյանը:

Միջոցառման բանախոսներն անդրադարձել են աշակերտների և երիտասարդության շրջանում ֆինանսական կրթության կարևորության հարցերին, մասնավորապես ՏՀԶԳ-ի հետազոտության համաձայն՝ աշակերտները պետք է ֆինանսական կրթություն ստանան հնարավորինս վաղ հասակում: Բացի այդ, կազմակերպությունը ներկայացրել է մի քանի երկրներում /Հայաստան, Ադրբեջան, Բելառուս, Ղազախստան, Ղրղզստան և ՌԴ/ ֆինանսական գրագիտության վերաբերյալ համեմատական տվյալներ:

ՀՀ դպրոցներում ֆինանսական կրթության ներդրման մեխանիզմները ներկայացրել է ՀՀ կրթության և գիտության նախարարի խորհրդական Գոհար Մամիկոնյանը՝ նախանշելով դրա իրականացման ընդհանուր սկզբունքները: Նրա խոսքով՝ 2015 թվականից ի վեր Կրթության և գիտության նախարարությունը և Կենտրոնական բանկը, համագործակցելով Կրթության ազգային ինստիտուտի, Խնայողական բանկերի միջազգային համագործակցության միավորման հայաստանյան ներկայացուցչության, «Հայաստանի պատանեկան նվաճումներ» հասարակական կազմակերպության հետ, մշակել են «Սովորողների ֆինանսական կոմպետենցիաների մատրից» փաստաթուղթը, որը սահմանում է սովորողների համար անհրաժեշտ նվազագույն ֆինանսական գիտելիքը, հմտությունները, վերաբերմունքը և վարքագիծը՝ ըստ կրթական մակարդակների: Գոհար Մամիկոնյանի ներկայացմամբ՝ ֆինանսական կրթության բաղադրիչն ինտեգրված է «Ես և շրջակա աշխարհը» (2-4-րդ դասարաններ), «Մաթեմատիկա» (2-6-րդ դասարաններ), «Հասարակագիտություն» (8-11-րդ դասարաններ), «Հանրահաշիվ» (7-11-րդ դասարաններ) առարկաների ծրագրերում: Նա նշել է, որ հիմք ընդունելով առարկայական չափորոշիչները և ծրագրերը, ուսուցիչ վերապատրաստման մոդուլների համաձայն` 2017 թվականին վերապատրաստվել են 14 դպրոցների 46 առարկայական ուսուցիչներ, որոնք 2017-2018 ուսումնական տարվա ընթացքում փորձարկել են ֆինանսական կրթության բովանդակությունը` առարկաներում ինտեգրելու միջոցով: Ծրագրի փորձարկման արդյունքների հիման վրա վերջնական շտկումներ են իրականացվելու մշակված փաստաթղթերում: 2018 թվականի սեպտեմբերից նախատեսված է ծրագիրը ներդնել նաև ՀՀ բոլոր մարզերի 350 դպրոցներում՝ վերապատրաստելով ավելի քան 3000 ուսուցիչ:

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…