«ՈԶՆԻ 2018» ամենամյա համակարգչային մրցույթի ամփոփում և մրցանակաբաշխություն

Հունիսի 12, 2018

ՏՀՏ նորություններ

Մամուլի հաղորդագրություն

Հունիսի 13-ին, ժամը 12:00-ին Հայաստանի ամերիկյան համալսարանի Ալեք և Մարի Մանուկյան դահլիճում (հասցե՝ Բաղրամյան 40) կկայանա «Ոզնի 2018» համակարգչային մրցույթի ամփոփման, ինչպես նաև պատվոգրերի և մրացնակների հանձման հանդիսավոր արարողությունը:

Միջոցառման ընթացքում մասնակիցներին սպասվում են հաճելի անակնկալներ:

Մրցույթի մշտական աջակիցն է Ձեռնարկությունների ինկուբատոր հիմնադրամի Հայ-Հնդկական ՏՀՏ գերազանցության կենտրոնը, որը շուրջ 6 տարի իր համակարգչային լաբորատորիաներում սիրով հյուրընկալում է մրցույթի ավելի քան 400 մասնակիցների, ինչպես նաև տրամադրում բազմակողմ աջակցություն:

Մրցույթի տեղեկատվական հովանավորն է Կրթական տեխնոլոգիաների ազգային կենտրոնը, որի աջակցությամբ Հայաստանի բոլոր դպրոցներն իրազեկվում են մրցույթի կազմակերպման և անցկացման ընթացքի մասին:

Մցույթում լավագույն արդյունք ցուցաբերած մասնակիցներին խրախուսական մրցանակներ են հանձնելու նաև նաև Մայքրոսոֆթ Հայաստան ընկերությունը և hardware.am համակարգչային սարքավորումների ինտերնետ խանութը:

Մրցույթի նպատակն է՝

• բացահայտել աշակերտների համակարգչային կարողություններն ու հմտությունները, հնարավորություն տալ նրանց համակարգչային ծրագրերի միջոցով արտահայտելու իրենց նորարարական գաղափարները, ստուգելու սեփական կարողությունները;
• ստեղծել հարթակ մարզերի և մայրաքաղաքի ուսուցիչների համագործակցության և փորձի փոխանակման համար;
• խթանել դպրոցներում ՏՀՏ ոլորտի զարգացումը։

 «Ոզնի»-ն ստեղծվել է 2010 թվականին: Լայն ընդգրկվածություն ունեցող մրցույթն առանձնահատուկ է նրանով, որ մասնակցության վճար չի գանձվում և իր ձևաչափով միակն է: 

Այս տարի մրցույթի հազարավոր մասնակիցներից եզրափակիչ փուլ անցան շուրջ 450-ը, որոնցից 65-ը կստանան պատվոգրեր և մրցանակներ: Եզրափակիչ փուլի մյուս մասնակիցներին կտրվեն վկայագրեր:

Հարգանքներով՝
Ռուզան Նիկոյան և Մարիաննա Թովմասյան
«Ոզնի» համակարգչային մրցույթի հեղինակ-կազմակերպիչներ

Նյութի աղբյուրը. ԿՏԱԿ