ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Շարունակվում է դուալ կրթական համակարգի պիլոտավորումը ՀՀ քոլեջներում

Հունիսի 20, 2018
Պաշտոնական

Երևանի պետական հումանիտար քոլեջի և «Փարիզ Հոթել», «Իմպերիալ Պալաս», «Լարկո Գրուպ», «Էքսպոմեդիա», «Կրիստալ Ռեզորթ Աղվերան» ՍՊ ընկերությունների միջև այսօր կնքվել են երկկողմանի փոխըմբռնման հուշագրեր՝ դուալ ուսուցման ծրագրի իրականացման վերաբերյալ: Միջոցառումը տեղի է ունեցել Գերմանիայի կառավարության կողմից պատվիրակված և Գերմանիայի միջազգային համագործակցության ընկերության (GIZ/ԳՄՀԸ) կողմից իրականացվող «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» (ԳՄՀԸ ՄՀԶ ՄԿՈՒ) ծրագրի աջակցությամբ: Միջոցառմանը ներկա էին զբոսաշրջային և սպասարկման ոլորտի ծառայություններ առաջարկող ընկերությունների ներկայացուցիչներ:
ՀՀ ԿԳՆ մասնագիտական կրթության և ուսուցման քաղաքականության մշակման և ռազմավարության բաժնի պետ Արմենուհի Պողոսյանը նշել է, որ միջազգային կազմակերպությունների աջակցությամբ ՄԿՈՒ ոլորտում վերջին տարիներին իրականացվել են մեծածավալ բարեփոխումներ: «GIZ-ի աջակցությամբ նախորդ տարի մեկնարկել է դուալ համակարգի ներդրման գործընթացը, որի նպատակը քոլեջների և վերապատրաստում տրամադրող ձեռնարկության միջև սերտ համագործակցության ապահովումն է: Համապատասխան գիտելիքներով և հմտություններով օժտված որակյալ մասնագետների պատրաստումն անհնար է՝ առանց գործատուների անմիջական մասնակցության»,-նշել է Ա. Պողոսյանը: 
ԳՄՀԸ ՄՀԶ ՄԿՈՒ ծրագրի փորձագետ Յուլիա Ստակյանի խոսքով՝ մեր երկրում դուալ համակարգի ներդրման գործընթացը երկար ճանապարհ է անցել. իրականացվել է եվրոպական փորձի ուսումնասիրություն, մշակվել մեթոդաբանություն և իրականացվել տեղայնացում: Ըստ Յուլիա Ստակյանի՝ հուշագրերի շրջանակում «Զբոսաշրջային ծառայությունների սպասարկման մենեջեր» որակավորմամբ պատրաստվող ուսանողները քոլեջում տեսական ուսուցմանը զուգահեռ գործնական հմտություններ ձեռք կբերեն վերը նշված զբոսաշրջային և սպասարկման ոլորտի ծառայություններ առաջարկող ընկերություններում՝ ըստ մշակված և պիլոտավորվող դուալ ուսուցման մեթոդաբանության: Նրա խոսքով՝ ծրագիրը նպաստում է կրթական ու մասնավոր հատվածների կայուն համագործակցությանը Երևան քաղաքում ու Կոտայքի մարզում՝ պատրաստելու և վերապատրաստելու միջին օղակի մասնագետների նախնական և միջին մասնագիտական կրթական ծրագրերով՝ ոլորտի և աշխատաշուկայի պահանջներին համապատասխան: 
Հիշեցնենք, որ ՀՀ կրթության և գիտության նախարարության և ԳՄՀԸ-ի համագործակցության շրջանակում Երևանի պետական հումանիտար, Վայոց Ձորի, Տավուշի և Շիրակի տարածաշրջանային պետական քոլեջներում արդեն պիլոտավորվում է գերմանական դուալ համակարգը: Այն օգնում է զարգացնել ՄԿՈւ շրջանավարտների մասնագիտական կարողությունները՝ ապահովելով վերջիններիս մրցունակությունը աշխատաշուկայում: Համակարգը նաև նպաստում է սոցիալական գործընկերության զարգացմանը կրթության ոլորտում, որն իր հերթին դառնում է տնտեսության արդիականացման և զարգացման հզոր խթան: Դուալ համակարգի կենտրոնում գտնվում է աշխատանքի վրա հիմնված գործընթացի հայեցակարգը:

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…