Բակային ճամբարներ Տավուշի մարզի համայնքներում

Հունիսի 28, 2018

Լուրեր կազմակերպություններից

Տավուշի մարզի Այգեհովիտ, Ազատամուտ և Սարիգյուղ համայնքներում գործող  ԻՄՓԱՔԹ երիտասարդական ակումբները ամառային արձակուրդներին յուրօրինակ նախաձեռնություննրով հանդես եկան՝ կազմակերպելով բակային ճամբարներ երեխաների համար:  Ակումբները, որոնք արդեն մի քանի տարի է, ինչ  ոչ ֆորմալ կրթության միջոցով զարգացնում են երեխաների քաղաքացիական, առաջնորդման ու այլ կարևոր կարողությունները, տարվա ընթացքում իրականացնում են համայնքային ծրագրեր՝ ելնելով համայնքների կարիքներից: Բակային ճամբարների նպատակն էր երեխաների համար ապահովել կրթական-ժամանցային միջավայր, որում յուրաքանչյուր երեխա մի քանի օրերի ընթացքում ձեռք բերի առողջ ապրելակերպի, համացանցից անվտանգ օգտվելու, նորարար մտածելակերպի զարգացման և առաջին բուժօգնության վերաբերյալ բավարար գիտելիքներ և հմտությունները: Ճամբարային օրերին մոտ 90 երեխաների համար կազմակերպվեցին տարաբնույթ սպորտային, ուսուցողական և ժամանցային միջոցառումներ, որոնք բավականին հետաքրքրական դարձրին մասնակից փոքրիկների հանգիստը:   Ճամբարների առաջին օրը մեկնարկեց  Հայ առաքելական եկեղեցու Տավուշի թեմի առաջնորդ Տեր Բագրատ եպիսկոպոս Գալստանյանի այցելությամբ, ով Աստծո Օրհնությամբ երեխաներին մաղթեց հետաքրքիր ու արդյունավետ մասնակցություն:  Ճամբարականների ամեն մի օրը հագեցած էր բազմաբովանդակ դասընթացներով և խաղերով, մրցույթներով: Նորարար մտածողության դասընթացից երեխաները սովորեցին, թե ինչպես գաղափարները կյանքի կոչել ավելի նորարար մոտեցումներով, «Առցանց անվտանգություն» դասընթացից՝  համացանցի դրական ու բացասական կողմերի մասին, իսկ «Աղետների դիմակայություն և առաջին բուժօգնություն» գործնական վարժանքների միջոցով երեխաները գիտեցան, թե ինչպես պետք է գործել արտակարգ իրավիճակներում ձեռքի տակ եղած միջոցներով: Ճամբարների  վերջին օրը երեխաները ստացան նվերներ,  և դասընթացների, մրցույթների մասնակցության հավաստագրեր, պատվոգրեր: Նշանակալի է այն հանգամանքը, որ ԻՄՓԱՔԹ ակումբները ստանձնում են դերակատարություն իրենց համայնքներում հասակակիցների համար օգտակար նախաձեռնությունների կազմակերպման համաև:   Ազատամուտից 9-ամյա Էրիկը,ով մեծ ոգևորությամբ էր հաճախում ճամբար, ասում է .«Ճամբարն անցավ շատ լավ և ուրախ։ Հետաքրքիր էին առաջին բուժօգնության և «Մաքուր ձեռքեր»  դասընթացները, խաղեր խաղալը։ Ուրախ եմ, որ մասնակցեցի շախմատի առաջնությանը, որի ժամանակ զբաղեցրեցի 3-րդ տեղը , ստացա մեդալ ու պատվոգիր։ Կուզեմ, որ էլի լինի նման ճամբար»: Իսկ Այգեհովիտ համայնքից 11-ամյա Կարենը շատ է ուրախանում, որ իր համար լավ հնարավորություն է ստեղծվել ամառային արձակուրդներն ավելի հիշարժան դարձնելու համար:

ԻՄՓԱՔԹ ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից՝ 6 մարզերում և Երևանում: Նպատակն է համախմբել երիտասարդությանը ԻՄՓԱՔԹ խմբերում, աջակցել նրանց ձեռք բերել քաղաքացիական հասարակւթյան և աշխատանքային շուկայում մրցունակ լինելու համար անհրաժշտ կարողություններ:

ՎՎՀ Իջևանի